YAP Ağdam rayon təşkilatının təşkilatçılığı ilə konfrans keçirilib

Bakı:

25 °C

78 %

7 m/s

Əlaqə

AZ RU EN

Ana səhifə / YAP xəbərləri / YAP Ağdam rayon təşkilatının təşkilatçılığı ilə konfrans keçirilib

YAP Ağdam rayon təşkilatının təşkilatçılığı ilə konfrans keçirilib

13.10.2023 [16:36]

13 oktyabr 2023-cü il tarixdə Ağdam rayon Heydər Əliyev Mərkəzində YAP Ağdam rayon təşkilatının təşkilatçılığı ilə “Prezident cənab İlham Əliyev sağlam düşüncəli Azərbaycan gəncliyinin hamisidir” mövzusunda elmi-praktik konfrans keçirilmişdir.

Tədbirdə YAP Ağdam rayon təşkilatının sədri Mansur Quliyev, Ağdam rayon Ağsaqqallar Şurasının sədri Əvəz Mikayılov, YAP fəalları, partiya veteranları, ziyalılar və rayon ictimaiyyətinin nümayəndələri iştirak ediblər.

Əvvəlcə Ulu öndər Heydər Əliyevin mərkəzi meydanda ucaldılmiş abidəsi ziyarət edilmiş, önünə tər gül dəstələri düzülmüşdür.

Tədbirin rəsmi hissəsinə başlamazdan əvvəl Ulu Öndər Heydər Əliyevin və ölkəmizin ərazi bütövlüyü uğrunda canlarından keçən şəhidlərimizin əziz xatirələri bir dəqiqəlik sükutla yad edilmişdir.

Tədbirdə çıxış edən YAP Ağdam rayon təşkilatının sədri Mansur Quliyev, YAP veteranı Rafiq Əliyev, Ağdam rayon Ağsaqqallar Şurasının sədri Əvəz Mikayılov, Ağdam rayonu üzrə Gənclər və İdman sektorunun müdir əvəzi Anar Əsgərov, YAP Ağdam rayon təşkilatının məsul əməkdaşı, Vətən müharibəsi iştirakçısı Toğrul Zeynalov, Ağdam DSİK-nin direktor müavini Məhəmməd Aslanov, YAP fəalı Kəmalə Hüseynova, YAP Ağdam rayon Musiqi Kolleci ƏPT-nin sədr müavini Rəşad Quliyev və həmçinin digər natiqlər öz çıxışlarında bildirdilər ki, Ulu öndərimiz Heydər Əliyevin layiqli davamçısı, ölkə Prezidenti cənab İlham Əliyevin 20 illik hakimiyyəti dönəmində gənclərə diqqət və qayğı yüksək səviyyədə olmuşdur. Həmçinin qeyd olundu ki, Azərbaycan gəncliyi hər zaman ictimai həyatın bütün sahələrində aktiv fəaliyyəti ilə seçilib, siyasi, iqtisadi, humanitar, sosial tədbirlərin həyata keçirilməsində mühüm rol oynayıb. Gənclərimiz bütün dövrlərdə öhdələrinə düşən vəzifələri layiqincə yerinə yetirib, ölkədə gedən proseslərin önündə gediblər. Ölkəmizdə bütün sahələrdə olduğu kimi, gənclər siyasəti istiqamətində də mühüm addımlar atılıb. Ulu Öndər Heydər Əliyevin ideyaları əsasında həyata keçirilən gənclər siyasəti Prezident İlham Əliyevin ölkəmizə rəhbərliyi dövründə daha da inkişaf edib. Gənclər siyasəti ölkəmizin əsas siyasi xətlərindən biri kimi müəyyənləşdirildikdən sonra sağlam, vətənpərvər Azərbaycan gəncliyi formalaşıb. Məhz bu gənclik Prezident, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun əsas qüvvəsi olaraq 30 ilə yaxın Ermənistanın işğalı altında qalmış əzəli və əbədi torpaqlarımızı düşməndən azad edib. Vətən müharibəsində Azərbaycan gəncliyi öz üzərinə düşən tarixi missiyanın öhdəsindən layiqincə gəlib.

Sonda tədbir iştirakçıları ilə birgə xatirə şəkli çəkdirildi.

Paylaş:

Baxılıb: 614 dəfə