İkili standartların göstəricisi

Bakı:

26 °C

61 %

10 m/s

Əlaqə

AZ RU EN

Ana səhifə / YAP xəbərləri / İkili standartların göstəricisi

İkili standartların göstəricisi

29.01.2024 [15:26]

27 sentyabr 2020-ci ildə erməni təxribatı nəticəsində başlayan Vətən müharibəsində əldə edilən şanlı Zəfər tariximizə şərəfli bir səhifə kimi yazıldı. Müzəffər Ali Baş Komandan cənab İlham Əliyevin rəhbərliyi ilə 44 gün davam edən Vətən müharibəsi zamanı qismən, 2023-cü ildə Qarabağda həyata keçirilən antiterror tədbirləri zamanı Azərbaycan öz ərazi bütövlüyünü və süverenliyini tam olaraq bərpa etdi.

Azərbaycanın öz ərazi bütövlüyünü və suverenliyini tam bərpa etməsini müəyyən ermənipərəst, erməni maraqlarına xidmət edən, erməni lobbisinin əlində siyasi alətə çevrilmiş qüvvələr həzm edə bilmir, ölkəmizə qarşı qərəzli münasibət sərgiləyir, qarayaxma kompaniyası aparırlar. Azərbaycana qarşı qarayaxma kampaniyasının növbəti ünvanı Avropa Şurası Parlament Assambleyası oldu.

Yanvar ayının 22-də keçirilən iclasda Avropa Şurası Azərbaycan nümayəndə heyətinin etimadnaməsini qəbul etməməsi, AŞPA-nın ölkəmizə qarşı qərəzli , riyakar, anti-Azərbaycan siyasətinin növbəti göstəricisidir. Azərbaycan nümayəndə heyəti bu qərəzli, ədalətsiz qərara cavab olaraq AŞPA ilə əməkdaşlığı qeyri-müəyyən müddətə dayandıraraq haqlı olaraq iclas zalını tərk edib.

2020-ci ilin noyabrında Vətən müharibəsi bitdikdən dərhal sonra ölkəmiz sülh danışıqlarına başlamaq üçün təşəbbüs irəli sürdu. Torpaqları 30 ilə yaxın işğal altında olan, bir milyondan artıq vətəndaşı öz yurd yuvasından didərgin düşən, haqq və hüquqları kobud şəkildə pozulan, soyqrıma məruz qalan Azərbaycan olmasına baxmayaraq ,yenə də Ermənistana sülh müqaviləsini təklif edən ölkəmiz oldu. Bu Azərbaycanın sülhə, əmin-amanlığa nə qədər dəyər verdiyinin, bölgədə sabitliyin təmin olunmasında maraqlı olmasının bariz nümunəsidir. Ölkəmizin bu cür addımlarının, təşəbbüslərinin nəzərə alınmaması isə AŞPA-nın siyasi riyakarlığının göstəricisidir.

AŞPA-nın bu qərəzli addımını əsaslandırmağa çalışaraq uydurma səbəblər göstərib. Amma bu səbəblərin heç birinin əsası yoxdur və tamamilə absurddur.

AŞPA Azərbaycan tərəfinin 2023-cü ildə “Laçın dəhlizi”nə səfərə və Qarabağdakı vəziyyəti müşahidə etməyə, eyni zamanda azərbaycanlı “siyasi məhbuslar”la görüşə icazə verməməsi əsas səbəb kimi göstərilib.

Əlbəttə ki, AŞPA-nın bu davranışı ölkəmizə qarşı sərgilədiyi növbəti qarayaxma kampaniyasıdır. Bu davranışın səbəbi isə heç şübhəsiz ki, Prezident İlham Əliyevin həyata keçirdiyi müstəqil siyasəti, Ermənistanın məğlubiyyətini, tam suverenliyimizin bərpa olunmasını həzm edə bilməmələridir.

Bu gün Azərbaycan tam müstəqil, suveren dövlətdir və Prezident cənab İlham Əliyev heç kimdən, heç bir qüvvədən çəkinməyərək tam müstəqil siyasət həyata keçirir. Yəni, AŞPA-da ölkəmizin səsinin dondurulması, Azərbaycan üçün bir əhəmiyyət kəsb etmir.

Dəfələrlə şahidi olmuşuq ki, AŞPA-nın fəaliyyətində irqçilik, Azərbaycanofobiya və İslamofobiya mühiti var. Azərbaycan nümayəndə heyətinin etimadnaməsini qəbul etməməsi də bunu bir daha nümayiş etdirir. Bütün bu hadisələrin fonunda Azərbaycan nümayəndə heyətinin AŞPA ilə əməkdaşlığı və təşkilatda iştirakını qeyri-müəyyən müddətə dayandırmaq qərarı son dərəcə doğru və düzgün addımdır.

Sahib Şükürov

YAP Göyçay rayon təşkilatının sədri

Paylaş:

Baxılıb: 666 dəfə