Ən gözəl bayram

Bakı:

25 °C

60 %

3 m/s

Əlaqə

AZ RU EN

Ana səhifə / YAP xəbərləri / Ən gözəl bayram

Ən gözəl bayram

07.03.2024 [15:05]

Daha qısa çalışma saatı, kişilərlə bərabər əmək haqqı və səsvermə hüququ üçün 8 mart 1908-ci ildə Nyu York Sosial-Demokrat Qadın Təşkilatının çağırışı ilə 15 min qadının iştirakı ilə keçirilmiş nümayişdən sonra , ilk Qadınlar Günü mərasimi 1909-cu ilin 28 fevralında Nyu Yorkda baş tutmuşdur. Ölkəmizdə də 8 Mart Beynəlxalq Qadınlar Günü bayram kimi hər il təntənəli şəkildə qeyd olunur.

Ümummilli lider Heydər Əliyevin 8 Mart Beynəlxalq Qadınlar bayramı ilə bağlı deyirdi: “Bu bayram, doğrudan da bizim bütün bayramlarımız içərisində ən gözəl bayramdır. Çünki bu, qadınlara həsr olunubdur. İnsan cəmiyyətində qadının rolu, əhəmiyyəti məlumdur. Qısaca onu demək olar ki, qadınsız insan yoxdur, qadınsız həyat yoxdur. Qadınlar cəmiyyətdə, həyatda göstərdikləri bütün başqa xidmətlərlə yanaşı, ona görə ən yüksək qiymətə layiqdirlər ki, onlar anadırlar.” Ulu öndərin bu sözləri Onun Azərbaycan qadınına nə qədər dəyər verdiyini bir daha açıq şəkildə nümayiş etdirir.

Bu bir reallıqdır ki, bu gün Azərbaycan cəmiyyətində qadınların rolu artır, qadınlar ölkəmizin ictimai-siyasi, iqtisadi, mədəni həyatında fəal iştirak edir, vacib məsələlərin həllində qərarlar verirlər. Bu ölkəmizdə qadınlara verilən yüksək qiymətin, onlara göstərilən diqqət və qayğının bariz nümunəsidir.

Prezident cənab İlham Əliyev hər il 8 Mart - Beynəlxalq Qadınlar Günü bayramı ərəfəsində Azərbaycan qadınlarına təbrik ünvanlayır, onlara fəxri adlar verir, orden və medallarla təltif edilirlər. Bütün bunlar bir daha onu nümayiş etdirir ki, Dövlətimizin başçısı qadınlara xüsusi olaraq diqqət göstərir, onların əvəzolunmaz fəaliyyətini yüksək qiymətləndirir.

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın hərtərəfli fəaliyyəti bu gün hər bir Azərbaycan xanımı üçün bir nümunədir. Mehriban xanım Əliyevanın parlaq fəaliyyəti, xeyirxahlıq missiyası, mədəniyyətimizin bütün dünyada təbliği sayəsində gördüyü işlər əsl örnəkdir.

Artıq dörd ildir ki, Azərbaycan xalqı bu bayramı daha qürurlu qeyd edir. Çünki Azərbaycan qadınının Vətən üçün sağlam ruhda böyüdüb boya-başa çatdırdığı övladları Müzəffər Ali Baş Komandan, Prezident cənab İlham Əliyevin rəhbərliyi ilə 44 günlük Vətən müharibəsində tarixi Zəfər əldə edərək torpaqlarımızı işğaldan azad etdi. ƏLbəttə ki, biz şəhidlərimizə, qazilərimizə nə qədər borcluyuqsa, bir o qədər də onları mərd, qəhrəman kimi, vətənpərvər ruhda böyüdən analara borcluyuq.

Sahib Şükürov

YAP Göyçay rayon təşkilatının sədri

Paylaş:

Baxılıb: 494 dəfə