“Yeni dövrdə yeni hədəflərə və yeni istiqamətlərə doğru”

Bakı:

23 °C

68 %

7 m/s

Əlaqə

AZ RU EN

Ana səhifə / YAP xəbərləri / “Yeni dövrdə yeni hədəflərə və yeni istiqamətlərə doğru”

“Yeni dövrdə yeni hədəflərə və yeni istiqamətlərə doğru”

29.02.2024 [12:44]

29.02.2024-cü il tarixdə Yeni Azərbaycan Partiyasının Laçın rayon təşkilatının inzibati binasında “Yeni dövrdə yeni hədəflərə və yeni istiqamətlərə doğru” adlı dəyirmi masa keçirilmişdir. Dəyirmi masanı giriş sözü ilə açan YAP Laçın rayon təşkilatının sədri İlqar İlyasov dəyirmi masa iştirakçılarını salamlayaraq 7 fevral 2024-cü ildə keçirilmiş növbədənkənar prezident seçkilərində əldə olunmuş mütləq qalibiyyət münasibəti ilə təbrik etmişdir.Təşkilat sədri vurğulamışdır ki, Azərbaycan xalqı uzun illərdən bəri əsarətində olduğu imperiya zəncirini qıraraq dövlət müstəqilliyini bərpa etməklə tarixi qələbə qazandı və məhz o zamandan ölkəmizin ictimai-siyasi, sosial-iqtisadi həyatında yeni bir dövr başlandı. Tarix dəfələrlə sübut etmişdir ki, millətin tale məsələsi olan dövlət müstəqilliyini qoruyub saxlamaq onu əldə etmək qədər çətindir. Məhz görkəmli siyasi xadim Heydər Əliyevin qayıdışı ilə Azərbaycan xalqında ruh yüksəkliyi, öz gələcəyinə inam yarandı və Heydər Əliyev ölkəyə milli dövlətçilik yaratmağın mümkün olması barədə yeni stimul verdi, zaman-zaman Azərbaycanın başı üstündə dolaşan qara buludlar dağılmağa başladı, Azərbaycan parçalanma təhlükəsindən xilas oldu. Nəzərə alsaq ki, milli azadlığa gedən yol məhz milli oyanışdan, milli dirçəlişdən, milli ruhun canlanmasından keçir, onda Heydər Əliyevin gəlişinin nə demək olduğunu hamı yaxşı bilir.

İlqar İlyasov qeyd etdi ki, 2003-cü ildə Azərbaycan Respublikasının Prezidenti seçildikdən sonra cənab İlham Əliyevin rəhbərliyi ilə xalqımız misilsiz nailiyyətlərə imza atmışdır. Son 20 ildə həyata keçirilmiş ardıcıl və məqsədyönlü siyasi kurs ölkəmizin sürətli və dayanıqlı inkişafını, güclü iqtisadi potensialın formalaşmasını, müasir cəmiyyət quruculuğunu, vətəndaşların rifahını, təhlükəsizlik və müasir ordu quruculuğu kimi məsələlərin effektiv həllini təmin etmiş, ölkəmizin beynəlxalq nüfuzu yüksəlmiş, dünyada strateji əhəmiyyəti artmışdır.

2020-ci il sentyabrın 27-də Ermənistanın davamlı hərbi təxribatlarına cavab olaraq başlanmış Vətən müharibəsində əldə edilmiş tarixi Zəfər və 2023-cü il sentyabrın 19-20-də həyata keçirilmiş lokal xarakterli antiterror tədbirləri nəticəsində 30 il ərzində xalqımızın qarşısında duran ən mühüm problem - Azərbaycan Respublikasının suverenliyinin və ərazi bütövlüyünün tam bərpası məsələsi həll edilmişdir.

Prezident cənab İlham Əliyevin elan etdiyi yeni dövrdə yeni hədəflərə və yeni istiqamətlərə toxunan İlqar İlyasov bildirdi ki, yeni dövr başlayır və biz bu dövrə alnımız açıq, üzümüz ağ, başımız dik daxil oluruq. Bu dövrün böyük nailiyyətləri olacaq. Son illər dövlət başçısının rəhbərliyi altında əldə olunmuş tarixi nailiyyətlər onu göstərir ki, qarşıya qoyduğumuz bütün vəzifələr icra edildi. Bu gün ən vacib istiqamətlərdən biri işğaldan azad edilmiş ərazilərə Böyük Qayıdış Azərbaycanın 2030-cu ilədək beş Milli Prioritetindən biri kimi müəyyən olunmuşdur. Milli Prioritetlərə əsaslanan "Azərbaycan Respublikasının 2022-2026-cı illərdə sosial-iqtisadi inkişaf Strategiyası" yeni inkişaf mərhələsindəki hədəflərə çatmağa xidmət edən mühüm sənəddir. İşğaldan azad edilmiş ərazilərə Böyük Qayıdış Milli Prioritetinin icrasının təmin olunması məqsədilə "Azərbaycan Respublikasının işğaldan azad edilmiş ərazilərinə Böyük Qayıdışa dair l Dövlət Proqramı" qəbul edilmiş və hazırda icra olunur. 2024-2031-ci illərdə sürətli və dayanıqlı inkişaf edən biliktutumlu iqtisadiyyatın gücləndirilməsi üçün qarşıda hədəflər dayanır. Sonda təşkilat sədri yeni istiqamətlərlə bağlı görüləcək işlərə uğurlar arzuladı.

Paylaş:

Baxılıb: 531 dəfə