“Heydər Əliyevin gənclərə örnək siyasi kursu” adlı layihəyə yekun vuruldu

Bakı:

22 °C

68 %

3 m/s

Əlaqə

AZ RU EN

Ana səhifə / YAP xəbərləri / “Heydər Əliyevin gənclərə örnək siyasi kursu” adlı layihəyə yekun vuruldu

“Heydər Əliyevin gənclərə örnək siyasi kursu” adlı layihəyə yekun vuruldu

11.12.2023 [13:32]

YAP Sabunçu Rayon Təşkilatı və Bakı Gənclər Mərkəzinin təşkilatçılığı ilə Ümummilli lider Heydər Əliyevin 100-cü ildönümünə həsr olunmuş “Heydər Əliyevin gənclərə örnək siyasi kursu” adlı layihə həyata keçirilmişdir.

Layihənin keçirilmə məqsədi Heydər Əliyev ili çərçivəsində Heydər Əliyevin 100 illik yubileyi ilə əlaqədar olaraq Ümummilli lider Heydər Əliyevin həyatı və parlaq siyasi fəaliyyətinin, zəngin, çoxşaxəli ictimai-siyasi irsinin gənclərə təbliği, eyni zamanda gənclər arasında şəbəkələşməni gücləndirmək və qarşılıqlı əlaqələrin qurulmasına zəmin yaratmaqdır.

Dörd günü əhatə edən siyasi kursun ilk məruzəçisi Yeni Azərbaycan Partiyası Veteranlar Şurasının üzvü, AMEA-nın müxbir üzvü Südeyif İmamverdiyev “Dövlət quruculuğu, dövlətçiliyin formalaşdırılması, dövlət quruculuğunda YAP-ın rolu” mövzusunda çıxış edən Südeyif İmamverdiyev sonda gənclərin suallarını cavablandırmışdır.

İkinci gündə YAP Veteranlar Şurasının üzvü Şahlar Əsgərov, üçüncü gündə Milli Məclisin deputatı Aydın Mirzəzadə və “İki Sahil” qəzetinin baş redaktoru, YAP Xətai rayon təşklilatının sədri Vüqar Rəhimzadə “Heydər Əliyev- həyatın unikal səhifələri”, “Heydər Əliyev və Azərbaycanda Dövlətçiliyin inkişafı” və “Heydər Əliyev və Azərbaycan mətbuatı” mövzularında çıxış edərək dahi şəxsiyyət Heydər Əliyevin Azərbaycan mətbuatının tərəqqisi naminə gördüyü işlərdən, azad mətbuatın inkişafına verdiyi töhfələrdən bəhs etdilər.

Layihənin dördüncü və son gününün qonağı isə Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədrinin müavini Sədaqət Qəhrəmanova olmuşdur. Səadət xanım bildirdi ki, Ulu Öndər Heydər Əliyevin hakimiyyətə qayıdışı respublikamızda ordu quruculuğu sahəsində mühüm tədbirlərin həyata keçirilməsinə güclü təkan verdi, cəbhədə vəziyyətin müsbət istiqamətdə inkişafına şərait yaratdı. Bunun məntiqi nəticəsində isə 44 günlük Vətən Müharibəsində Ali Baş Komandan İlham Əliyevin rəhbərliyi altında Azərbaycan ordusu tarixi Zəfər qazanaraq torpaqlarımızı düşməndən azad etdi.

Layihə gəncləri maraqlandıran suallar ətrafında diskussiya şəraitində keçmiş, qarşılıqlı fikir mübadilələri aparılmışdır.

Sonda layihədə iştirak edən gənclərə Fəxri Diplomlar təqdim olundu.

Qeyd edək ki, siyasi kursda Dövlət Gömrük Komitəsinin Akademiyasının, Azərbaycan Respublikası Prezidenti yanında Dövlət İdarəçilik Akademiyasının, Milli Aviasiya Akademiyasının tələbələri və 4 saylı Bakı "ASAN xidmət" mərkəzinin könüllüləri iştirak etmişdir.

Paylaş:

Baxılıb: 646 dəfə