BAYRAM YUSİFOV

Bakı:

30 °C

58 %

5 m/s

Əlaqə

AZ RU EN

Ana səhifə / Xəbər lenti / BAYRAM YUSİFOV – 62

BAYRAM YUSİFOV – 62

27.02.2025 [13:28]

Azərbaycan Ağsaqqallar Şurasının sədr müavini Bayram Yusifovun 62 yaşı tamam olub.

Məsuliyyətli və şərəfli həyat yolu, zəngin təcrübəsi, zəhmətsevərliyi və əzmkarlığı ilə Azərbaycan Ağsaqqallar Şurasının, eləcə də respublikamızın ictimai-siyasi həyatında yaxından iştirak edən Bayram Yusifov hər zaman xalqımıza, Vətənimizə və dövlətimizə sadiq şəxsiyyət olmuşdur. Ümummilli Liderimiz Heydər Əliyevin müəyyənləşdirdiyi və bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilən daxili və xarici siyasət kursunun, o cümlədən xalqımızın milli-mənəvi dəyərlərinin, tarixi ənənələrinin cəmiyyət arasında təbliğ edilməsində, gənclərimizə sağlam həyat tərzinin aşılanmasında, onların maarifləndirilməsində, vətənpərvər və mübariz vətəndaşlar kimi yetişməsində üzərinə düşən vəzifələri layiqincə yerinə yetirmişdir. 2002-ci ildən Azərbaycan Ağsaqqallar Şurasının işində öz səmərəli fəaliyyəti ilə seçilən Bayram Yusifov 2009-cu ildən indiyədək Şuranın sədr müavini vəzifəsini uğurla həyata keçirir. 23 illik ictimai fəaliyyəti dövründə fədakar əməyi, intellektual səviyyəsi, yüksək insani keyfiyyətləri, işgüzarlığı və prinsipiallığı ilə hər kəsin etimadını doğruldan, insanlardan öz maddi və mənəvi dəstəyini əsirgəməyən Bayram Yusifov bu gün də tükənməz enerji və həvəslə çalışır. Dövlətə və dövlətçiliyə öz sədaqəti ilə seçilən Bayram müəllim Azərbaycan Ağsaqqallar Şurasının onun kurasiyasında olan şəhər və rayon təşkilatlarına mütəmadi səfərlər edir, orada aktual məsələlərlə bağlı tədbirlər, görüşlər keçirir, Şuranın yerli təşkilatlarının daha səmərəli fəaliyyət göstərmələri üçün əlindən gələni əsirgəmir. Uzunmüddətli səmərəli fəaliyyəti ilə Azərbaycan Ağsaqqallar Şurasının işinə verdiyi dəyərli töhfələrə görə “Fəxri Ağsaqqal” döş nişanı ilə təltif olunan Bayram Yusifovun həm də ən böyük mükafatı cəmiyyətdə qazandığı yüksək nüfuz və onu tanıyan hər bir ağsaqqalın, gəncin bu alicənab insana olan dərin hörmətidir.

Bu əlamətdar gün, növbəti zirvəyə yüksələn şərəfli həyatının 62-ci ildönümü münasibətilə Azərbaycan Ağsaqqallar Şurasının sədr müavini Bayram Yusifovu – yüksək əqidəli, dəyərli ictimai xadimi, ziyalı həmkarımızı, nəcib və xeyirxah insanı ürəkdən təbrik edir, ona möhkəm cansağlığı, uzun ömür, ailə səadəti, firavanlıq və gələcək fəaliyyətində tükənməz uğurlar arzulayırıq!

Dərin hörmət və səmimiyyətlə, Azərbaycan Ağsaqqallar Şurasının İdarə Heyətinin üzvləri adından Şuranın sədri, millət vəkili, professor Eldar QULİYEV

Paylaş:

Baxılıb: 684 dəfə