İmişli rayon Ağsaqqallar Şurasının qərərgahında Ağamallar kənd ərazi təşkilatının təsis iclası keçirilib

Bakı:

24 °C

75 %

10 m/s

AZ RU EN

Ana səhifə / Xəbər lenti / İmişli rayon Ağsaqqallar Şurasının qərərgahında Ağamallar kənd ərazi təşkilatının təsis iclası keçirilib

İmişli rayon Ağsaqqallar Şurasının qərərgahında Ağamallar kənd ərazi təşkilatının təsis iclası keçirilib

13.02.2025 [16:38]

İmişli rayon Ağsaqqallar Şurasının qərərgahında Ağamallar kənd ərazi təşkilatının təsis iclası keçirilib.

Tədbirdə İmişli rayon Ağsaqqallar Şurası sədrinin birinci müavini Vahid Tağıyev, İdarə heyətinin üzvü Famil İmanov, rayon ağsaqqallar şurasının mətbuat orqanı olan "Xalq sözü" qəzetinin baş redaktoru Nizami Aslanoğlu və Ağamallar kənd ağsaqqalları iştirak edirdi.

İlk öncə torpaqlarımızın işğaldan azad olunması uğrunda canlarından keçən şəhidlərimizin və yaxın zamanlarda dünyasını dəyəşən ağsaqqalların xatirəsi bir dəqiqəlik sükutla yad edildi.

Tədbirdə çıxış edən İmişli Rayon Ağsaqqallar Şurası sədrinin birinci müavini Vahid Tağıyev İmişli Rayon Ağsaqqallar Şurasının sədri, hörmətli Saleh Səmədovun salamını tədbir iştirakçılarına çatdırdı. Sonra nitqinə davam edərək respublikamızda, o cümlədən rayonumuzda Ağsaqqallar Şurasının fəaliyyəti haqqında ətraflı məlumat verdi. Azərbaycanda ağsaqqallıq missiyasının mill-mənəvi dəyərlərimizin əsas amillərindən biri olaraq davam etdiyini, onun cəmiyyətdaxili sabitliyin qorunmasında rolunu və əhəmiyyətini qeyd etdi.

Ölkəmizdə möhtərəm prezidentimiz İlham Əliyevin rəhbərliyi altında aparılan abadlıq quruçuluq işlərindən, sosial-iqtisadi inkişafdan, Azarbaycanın artan qüdrətindən, beynəlxalq nüfuzundan danışdı. Azərbaycan ağsaqqallarının həmişə olduğu kimi bu gün də dövlətimizə sədaqətlə xidmət etdiyini, gənc nəslin milli-mənəvi dəyərlərə və adət-ənənələrimizə hörmət hisləri ilə tərbiyə edilməsində onların xüsusi rola malik olduğunu bildirdi.

O, İmişli Rayon Ağsaqqallar Şurasının sədri Saleh Səmədovun apardığı xeyriyyəçilik işlərini, həmişə rayon sakinlərinin müraciətlərinə həssaslıqla yanaşmasını, müvafiq məsələlərin həll edilməsi sayəsində vətəndaş məmnunluğuna nail olunmasını qeyd etdi.

Sonra çıxış edən Rayon Ağsaqqallar Şurası İdarə heyətinin üzvü Famil İmanov bildirdi ki, ağsaqqal adı şərəfli olduğu qədər də məsuliyyətlidir. Rayonumuzda həmişə saylıb seçilən ağsaqqallarımız çox olub, onlarla fəxr etmişik. İnanıram ki, Ağamallar kənd ağsaqqallar şurası da bu missiyanın öhdəsindən layiqincə gələcəkdir.

Məsələ ətrafında digər çıxış edənlər də öz ürək sözlərini ifadə edərək ağsaqqalların uğurlu fəaliyyətinə inamlarını bildirdilər.

Tədbirdə əsasnaməyə uyğun olaraq Ağamallar kənd ağsaqqalları arasından səsvermə yolu ilə idarə heyətinin üzvləri, sədr və sədr müavinləri seçildi.

Belə ki, açıq səsvermə yolu ilə, Məmmədov Cəmil Məmmədəli oğlu, Zalov Nemət İbrahim oğlu, Qanbayev Rəsul Humay oğlu, Kərimov Kərim Əlabbas oğlu, Məmmədov Kamil Şamil oğlu, Həmidov Səbuhi Maşdı oğlu, İsmayılov Aqil Ataməli oğlu, Məmmədov Fəyyar Qara oğlu və Baxışov Çingiz Bəhmən oğlu İdarə heyətinin üzvləri, onların arasından isə Məmmədov Cəmil Məmmədəli oğlu - sədr, Zalov Nemət İbrahim oğlu - müavim, Qanbayev Rəsul Humay oğlu - müavin seçildilər.

Sonra yeni seçilən Ağamallar kənd ağsaqqallar şurasının sədrinə və müavinlərə Azərbaycan Ağsaqqallar Şurasının xüsusi nişanları təqdim olundu.

Tədbir iştirakçıları tərəfindən yeni təsis edilən Ağamallar kənd ağsaqqallar şurasının üzvləri təbrik edilərək onlara gələcək fəaliyyətlərində uğurlar arzulandı.

Tədbirin sonunda xatirə fotoları çəkildi.

Paylaş:

Baxılıb: 559 dəfə