Azərbaycan-Qazaxıstan münasibətləri ən yüksək səviyyədə

Bakı:

25 °C

55 %

3 m/s

Əlaqə

AZ RU EN

Ana səhifə / YAP xəbərləri / Azərbaycan-Qazaxıstan münasibətləri ən yüksək səviyyədə

Azərbaycan-Qazaxıstan münasibətləri ən yüksək səviyyədə

14.03.2024 [11:34]

Qədim tarixə malik olan Azərbaycan ilə Qazaxıstan münasibətləri bu gün ən yüksək səviyyədədir. Eyni kökə, mədəniyyətə, qədim tarixi münasibətlərə və ənənələrə sahib olan azərbaycanlılar və qazaxları həmçinin dil və din eyniliyi də birləşdirir.

Prezident İlham Əliyevin son illərdə Qazaxıstana, eyni zamanda, Qazaxıstanın dövlət başçısının Azərbaycana müntəzəm səfərləri iki ölkə arasında münasibətlərin güclənməsinə və iqtisadi əlaqələrin artmasına səbəb olur.

Məlum olduğu kimi martın 11-də Qazaxıstan Respublikasının Prezidenti Kasım-Jomart Tokayev ölkəmizə rəsmi səfərə gəlmiş, səfər çərçivəsində Prezidenti İlham Əliyevin və Qazaxıstan Respublikasının Prezidenti Kasım-Jomart Tokayevin iştirakı ilə Azərbaycan-Qazaxıstan Ali Dövlətlərarası Şuranın birinci iclası keçirmiş, iki ölkə rəhbərlərinin məhdud tərkibdə görüşü baş tutmuş, sonra dövlət başçıları Çinin Siyan terminalından Bakının Abşeron stansiyasına konteyner qatarının gəlişi mərasimini videobağlantı ilə izləmiş, Azərbaycan-Qazaxıstan sənədlərinin imzalanması mərasimindən sonra dövlət başçıları mətbuata bəyanatlarla çıxış ediblər.

Dövlətimizin başçısı bəyanatında Prezident Kasım-Jomart Tokayevlə görüşü zamanı iki ölkə arasında qarşılıqlı fəaliyyətin möhkəmləndirilməsi sahəsində görülmüş işlərlə bağlı ətraflı diskussiyalar apardıqlarını, həmçinin gələcək planların geniş müzakirə etdiklərini bildirib. Ölkə başçısı eyni zamanda qeyd edib ki, görüş zamanı təkcə mühüm ikitərəfli qarşılıqlı fəaliyyət məsələlərini müzakirə etmirik, həmçinin regional problematika, regionumuzda təhlükəsizlik sistemi ilə bağlı olan məsələlərə də toxunuruq.

Prezident İlham Əliyev ərazi bütövlüyünü və suverenliyini bərpa etməkdə Azərbaycana göstərdiyi daimi dəstəyə görə, işğaldan azad olunmuş Füzuli şəhərində Kurmanqazı adına Uşaq Yaradıcılıq Mərkəzinin inşasına dair təşəbbüsünə görə Kasım-Jomart Kemeleviçə təşəkkürünü bildirərək, bunun Qazaxıstanın Azərbaycana qardaş köməyi, hədiyyəsi və azad edilmiş ərazilərin bərpasına verdiyi dəstək olduğunu vurğulayıb.

“Azərbaycan ilə Ermənistan arasında münasibətlərin normallaşdırılması məsələsini də ətraflı müzakirə etdik”- deyən ölkə başçısı həmkarına danışıqlar prosesinin hazırkı mərhələsi, sülh sazişinin imzalanması perspektivləri haqqında məlumat verdiyini, Azərbaycanın bu məsələdə maraqlı olduğunu, məhz ölkəmizin sülh sazişinə dair danışıqlar prosesinin əvvəlindən təşəbbüs göstərdiyini diqqətə çatdırıb.

Prezident İlham Əliyev çxışında TransXəzər nəqliyyat marşrutunu meydana, dünya nəqliyyat-logistika spektrinə çıxaran indiki geosiyasi şəraitin möhkəm bazaya malik olduğunu, həm Qazaxıstanda, həm də Azərbaycanda əvvəlki illərdə bu sahəyə böyük investisiyalar yatırıldığını vurğulayaraq qeyd edib ki, Zəngin təbii ehtiyatlara malik olmağımıza baxmayaraq, biz nəqliyyat infrastrukturumuzun bu gün beynəlxalq standartlara tam uyğun gəlməsinə çalışdıq və buna nail olduq. Həm Qazaxıstanda, həm də Azərbaycanda dəmir yolları, aeroportlar, avtomobil yolları, dəniz limanları daxil olmaqla, irimiqyaslı nəqliyyat layihələri həyata keçirildi.

Prezident İlham Əliyev bəyanatında bu il ölkəmizə keçiriləcək COP29 iqlim konfransına hazırlıq məsələsinə də toxunaraq, bu məsələni də müzakirə etdiklərini , qazaxıstanlı qardaşlarımıza bu çox mühüm beynəlxalq konfransa hazırlıq və onun keçirilməsi çərçivəsində əməkdaşlıq təklif etdiyini bildirib.

Ölkə başçısı Qazaxıstanın beynəlxalq arenada müdrik siyasət, düzgün seçilmiş strategiya və dövlətin inkişafına yönəlmiş dəqiq, ölçülüb-biçilmiş addımlar, həmçinin beynəlxalq arenada qarşılıqlı fəaliyyət sayəsində çox böyük nüfuza malik olduğunu, bütün bunların Prezident Tokayevin öz xalqının, dövlətinin rifahı naminə və dostlarının sevincinə səbəb olan islahatları əks etdirdiyini vurğulayıb.

“Biz münasibətlərimizi daha böyük məzmunla zənginləşdirmək üçün səmimi səylər göstəririk”, - söyləyən Prezident İlham Əliyev dövlət səfərlərinin münasibətlərin ən yüksək səviyyədə nümayişi olduğunu diqqətə çatdırıb.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 556 dəfə