Azərbaycan–Belarus tikinti əməkdaşlığında yeni mərhələ

Bakı:

23 °C

43 %

7 m/s

Əlaqə

AZ RU EN

Ana səhifə / Xəbər lenti / Azərbaycan–Belarus tikinti əməkdaşlığında yeni mərhələ

Azərbaycan–Belarus tikinti əməkdaşlığında yeni mərhələ

08.04.2026 [18:48]

Pərviz Vəliyev: “Bu səfər tikinti sahəsində əməkdaşlığın genişlənməsi və innovativ texnologiyaların tətbiqi baxımından yeni imkanlar açır”

Azərbaycan Tikinti İstehsalçıları Assosiasiyasının (ATİA) nümayəndə heyəti Belarus Respublikasına işgüzar səfər edərək iki ölkə arasında tikinti və inşaat materialları sahəsində əməkdaşlığın genişləndirilməsi istiqamətində mühüm görüşlər keçirib. ATİA sədri Ramiz İsayevin rəhbərliyi ilə baş tutan səfərdə ölkəmizin aparıcı şirkətləri – Crystal Group of Companies ASC, Fəxrəddin K MMC və Unimetal təmsil olunub.

Nümayəndə heyətinin tərkibində, həmçinin “Crystal Group of Companies” ASC-nin Müşahidə Şurasının sədri Pərviz Vəliyev də yer alıb.

Səfər çərçivəsində nümayəndə heyəti Belarusun paytaxtı Minsk şəhərində Memarlıq və Tikinti naziri Aleksandr Studnev və Ticarət Palatasının sədri Mixail Myatlikov ilə görüşlər keçirib. Səmimi və konstruktiv şəraitdə baş tutan müzakirələrdə tikinti sektorunun inkişaf perspektivləri, inşaat materiallarının qarşılıqlı tədarükü, birgə layihələrin icrası, eləcə də Belarus məhsullarının Azərbaycan bazarında tətbiqi və investorların ölkəmizin tikinti sektoruna cəlb edilməsi imkanları ətraflı müzakirə olunub.

Nümayəndə heyəti Belarus Tikinti İttifaqında keçirilən görüşdə İttifaqın rəhbəri Anatoli Niçkasov ilə B2B formatında danışıqlar aparıb, Azərbaycanın tikinti sektorunda həyata keçirilən layihələri təqdim edib. Görüşün yekununda ATİA ilə Belarus Tikinti İttifaqı arasında əməkdaşlığa dair anlaşma memorandumu imzalanıb.

Səfər çərçivəsində Belqosproekt İnstitutunda keçirilən görüşdə tikinti layihələrinin dövlət ekspertizası və texniki-normativ uyğunluq məsələləri barədə geniş məlumat verilib. Burada Ağdam rayonunun Qızıl Kəngərli kəndinin layihəsi təqdim olunaraq ərazilərin “yaşıl” və “ağıllı” zona kimi inkişaf perspektivləri diqqətə çatdırılıb.

Eyni zamanda, nümayəndə heyəti Belstroytsentr, Belarus Elmi-Tədqiqat və Layihə Şəhərsalma İnstitutu və Baş Dövlət Tikinti Ekspertizasında keçirilən görüşlərdə şəhərsalma, infrastruktur layihələri, texniki nəzarət, sertifikatlaşdırma və peşəkar hazırlıq sahəsində qabaqcıl təcrübə ilə tanış olub.

Belarusun aparıcı tikinti şirkətlərindən olan A-100 Development ilə keçirilən görüşdə şirkətin “Novaya Borovaya” yaşayış kompleksi təqdim edilib, qarşılıqlı əməkdaşlıq imkanları dəyərləndirilib. Şirkət nümayəndələri Azərbaycanın Belarusiyanın tikinti layihələrində iştirakında maraqlı olduqlarını bildiriblər. Nümayəndə heyəti, həmçinin şirkətə məxsus “Müasir Beton Konstruksiyaları” zavodunda müasir texnologiyalara əsaslanan istehsal prosesini yerində izləyib.

“Crystal Group of Companies” ASC-nin Müşahidə Şurasının sədri Pərviz Vəliyev səfərin nəticələri ilə bağlı mətbuata açıqlamasında bildirib ki, dost ölkədə olduqca vacib və əhəmiyyətli görüşlər keçirilib.

İş adamının sözlərinə görə, Belarus müasir tikinti sənayesində qabaqcıl texnologiyaların tətbiqi və yenilikçi yanaşma ilə seçilir. Keçirilən görüşlər, əldə olunan razılaşmalar və imzalanan sənədlər göstərir ki, əməkdaşlıq üçün geniş potensial mövcuddur. Xüsusilə innovativ texnologiyaların transferi, birgə layihələrin icrası və investisiya imkanlarının genişləndirilməsi baxımından bu səfərin nəticələri olduqca perspektivlidir.

Qeyd edək ki, səfər çərçivəsində keçirilən bütün görüşlərdə əsas prioritet kimi tikinti və inşaat materialları sahəsində əlaqələrin möhkəmləndirilməsi, innovasiyaların tətbiqi və Azərbaycan–Belarus əməkdaşlığının daha da genişləndirilməsi istiqamətində qarşılıqlı inam ifadə olunub.

Paylaş:

Baxılıb: 337 dəfə