Prezident İlham Əliyevin ölkəmizdə apardığı islahatlar Azərbaycanı müasir, dünyəvi dövlət kimi daha da gücləndirir

Bakı:

23 °C

65 %

9 m/s

AZ RU EN

Ana səhifə / Xəbər lenti / Prezident İlham Əliyevin ölkəmizdə apardığı islahatlar Azərbaycanı müasir, dünyəvi dövlət kimi daha da gücləndirir

Prezident İlham Əliyevin ölkəmizdə apardığı islahatlar Azərbaycanı müasir, dünyəvi dövlət kimi daha da gücləndirir

16.03.2022 [13:49]

2020-ci il mart ayının 10-da Azərbaycan Respublikasının Prezidenti cənab İlham Əliyevin iştirakı ilə keçirilmiş altıncı çağırış Milli Məclisin ilk iclası sonrakı dövrdə ölkəmizdə gedən ictimai-siyasi proseslərin istiqamətləndirilməsi baxımından böyük əhəmiyyət kəsb edən hadisə idi. Dövlətimizin başçısı parlamentdə hər zaman olduğu kimi, dərin məzmunlu və əhatəli çıxışında növbədənkənar seçkilərin keçirilməsinin əsas səbəbi yeni tərkibdə formalaşan parlamentin fəaliyyətini, islahatlar siyasətinin yeni tələblər baxımından davamını başlıca şərt kimi qarşıya qoyaraq siyasi sistemin təkmilləşdirilməsi işində deputatların mühüm rolunu qeyd etdi. Vurğulandı ki, ölkədə aparılan konseptual və sturuktur xarakteri daşıyan islahatlar Milli Məclisin qanunvericilik prinsipləri əsasında həyata keçirilməli, iqtisadi islahatların dərinləşməsinə tövhə verməli, qəbul olunan sənədlər milli dəyərlərimizlə və onların qorunması ilə bağlı qanunvericilik bazası əsasında dahada təkmilləşməlidir.Əhalisinin mütləq əksəriyyətinin gənclərdən ibarət olduğu ölkəmizdə yeni nəslin milli, vətənpərvərlik ruhunda tərbiyyəsinə diqqət yetirilməlidir.

Məmum olduğu kimi, 2020-ci il ölkəmizin tarixinə ən əlamətdar, ən önəmli illərdən biri kimi həkk olundu. Təbii ki, bu ilin xalqımız üçün ən böyük əhəmiyyəti Azərbaycanın Vətən Müharibəsində əldə etdiyi tarixi qələbəsi və bu şanlı zəfər nəticəsində özünün ərazi bütövlüyünü təmin etməsi ilə bağlıdır. Prezident İlham Əliyevin heyrətamiz qabiliyyəti, ensiklopedik savadı və müdrikliyi 44 gündə nəinki döyüş meydanında, diplomatik savaşda, informasiya cəbhəsində də ölkəmizə qələbə qazandırdı.

Azərbaycanın ərazi bütövlüyünün toxnulmazlığı ilə bağlı BMT-nin qəbul etdiyi qətnamələrdə işğal faktı da, erməni silahlı birləşmələrinin zəbt etdikləri Azərbaycan ərazilərindən dərhal çıxarılması tələbləri də, qaçqınların öz əzəli torpaqlarına qayıtması da, bir sözlə, ədalətin bərpa olunması üçün nəzərdə tutulan bütün bəndlərin həlli üçün siyasi qətiyyət göstərən, diplomatiyada özünü təsdiqləmiş Prezident İlham Əliyevin qətiyyəti sayəsində bu sənədləri tarixin arxivinə göndərmək istəyən erməni təəssübkarlarının bütün cəhdləri iflasa uğradı.

Bu gün Azərbaycanın beynəlxalq aləmdə mövqeyinin getdikcə möhkəmlənməsi, nüfuzunun durmadan artması ilk növbədə prezident İlham Əliyevin uğurla həyata keçirdiyi düşünülmüş balanslı xarici siyasətin nəticəsidir. Məhz bu siyasətin nəticəsində bu gün Avropanın enerji təhlükəsizliyinin təminatı məsələsində ölkəmizin rolu və önəmi getdikcə artır. Məhz bu uğurlu siyasət Azərbaycanı artıq təkcə regionun deyil, bütün Avrasiya məkanının aparıcı dövlətlərindən birinə çevirib. Yeni formalaşmışMilli Məclis islahatlara yeni təkan verəcəkdir. Deputatlar qarşısında böyük vəzifələr durur- ilk növbədə qanunvericilik sahəsində. Çünki, parlamentin əsas işi qanunvericilikdir. Siyasi sistemin formalaşdırılması və gücləndirilməsi üçün yeni qanunvericilik təşəbbüsləri lazımdır. İqtisadi islahatlarımızın dərinləşməsi işinə töhfə verən qanunlar qəbul edilməli, milli dəyərlərimizlə və onların qorunması ilə bağlı qanunvericilik bazası dahada genişlədirilməlidir. Yeni tərkibdə formalaşan Milli Məclis mənəvi cəhətdə qüsursuz olmalıdır. Çünki, aparılan islahatların mahiyyəti də budur.

Biz inanırıq ki, altıncı çağırış Milli Məclis ölkəmizin inkişafına öz müsbət töhvəsini verəcək və dövrün tələbləri ilə ayaqlaşaraq milli maraqlarımızın qorunmasında müstəsna rol oynayacaqdır.

Elçin İmayılov,

Yeni Azərbaycan Partiyası Goranboy rayon təşkilatının sədri.

Paylaş:

Baxılıb: 844 dəfə