Nərimanov rayonunda Yeni Azərbaycan Partiyası fəalları və sakinlərlə görüş keçirilib

Bakı:

25 °C

57 %

8 m/s

Əlaqə

AZ RU EN

Ana səhifə / YAP xəbərləri / Nərimanov rayonunda Yeni Azərbaycan Partiyası fəalları və sakinlərlə görüş keçirilib

Nərimanov rayonunda Yeni Azərbaycan Partiyası fəalları və sakinlərlə görüş keçirilib

12.09.2023 [13:39]

12 sentyabr 2023-cü il tarixində Nərimanov rayonu "H. Əliyev prospekti 99/1" ünvanında Yeni Azərbaycan Partiyası Nərimanov rayon təşkilatının üzvləri və sakinlərlə görüş keçirilmişdir.

Görüşdə Yeni Azərbaycan Partiyası Nərimanov rayon təşkilatının sədri Samir Vəliyev, 19 saylı Nərimanov birinci seçki dairəsindən millət vəkili Hikmət Babaoğlu, Nərimanov rayon Ağsaqqallar Şurasının sədri - Vətən müharibəsi şəhidi Azad Hümbətovun atası Arif Hümbətov, partiya fəalları və sakinlər iştirak etmişdir.
Görüşdə çıxış edən YAP Nərimanov rayon təşkilatının sədri Samir Vəliyev Yeni Azərbaycan Partiyasının VII qurultayından sonrakı dövrdə aparılan islahatlardan, partiyanın yeni Proqram və Nizamnaməsinin tələblərinə uyğun olaraq yerli və ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsində hər bir partiya üzvünün məsuliyyətlə yanaşmasının vacibliyindən bəhs edib. Eyni zamanda, ötən dövr ərzində Partiyanın gördüyü işlər haqda geniş məlumat vermişdir

Təşkilat sədri onu da bildirib ki, xalqın öz liderinə olan inamı və dəstəyi sayəsində istər Vətən müharibəsinə qədər, istərsə də müharibədən sonrakı dövrdə müntəzəm olaraq yenilənən bugünkü Azərbaycan məhz İlham Əliyevin yürütdüyü düzgün, düşünülmüş siyasətin nəticəsidir.
Daha sonra millət vəkili Hikmət Babaoğlu Müzəffər Ali Baş Komandan Cənab İlham Əliyevin apardığı daxili və xarici siyasətdən, 44 günlük Vətən Müharibəsində qazanılan şanlı tarixi zəfərimizdən danışaraq, müharibədən sonra aparılan məqsədyönlü siyasət, məcburi köçkünlərin öz doğma yurdlarına qayıdışı ilə əlaqədar işğaldan azad edilmiş torpaqlarda aparılan quruculuq işləri barədə ətraflı məlumat verdi.

Görüşdə həmçinin, Nərimanov rayon Ağsaqqallar Şurasının sədri - Vətən müharibəsi şəhidi Azad Hümbətovun atası Arif Hümbətov fikir bildirərək ölkə rəhbəri İlham Əliyevin xalqı qarşısında göstərdiyi əvəzsiz xidmətdən, Vətən müharibəsi dövründə inamlı lider olaraq beynəlxalq arenada ortaya qoyduğu mövqedən, ölkəmizin sürətlə inkişaf etdirilməsində, xalqın rifahının daim yaxşılaşdırılmasında, işğaldan azad olunmuş torpaqlarımızda aparılan quruculuq işlərindən, həmçinin, şəhid və qazi ailələrinə diqqətin, qayğının davamlı diqqət mərkəzində qalmasını təmin etməsindən danışmışdır.

Görüş partiya fəallarının və sakinlərin fikirlərinin dinlənilməsi ilə davam etmişdir.

Paylaş:

Baxılıb: 649 dəfə