Tarix yazmış Lider

Bakı:

27 °C

39 %

5 m/s

Əlaqə

AZ RU EN

Ana səhifə / YAP xəbərləri / Tarix yazmış Lider

Tarix yazmış Lider

18.12.2023 [10:31]

Azərbaycan Respublikasının Prezidentl cənab İlham Əliyevin Sərəncamı ilə 2024-cü il fevralın 7-nə növbədənkənar Azərbaycan Respublikası Prezidenti seçkiləri təyin olunub. Bununla bağlı Yeni Azərbaycan Partiyası İdarə Heyətinin 15 dekabr tarixində keçirilən iclasında cənab İlham Əliyevin namizədliyinin irəli sürülməsi gözlənilən qərar idi və bütün partiya üzvlərinin ürəyincə oldu. Ölkəmizdə bu namzədliyi şərtləndirən xeyli sayda amillər var. Azərbaycan dövlət müstəqilliyini bərpa etdikdən sonra bu günə qədər böyük bir inkişaf yolu keçibdir. Bu inkişafın və uğurların əhəmiyyətli bir hissəsi isə cənab İlham Əliyevin dövlət başçısı olduğu dövrə təsadüf edir. Ölkəmizə rəhbərlik etdiyi illər ərzində cənab İlham Əliyev özünü çox bacarıqlı siyasətçi kimi təsdiq edə bildi. Onun sədrliyi dövründə partiyamız daha da möhkəmlənərək ümumxalq partiyasına çevrildi.Hər bir Azərbaycan vətəndaşı maraqlarının qorunduğunu bu partiyada görür.

Azərbaycanın cəmiyyət həyatının elə bir sahəsi yoxdur ki, həmin istiqamətdə ölkəmizdə böyük nailiyyətlər qazanılmamış olsun. Respublikamızda inkişaf etməmiş region, yenidən qurulmamış heç bir sahə yoxdur. Dövlət başçımızın qəbul etdiyi dövlət proqramlarının əsasında regionların inkişaf etdirilməsinin ardıcıl surətdə həyata keçirilməsi ilə Azərbaycan kəndi özünün çoxəsrlik tarixində görünməmiş yüksəliş səviyyəsinə qalxmışdır. Dünyanın heç bir ölkəsində regionlar Azərbaycandakı qədər ardıcıl və yüksək inkişaf templərinə malik deyildir. Bu, regionların inkişaf etdirilməsinin İlham Əliyev modelidir. Prezident İlham Əliyevin Azərbaycan Respublikasına rəhbərlik etdiyi 20 ildə Azərbaycan regionun lider dövlətinə çevrilib, respublikamızın hərbi-strateji qüdrəti, iqtisadi gücü və siyasi nüfuzu əhəmiyyətli dərəcədə artıb. Azərbaycan qüdrətli və qalib dövlətə çevrilib.

Beynəlxalq əlaqələrin inkişaf etdirilməsi, uğurlu xarici siyasət kursu və sabit diplomatik münasibətlər İlham Əliyev erasının mühüm göstəricilərindəndir. Dünya ölkələri və region dövlətləri ilə qarşılıqlı etimada əsaslanan sağlam münasibətlərin qurulması və inkişaf etdirilməsi İlham Əliyevin xarici siyasət kursunun reallığı və böyük uğurudur.

Azərbaycan Respublikasının Prezidenti İlham Əliyevin dövlət başçısı kimi iyirmi illik fəaliyyətinin ən böyük zirvəsi 44 günlük Vətən müharibəsində qazanılan tarixi Zəfər oıdu. Müzəffər Ali Baş Komandanın işğalçı Ermənistan üzərində qazandığı bu tarixi Zəfər XXI əsrdə dünyada qələbə ilə başa çatmış ən ədalətli müharibə nümunəsidir. Bu, dünya hərb tarixində ən qısa müddətdə qələbə ilə başa çatmış müharibə olaraq da əhəmiyyətlidir. Qalib Ali Baş Komandanın "dəmir yumruğ"u ilə 20 sentyabr 2023-cü il tarixdə cəmi bir gün ərzində Qarabağda keçirilmiş antiterror tədbirləri ilə də qüdrətli dövlət rəhbəri olan İlham Əliyev daha bir mühüm tarixi zəfərə imza atdı. Azərbaycan Respublikasının Prezidenti İlham Əliyev 30 illik işğaldan sonra ölkəsinin tarixi torpaqlarını düşmən əsarətindən azad edən, rəhbərlik etdiyi dövlətin tam ərazi bütövlüyünə nail olmağı bacaran liderdir. Azərbaycan Respublikasının mütləq suverenliyinin təmin edilməsi Prezident İlham Əliyevin möhtəşəm tarixi Zəfəridir. Bu Zəfərin qazanılması Azərbaycan qarşısında yeni geniş perspektivlər açdı. Hədəf daha güclü Azərbaycandır! Bu hədəfə isə məhz Azərbaycan Prezidenti, Müzəffər Ali Baş Komandan, Yeni Azərbaycan Partiyasının Sədri İlham Əliyevin liderliyi ilə çatmaq mümkündür. Əminəm ki, 7 fevralda keçiriləcək prezident seçkiləri növbəti zəfərlərin davamı olacaq. Çünki Cənab İlham Əliyev tarix yazmış liderdir!

YAP Samux rayon təşkilatının sədri Gündüz Bayramov.

Paylaş:

Baxılıb: 701 dəfə