Fransa reallığı qəbul edir

Bakı:

27 °C

61 %

8 m/s

Əlaqə

AZ RU EN

Ana səhifə / Xəbər lenti / Fransa reallığı qəbul edir

Fransa reallığı qəbul edir

08.02.2022 [10:17]

Erməni revanşist qüvvələr isə...

Azərbaycan regionda sülh və sabitliyin bərqərar olmasını tək sözdə deyil, əməli fəaliyyətdə göstərməkdədir. Ikinci Vətən müharibəsindən 2 ilə yaxın zaman keçməkdədir. Bu dövr ərzində Azərbaycan beynəlxalq platformalarda sülhə hazır olduğunu, regionun iqtisadi və isyasi stabilliyinin möhkəmlənməsi üçün əlindən gələnini edəcəyini bəyan edib. Bu yaxınlarda prezident İlham Əliyev söylədi ki, Ermənistan elə bilməsin biz daima onlardan sülh tələb edəcəyik, bunu regionun gələcəyi üçün edirik. Ermənistanin Baş naziri Nikol Paşinyan da ötən ilin dekabr ayında sülh sazişi ilə bağlı pozitiv bəyanatlar verməklə yadda qaldı. Lakin fevralın 5-də Ermənistanda terror təşkilatı "Daşnaksütyun"un 131 illiyinə həsr olunmuş təmtəraqlı mərasimdə səslənən kin dolu çıxışlar Paşinyanın dediklərinə kifayət qədər müxalif olan və sülhə hazır olmayan siyasi elitanın olduğu sübut olundu. Müxalifət partiyasından seçilmiş Vitse-spiker İşxan Saqatelyan çıxışı zamanı Ermənistanın türkləşdirilməyəcəyi və "Artsax"-ın bərpa olunacağını vurğuladı. Mərasimdə məğlubiyyətdən çıxış yolu kimi yeni mübarizə hərəkatının yaradılması ideyası təşfiq olunurdu. Əsas maliyyə təminatı təbii ki erməni diasporasıdır. Ümumiləşdirsək, Ermənistan əgər sülh sazişi bağlayarsa, bunun kağız parçası kimi qəbul edəcəkləri istisna deyil. Ermənistan davamlı şəkildə öz kin-küdurətini yaydığı halda, Azərbaycan regionun daha da inkişafı üçün müxtəlif spektrli layihələrin icrası ilə bağlı fəaliyyətlər həyata keçirməkdədir.

Belə ki, fevralın 4-də Bakıda "Cənub Qaz Dəhlizi" Məşvərət Şurası çərçivəsində nazirlərin 8-ci toplantısı keçirildi. Konfransda səslənmiş fikirlər arasında Azərbaycanla strateji tərəfdaşlığın mühüm olduğu vurğulanmış, Aİ tərəfindən Azərbaycanın enerji təhlükəsizliyində fəal roluna görə təşəkkür bildirilmişdir. Fevralın 4-də isə Azərbaycan Prezidenti İlham Əliyevin, Fransanın Avropa İttifaqına sədrliyi qismində Prezident Emmanuel Makronun, Avropa İttifaqı Şurasının Prezidenti Şarl Mişelin və Ermənistan Baş naziri Nikol Paşinyanın iştirakı ilə videoformatda görüş keçirildi. Müharibə dövründə kəskin və qərəzli bəyanatları ilə yadda qalan E. Makron mövcud reallığa söykənən mövqeyi artıq Azərbaycanın maraqlarını təmin edir. Çünki davamlı sülhün bərqərar olması, Zəngəzur dəhlizinin açılması, azad olunmuş ərazilərdə minalardan təmizlənmə işləri bizim üçün böyük önəm daşıyır. Prezident İlham Əliyev də çıxışların birində qeyd etmişdi ki, Fransa artıq reallığı qəbul edir,Fransa ilə normal münasibətlərə qayıtmaq imkanı var. Azərbaycan keçmişlə deyil, gələcək sosial-iqtisadi rifaha söykənən siyasət həyata keçirir. Vurğulanmalıdır ki, sözügedən məsələlərdə iqtidarla-xalqın mövqeyi tam üst-ustə düşür. Ermənistanla bağlı isə bunu deyə bilmirik. Erməni revanşist və şovinist qüvvələr “Daşnaksütyün”, digər müxalifət partiyaları və ya diaspora təşkilatları simasında Cənubi Qafqaz regionundə növbəti müharibəni istisna etmirlər. Bu fikirlərə onları həvəslindən əlbəttə Şimal-qərb qüvvəlləri vardır.Biz isə öz növbəmizdə təmkinlə bu qüvvələr qarşı mübarizəni dəqiq informasiya mübadiləsi əsasında aparmalı, erməni şovinistlərinə psixoloji təzyiqləri artırmaq üçün klassik və yeni media alətində ciddi şəkildə istifadə etməliyik.

Gülsel Səfərova
Siyasi analitik

Paylaş:

Baxılıb: 864 dəfə