İmişlidə “Narkomaniya: - Sağlam gənclik məktəbdən başlayır” adlı tədbir keçirilib

Bakı:

26 °C

59 %

3 m/s

Əlaqə

AZ RU EN

Ana səhifə / YAP xəbərləri / İmişlidə “Narkomaniya: - Sağlam gənclik məktəbdən başlayır” adlı tədbir keçirilib

İmişlidə “Narkomaniya: - Sağlam gənclik məktəbdən başlayır” adlı tədbir keçirilib

29.02.2024 [10:29]

Yeni Azərbaycan Partiyası İmişli rayon təşkilatının təşkilatçılığı ilə İmişli şəhər 7 saylı tam orta məktəbin akt zalında “Narkomaniya: - Sağlam gənclik məktəbdən başlayır” adlı tədbir keçirilib. Tədbirdə YAP İmişli rayon təşkilatının sədri Səfa Ağayev, Mil-Muğan Regional Təhsil İdarəsinin İmişli rayonu üzrə Təhsil sektorunun müdiri Kərim Kərimov və əməkdaşlar, “S.Vurğun” ərazi partiya təşkilatının sədri Vahid Tağıyev, məktəb direktorları və partiya fəalları iştirak edib.

Tədbiri giriş sözü ilə açan YAP İmişli rayon təşkilatının sədri Səfa Ağayev bildirib ki, 21-ci əsrin bəlası olan, “ağ ölüm” adlandırılan narkomaniya problemi bütün dünyada olduğu kimi, Azərbaycandan da yan keçməyib. Ölkəmizdə bununla bağlı görülən tədbirlərə baxmayaraq, problemin qarşısını hələ də tam almaq mümkün olmayıb. Narkomaniya qlobal sosial problem, milyonlarla insanın həyatına son qoyan dəhşətli müharibədir. Bu müharibə başqa amansız müharibələr kimi, xalqların genofondunu məhv edir. Narkomaniya, heç də bəzilərinin dediyi kimi, xəstəlik deyil, bir insanın məğlubiyyəti və onun sağlamlığının amansız cəlladıdır.

Çıxış edən Mil-Muğan Regional Təhsil İdarəsinin İmişli rayonu üzrə Təhsil sektorunun müdiri Kərim Kərimov qeyd edib ki, narkomaniya insanları sağalmaz xəstəliklər məngənəsində boğan "ağ ölüm"dür. İllərdir ki, bu bəla müasir cəmiyyətin ən çox rastlaşdığı və müzakirə etdiyi problemlərdən biridir. Təəssüflə qeyd etməliyik ki, narkomaniyanın əsas qurbanları olan gənclərin sayı bütün dünyada durmadan artır. Gəncliksə hər bir dövlətin, millətin, xalqın sabahı, gələcəyidir. Dövlətin, millətin, xalqın gələcəyi sağlam, etibarlı gənclikdən asılıdır. Buna görə də gənc nəslin sağlam ruhda tərbiyəsi cəmiyyətin əsas vəzifəsi hesab olunur.

“S.Vurğun” ərazi partiya təşkilatının sədri Vahid Tağıyev çıxışında vurğulayıb ki, günümüzdə narkotik maddə alverçiləri uşaqları və gəncləri öz girovlarına çevirməyə cəhd göstərirlər. Buna görə də həmin alverçilər uşaqların çox olduğu yerlərdə olur, onlara həmin məhsulları təklif edirlər. Pul qazanmaq naminə onlar insanları, xüsusilə uşaqları ölümə aparan bu pis vərdişə alışdırırlar.

Digər çıxış edənlər bildiriblər ki, məktəblilər narkomaniya barədə düzgün məlumatlandırılmalı, onlara narkomaniyanın düçar etdiyi bəlalar aşılanmalıdır. Çətin tərbiyə olunan uşaqlarla onların dilində danışmaq və narkomaniyanın nə qədər təhlükəli və zərərli bir vərdiş olduğunu başa salmaq lazımdır.

Paylaş:

Baxılıb: 458 dəfə