Konkret mövqe

Bakı:

29 °C

42 %

5 m/s

Əlaqə

AZ RU EN

Ana səhifə / YAP xəbərləri / Konkret mövqe

Konkret mövqe

06.02.2024 [10:58]

“Minsk qrupu 28 il ərzində münaqişənin həlli prosesi ilə məşğul olsa da heç bir nəticə əldə edilmədi, Azərbaycan torpaqları işğaldan azad olunmadı, məcburi köçkünlərin geri qayıtması təmin edilmədi. Azərbaycan tərəfi isə torpaqları işğal altında olan zaman haqlı şəkildə Minsk qrupunun üzv dövlətlərini Ermənistana təzyiq göstərmək, ona müvafiq sanksiyalar tətbiq etmək barədə təkliflər irəli sürdüyü halda, o vaxt Minsk qrupu tərəfindən bu istiqamətdə heç bir addım atılmadı” Bu sözləri Azərbaycan Respublikasının Prezidenti cənab İlham Əliyev Avropa İttifaqının Baş katibi Martin Çunqonqu qəbul edərkən söyləyib.

Ölkəmizin başçısı vurğulayıb ki, Ermənistanın təcavüzkarlığına biganə yanaşan siyasi dairələr 30 il ərzində səslərini çıxarmadığı halda, Azərbaycan öz ərazi bütövlüyünü və suverenliyini bərpa etdikdən sonra nədənsə birdən-birə fəallaşmağa başlayıblar. Fəallıq isə Ermənistanı müdafiə etməkdən ibarətdir. Niyəsini isə özlərindən başqa kimsə bilmir. Bu cür mənasız və yersiz müdafiə isə göründüyü kimi yalnız sülh prosesinə maneçilik törədir. Necə ki, 44 günlük müharibədən sonra Ermənistan öz öhdəliklərini yerinə yetirmədi və separatçılara verilən dəstək bir müddət bu prosesə ciddi maneə oldu. Bundan ruhlanan separatçılar daha da irəli gedərək “prezident seçkiləri” adı altında yeni bir şou göstərdilər və bu da antiterror tədbirlərini qaçılmaz etdi. Nəticədə atəşkəs prosesinə əməl olunur, müharibə sona çatmışdır: “Azərbaycan ilə Ermənistan arasında artıq de-fakto sülh mövcuddur. İki ölkənin sərhədində bir neçə aydır sülh şəraiti hökm sürür. Amma bu prosesin məntiqi sonluğa çatdırılması üçün sülh müqaviləsi imzalanmalı və Ermənistanın Azərbaycana qarşı ərazi iddialarına son qoyulmalıdır.”

Sülh sazişinin imzalanmasına əngəl törədən amilləri konkret olaraq göstərən cənab Prezident ilk növbədə rəsmi Parisin mövqeyini və Ermənistan Konstitusiyasında və digər normativ-hüquqi sənədlərdə olan müddəaları qeyd edərək bildirdi:” Ermənistanın müstəqillik haqqında Bəyannaməsində Azərbaycanın Qarabağ bölgəsinin Ermənistanla birləşdirilməsinə və Azərbaycanın ərazi bütövlüyünün pozulmasına birbaşa çağırışlar var və bu sənədə istinadlar da Ermənistanın Konstitusiyasında öz əksini tapıb.”

AŞPA-nın bu yaxınlarda Azərbaycan nümayəndə heyətini etimadnaməsini ratifikasiya etməməsini beynəlxalq riyakarlıq adlandıran cənab İlham Əliyev konkret mövqe ortaya qoydu: “Avropa Şurası Parlament Assambleyasının addımları dialoqa xidmət etmir. Bu cür təşəbbüslər parlament platformasının ənənələri ilə ziddiyyət təşkil edir. Azərbaycan nümayəndə heyətinin hüquqları bərpa olunmalıdır. Azərbaycan nümayəndə heyətinin hüquqları bərpa olunmayacağı təqdirdə, Azərbaycan tərəfindən də Avropa Şurası və Avropa İnsan Hüquqları Məhkəməsində iştirak məsələsinə yenidən baxılacaq.” Bu mövqe Azərbaycan xalqının mövqeyidir. Azərbaycan xalqı ikili standartlardan yetərincə ziyan çəkib. Belə davam edəcəyi təqdirdə təbii ki, xalq öz sözünü deyəcəkdir.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 647 dəfə