Göygöldə partiya fəalları ilə görüş keçirilib

Bakı:

29 °C

43 %

3 m/s

Əlaqə

AZ RU EN

Ana səhifə / YAP xəbərləri / Göygöldə partiya fəalları ilə görüş keçirilib

Göygöldə partiya fəalları ilə görüş keçirilib

07.11.2023 [10:44]

Göygöl rayonunun Balçılı, Qırıqlı və Xaqani kəndlərində partiya fəalları ilə görüş keçirmişdir.

Görüşdə Yeni Azərbaycan Partiyası İdarə Heyətinin üzvü, Milli Məclisin deputatı Elşad Mirbəşiroğlu və Yeni Azərbaycan Partiyası Göygöl rayon təşkilatının sədri Vüqar İsayev iştirak etmişdir. İlk öncə Yeni Azərbaycan Partiyasının yaradıcısı ümummilli lider Heydər Əliyevin və Azərbaycan Respublikasının ərazi bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad edilmişdir.

Yeni Azərbaycan Partiyası Göygöl rayon təşkilatının sədri Vüqar İsayev çıxış edərək 44 günlük Vətən müharibəsində Möhtəşəm Zəfərimizin 3 illiyi münasibətilə iştirakçıları təbrik etmiş, əsası Ulu Öndər tərəfindən qoyulmuş dövlətçilik prinsiplərinin Prezident İlham Əliyev tərəfindən uğurla davam etdirilməsi nəticəsində ölkəmizin sürətlə inkişaf etməsini diqqətə çatdırmış, bu hərtərəfli inkişafda Yeni Azərbaycan Partiyasının xüsusi rolunun olduğunu vurğulamış, YAP-ın VII Qurultayından sonra partiyanın yeni Proqram və Nizamnaməsinin tələblərinə uyğun olaraq yerli və ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsində hər bir partiya üzvünün məsuliyyətinin artırılmasının vacibliyindən danışmışdır.

Yeni Azərbaycan Partiyası İdarə Heyətinin üzvü, Milli Məclisin deputatı Elşad Mirbəşiroğlu çıxış edərək Azərbaycanın Müstəqilliyinin qorunub saxlanılmasına və ölkənin inkişafında ulu öndər Heydər Əliyevin əvəzsiz rolundan bəhs etmiş, Prezident İlham Əliyevin rəhbərliyi ilə son 20 ildə ölkəmizin ictimai-siyasi, sosial-iqtisadi və mədəni sahələrdə əldə etdiyi uğurlardan danışmış, Azad Qarabağda həyata keçirilən geniş miqyaslı abadlıq-quruculuq işlərindən söhbət açmışdır.

Görüşdə bir neçə YAP fəalları və ziyalılar çıxış etmiş, Yeni Azərbaycan Partiyasının müasir Azərbaycan dövlətinin siyasi və iqtisadi həyatındakı müsbət rolundan və səmərəli fəaliyyətindən bəhs edərək Yeni Azərbaycan Partiyasının üzvləri olaraq Azərbaycanımızın daha da inkişaf etməsinə, ölkəmizin beynəlxalq nüfuzunun daha da artırılması üçün xalq-iqtidar birliyinin möhkəmləndirilməsinə xidmət edəcəklərini vurğulamışlar. Bütün çıxış və nitqlərdə insanlara göstərilən yüksək dövlət qayğısı xüsusi vurğulanaraq, Respublika Prezidenti, Yeni Azərbaycan Partiyasının sədri cənab İlham Əliyevə yüksək minnətdarlıq ifadə olunmuşdur.

Sonda görüş iştirakçılarının fikir və təklifləri dinlənilmiş, qaldırılan məsələlər qeydə alınaraq həlli yolları ilə bağlı müzakirələr aparılmışdır.

Paylaş:

Baxılıb: 571 dəfə