Xocalı faciəsi qurbanlarının qisası alındı

Bakı:

28 °C

44 %

3 m/s

Əlaqə

AZ RU EN

Ana səhifə / YAP xəbərləri / Xocalı faciəsi qurbanlarının qisası alındı

Xocalı faciəsi qurbanlarının qisası alındı

26.02.2024 [11:05]

Bu il bəşər tarixində ən qanlı cinayət sayılan Xocalı soyqrımının törədilməsindən 32 il keçir. Ermənistan silahlı qüvvələri Rusiyanın 366-cı motoatıcı alayının iştirakı ilə 1992-ci il fevralın 25-dən 26-na keçən gecə Xocalı şəhərini işğal edərək dinc əhaliyə divan tutmuşlar. Bu dəhşətli, dünyada qəddarlığına görə seçilən soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilmiş, 25 uşaq hər iki valideynini, 130 uşaq valideynlərindən birini itirmişdir. Faciədə 76-sı uşaq olmaqla, 487 nəfər yaralanmış, 1275 nəfər əsir isə götürülmüşdür. Əsir götürülənlərdən 150 nəfərin, o cümlədən 68 qadın və 26 uşağın taleyi bu günədək məlum deyil.

Azərbaycanın o vaxtkı rəhbərliyi, hakimiyyət orqanları Xocalı faciəsinin baş verməsində böyük məsuliyyət daşıyırlar. Üstəlik o zaman hakimiyyətdə olanlar qəddarlığı və amansızlığı ilə fərqlənən soyqrıma hüquqi siyasi qiymət verilməmişdir. Yalnız 1993- cü ildə xalqın arzu, istək və təkidli tələbi ilə hakimiyyətə qayıdan Ümummilli lider Heydər Əliyev Xocalı Soyqrımına hüquqi-siyasi qiymət verilmişdir. Məhz ulu öndərin təşəbbüsü ilə Milli Məclis 1994-cü il fevralın 24-də “Xocalı soyqırımı günü” haqqında qərar qəbul etdi, sənəddə hadisənin başvermə səbəbləri, günahkarlar təfsilatı ilə açıqlandı.

Ulu öndər Heydər Əliyev 1994-cü il martın 1-də Xocalı soyqırımı qurbanlarının ailələrinə müraciət edərək bu soyqırımı eyni zamanda bütün bəşəriyyətə qarşı yönəldilmiş tarixi cinayət kimi səciyyələndirib. Xocalıda dinc azərbaycanlıların faciəli surətdə həlak olmasını, şəhid olmasını Azərbaycan xalqının qəhrəmanlığının, mətanətinin, cəsarətinin nümayişi kimi dəyərləndirmişdi.

Prezident İlham Əliyevin rəhbərliyi ilə Azərbaycan dövləti Xocalı Soyqrımı haqqında həqiqətlərin dünyaya çatdırılması, bu faciənin xalqımıza qarşı soyqırımı aktı kimi tanınması üçün bütün zəruri addımları atır. Azərbaycan Respublikasının Birinci vitse-prezidenti Mehriban xanım Əliyeva da bu istiqamətdə olduqca səmərəli fəaliyyət göstərir. 2008-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə başlanmış “Xocalıya ədalət!” beynəlxalq kampaniyası bu istiqamətdə təbliğat işini daha da fəallaşdırıb. Məhz bu kampaniyaya start veriləndən sonra bir sıra ölkələrin parlamentləri Xocalı soyqırımının tanınması ilə bağlı qərarlar qəbul etmişdir.

27 sentyabr 2020-ci ildə başlamış və 44 gün davam edən Vətən müharibəsində rəşadətli ordumuz Müzəffər Ali Baş Komandanın rəhbərliyi ilə şanlı Zəfər qazandı. 2023-cü ilin sentyabr ayında antiterror tədbirləri nəticəsində Xocalı şəhəri də düşmən tapdağından azad edildi. Oktyabrın 15-də isə Prezident İlham Əliyev Xocalı şəhərində üçrəngli bayrağımızı ucaltdı. Beləliklə , Xocalı faciəsi qurbanlarının qisası alındı, şəhidlərimizin qanı yerdə qalmadı.

Sahib Şükürov

YAP Göyçay rayon təşkilatının sədri

Paylaş:

Baxılıb: 489 dəfə