Azərbaycan etibarlı tərəfdaş olduğunu sübut edir

Bakı:

25 °C

57 %

7 m/s

Əlaqə

AZ RU EN

Ana səhifə / YAP xəbərləri / Azərbaycan etibarlı tərəfdaş olduğunu sübut edir

Azərbaycan etibarlı tərəfdaş olduğunu sübut edir

27.03.2024 [11:15]

1992-ci ildə Azərbaycanın yeni yaradılan Şimali Atlantika Əməkdaşlıq Şurasına daxil olması ilə əsası qoyulan Azərbaycanla NATO arasında əhəmiyyətli əməkdaşlıq 1994-cü ildə başlamışdır. Prezident Heydər Əliyevin 21 noyabr tarixli fərmanı ilə 1997-ci ildə NATO-da diplomatik nümayəndəlik təsis edilib.

Ümummilli lider Heydər Əliyevin məqsədyönlü düşünülmüş siyasi kursunu dövrün tələblərinə uyğun olaraq uğurla davam etdirən Prezident İlham Əliyev də Azərbaycanın NATO ilə əməkdaşlığının inkişaf etdirilməsinə xüsusi əhəmiyyət verir.

Martın 17-də Azərbaycan Respublikasının Prezidenti İlham Əliyevin ölkəmizdə səfərdə olan NATO-nun Baş katibi Yens Stoltenberqlə əvvəlcə təkbətək , sonra geniş tərkibdə görüşü olmuşdur. Daha sonra dövlətimizin başçısı NATO-nun Baş katibi ilə birgə mətbuata bəyanatla çıxış ediblər.

Prezident İlham Əliyev bəyanatında Azərbaycan-NATO tərəfdaşlığının 30 ildən artıq davam edən uzun tarixi olduğunu, ölkəmizin Kosovoda və Əfqanıstanda sülhməramlı əməliyyatlarda iştirak etdiyini, 2021-ci il avqustun axırında Əfqanıstanı tərk edən sonuncu müttəfiq qüvvələrin Azərbaycan hərbi qulluqçuları olduğunu , bütün bunların əməkdaşlığımıza güclü sadiqliyimizi nümayiş etdirdiyini bildirib.

Dövlətimizin başçısı çıxışında həmişə Azərbaycan torpaqlarının Ermənistan tərəfindən işğalı haqqında danışırdıqsa , artıq üç ildən çoxdur ki, bu məsələ müzakirə mövzuları sırasında yer almadığını, səbəb isə Azərbaycan 2020-ci ildə İkinci Qarabağ müharibəsi və ötən ilin sentyabrında həyata keçirilmiş antiterror əməliyyatı nəticəsində özünün ərazi bütövlüyünü və suverenliyini bərpa etdiyini qeyd edib. Cənab Prezident onu da əlavə edib ki, münaqişə hərbi-siyasi yolla həll edilib və Azərbaycan BMT Nizamnaməsinə əsasən özünümüdafiə hüququndan istifadə edib.

Çıxışında Ermənistan-Azərbaycan münasibətlərinin bu günkü vəziyyətinə toxunan ölkə başçısı hazırda Ermənistanla sülh danışıqlarının fəal mərhələsində olduğumuzu bildirib. Cənab Prezident sülh danışıqlarına başlamaq Azərbaycanın təşəbbüsü olduğunu, bu günədək sülh sazişinin layihəsinə dair ermənistanlı həmkarlarla 7 dəfə şərhlərin mübadiləsi baş tutduğunu diqqətə çatdırıb.

“Bu gün Azərbaycan 8 ölkəyə qaz nəql edir ki, onların 6-sı NATO-ya üzv, digər ikisi isə NATO-nun tərəfdaş ölkəsidir. Əminəm ki, qarşıdan gələn illərdə tərəfdaşlarımızın sayı artacaq”,- deyən dövlətimizin başçısı Avropa Komissiyasının Azərbaycanı etibarlı tərəfdaş və ümumavropa qaz təchizatçısı adlandırdığını, bunun isə həm böyük üstünlük, həm də böyük məsuliyyət olduğunu vurğulayıb.

Prezident İlham Əliyev bəyanatında həmçinin Azərbaycanın yekdilliklə COP29-a ev sahibliyi edəcək ölkə seçilməsindən bəhs edib, bunun ölkəmizin yaşıl keçidlə bağlı səylərinin tanınmasının göstəricisi olduğunu qeyd edib.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 701 dəfə