Dosta qürur, düşmənə göz dağı

Bakı:

25 °C

57 %

7 m/s

Əlaqə

AZ RU EN

Ana səhifə / YAP xəbərləri / Dosta qürur, düşmənə göz dağı

Dosta qürur, düşmənə göz dağı

22.09.2023 [14:18]

Bayram Aslanov,

YAP İdarə Heyətinin üzvü, YAP Gəncə şəhər təşkilatı

Azərbaycan Ordusunun sentyabrın 19-da Qarabağ iqtisadi rayonunda həyata keçirdiyi antiterror tədbirlərinin başlıca məqsədi bu ərazilərdə konstitusiya quruluşunun bərpa edilməsi, üçtərəfli Bəyanatın müddəalarının təmin olunması, düşmənin genişmiqyaslı təxribatlarının qarşısının alınması, vətəndaşların təhlükəsizliyinin təmin olunması olub.

Azərbaycan 44 günlük Vətən müharibəsində öz torpaqlarını işğaldan azad etsə də Ermənistanın ölkəmizə qarşı mina terroru davam etməkdə idi. 2020-ci il noyabrın 10-da imzalanan üçtərəfli bəyanatından sonra da Ermənistan tərəfi bəyanatın müddəalarını kobud şəkildə pozaraq Azərbaycan ərazilərində minaların basdırılmasını davam etdirirdi ki, bu da ölkəmizə qarşı açıq terror idi. Sentyabrın 9-da Azərbaycanın Qarabağ bölgəsində qondarma “prezident seçkiləri”nin keçirilməsi də daxil olmaqla, Ermənistan silahlı qüvvələrinin Azərbaycanın Qarabağ bölgəsindəki birləşmələrinin kəşfiyyat-diversiya qrupları tərəfindən terror məqsədilə əvvəlcədən minaların quraşdırılması, hətta yeni çəkilmiş yolların ərazisinə minalar basdırılması kimi təxribatçı və təhrikçi əməllərin qarşısının alınması üçün Azərbaycan bölgədə lokal xarakterli antiterror tədbirlərinə başlamalı olub. Mülki şəxslərin və polis əməkdaşlarının həlak olması, həmçinin Ordumuzun bölmələrinin minaatanlardan və müxtəlif çaplı atıcı silahlardan atəşə tutulması isə son hədd oldu.

Tarixi zəfərdən sonrakı dövrdə 300-dən artıq Azərbaycan vətəndaşı minadan zərər çəkib. Bunlar arasında dinc sakinlər, uşaqlar, əsgərlərimiz var. Düşmən işğalından azad olan Kəlbəcərə, Laçına, Zəngilana soydaşlarımız 30 il həsrət ilə yaşadıqları dədə-baba ocaqlarında firavan həyat sürmək niyyəti ilə qayıdırlar. Bu ailələrin təhlükəsizliyini təmin etmək isə dövlətimizin ən ümdə vəzifədir.

Azərbaycanın Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri vərdiş etdikləri əməllərindən əl çəkmədilər, üçtərəfli bəyanatın 4-cü bəndi kobudcasına pozaraq, Azərbaycan ərazisində hərbi fəaliyyətlərini davam edirdilər.

Sentyabrın 19-20-də 23 saat 43 dəqiqəyə Azərbaycanın suverenliyinə qarşı Ermənistanın və onun yaratdığı, dəstəklədiyi qondarma separatçı qurumun məqsədyönlü təxribatlarına son qoyuldu. “Qarabağda antiterror tədbirlərinə başlanıldı” xəbəri ilə “Separatçılar təslim oldu” xəbəri arasında keçən qısa vaxt ərzində düşmənin təxribatlarının, yeni planlarının qarşısı alındı. Qısamüddətli lokal xarakterli antiterror tədbirləri nəticəsində, düşmənin silah və texnikalarının böyük hissəsi sıradan çıxarıldı. Lokal antiterror tədbirlərinə başlanılması və qısa zamanda uğurla başa çatması, separatçıların "ağ bayraq" qaldırması ordumuzun peşəkarlığının növbəti təsdiqi oldu. Dosta qürur, düşmənə göz dağı olan 23 saat 43 dəqiqədə Ermənistanın və onun yaratdığı və dəstəklədiyi qondarma separatçı qurumun məqsədyönlü təxribatlarına son qoymaqla yanaşı, Azərbaycanın suverenliyinə kölgə salmaq istəyənlərə ciddi mesaj verildi. Müzəffər Ali Baş Komandan xalqa tarixi müraciətində bir daha dünyanın gözü qarşısında vandalizm aktları törətməkdən çəkinməyən, Azərbaycanın tarixi torpaqlarına göz tikən düşmənə başa saldı ki, “dəmir yumruq” yerindədir və hər zaman yerində olacaq! Heç kim bizimlə diktat və ultimatum dilində danışa bilməz! Bunu heç kim unutmasın! Onu da unutmasın ki, Qarabağ Azərbaycandır!

Müzəffər Ali Baş Komandan, Prezident cənab İlham Əliyevin rəhbərliyi ilə Qüdrətli Azərbaycan Ordusu eyni zamanda regionu erməni fazimzindən xilas etdi. Bir neçə ay ərzində bizim nümayəndələrimizlə görüşdən imtina edən Qarabağda yaşayan erməni icmasının nümayəndələri bizimlə dediyimiz yerdə – Yevlax şəhərində görüşdülər.

Yeni geostrateji şəraitdə şərtləri diktə edən Azərbaycan hər zaman olduğu kimi, yenə öz sözünə sadiq olduğunu təsdiq etdi.

Paylaş:

Baxılıb: 577 dəfə