YAP Gənclər Birliyi Dünya Azərbaycanlılarının Həmrəylik Günü və Yeni il münasibətilə bayram tədbiri təşkil edib

Bakı:

19 °C

72 %

9 m/s

AZ RU EN

Ana səhifə / YAP xəbərləri / YAP Gənclər Birliyi Dünya Azərbaycanlılarının Həmrəylik Günü və Yeni il münasibətilə bayram tədbiri təşkil edib

YAP Gənclər Birliyi Dünya Azərbaycanlılarının Həmrəylik Günü və Yeni il münasibətilə bayram tədbiri təşkil edib

30.12.2011 [13:42]

Əli Əhmədov: İnanırıq ki, məhz bu cür nailiyyətlərlə yola saldığımız ildən sonra qarşılayacağımız 2012-ci ildə də daha mühüm və böyük uğurlar əldə edəcəyik
Dünən Yeni Azərbaycan Partiyası (YAP) Gənclər Birliyi Dünya Azərbaycanlılarının Həmrəylik Günü və qarşıdan gələn Yeni il münasibətilə bayram tədbiri təşkil edib.
Tədbiri giriş sözü ilə açan YAP Gənclər Birliyinin sədri Seymur Orucov Dünya Azərbaycanlılarının Həmrəylik Günü və Yeni il münasibətilə öz təbriklərini çatdırıb. 2011-ci ilin Azərbaycan üçün çox uğurlu olduğunu deyən S.Orucov bildirib ki, cari il ərzində bütün sahələrdə yüksək inkişaf göstəriciləri qeydə alınıb: “Bu il Azərbaycan Birləşmiş Millətlər Təşkilatının Təhlükəsizlik Şurasına qeyri-daimi üzv seçildi. Eyni zamanda, Azərbaycan “Eurovision-2011” mahnı müsabiqəsinin qalibi oldu”.
“Bu il də gənclər üçün olduqca əlamətdar oldu. Dövlətin gənclərə xüsusi diqqət və qayğısı 2011-ci ildə də ən yüksək səviyyədə öz təzahürünü tapdı. Bu il “Azərbaycan gəncliyi 2011-2015-ci illərdə Dövlət Proqramı” qəbul edildi, Gənclər Fondu yaradıldı, doktorantlara, ali təhsil, orta ixtisas və ilk peşə-ixtisas təhsil müəssisələrinin tələbələrinə və şagirdlərinə verilən təqaüdlərin artırılması haqqında Azərbaycan Respublikasının Prezidenti İlham Əliyev Sərəncam imzaladı. Bütün bunlar isə dövlətin gənclərə olan diqqət və qayğısının bariz nümunəsidir”, - deyə YAP Gənclər Birliyinin sədri bildirib.
Yeni Azərbaycan Partiyasının Sədr müavini-İcra katibi, millət vəkili Əli Əhmədov Dünya Azərbaycanlılarının Həmrəylik Günü və Yeni il münasibətilə öz təbriklərini çatdırıb, gənclərə yeni ildə öz fəaliyyətlərində nailiyyətlər arzulayıb: “Bu gün Azərbaycanın gələcəyi olan gənclərlə Dünya Azərbaycanlılarının Həmrəylik Günü və qarşıdan gələn Yeni il münasibətilə tədbir keçiririk. Azərbaycan 2011-ci ildə bütün sahələrdə - daxili və xarici siyasətdə əhəmiyyətli nailiyyətlər əldə edib. İnanırıq ki, məhz bu cür nailiyyətlərlə yola saldığımız ildən sonra qarşılayacağımız 2012-ci ildə də daha mühüm və böyük uğurlar əldə edəcəyik. Eyni zamanda, 2011-ci ildə, bir neçə gün bundan öncə Azərbaycan Respublikasının Prezidenti, Yeni Azərbaycan Partiyasının Sədri hörmətli İlham Əliyevin anadan olmasının 50 illiyini də qeyd etdik. Hesab edirəm ki, 2011-ci il Yeni Azərbaycan Partiyasının hər bir üzvü üçün, həm də, bu mənada əlamətdardır”.
Tədbir maraqlı konsert proqramı ilə davam edib.
NURLAN

Paylaş:

Baxılıb: 1309 dəfə