Milli Qurtuluş Günü Azərbaycan tarixində dönüş nöqtəsi idi

Bakı:

27 °C

44 %

4 m/s

Əlaqə

AZ RU EN

Ana səhifə / YAP xəbərləri / Milli Qurtuluş Günü Azərbaycan tarixində dönüş nöqtəsi idi

Milli Qurtuluş Günü Azərbaycan tarixində dönüş nöqtəsi idi

16.06.2023 [11:27]

YAP Ağdam rayon təşkilatının sədri

Mansur Quliyev

Müasir Azərbaycan tarixində bir çox hadisələr baş vermişdir ki, həmin hadisələr xalqın yaddaşında əbədi yaşayacaqdır. 1993-cü il müstəqilliyinə yenicə qovuşmuş xalq, müstəqilliyini yenidən itirmək təhlükəsi ilə üzbəüz qalmışdır. Bir tərəfdən erməni hərbi birləşmələri torpaqlarımızı işğal edir, digər tərəfdən daxili çəkişmələr, səriştəsiz hakimiyyət böhranı xalqı məhv olmaq təhlükəsi ilə üz üzə qoymuşdur. Bundan ruhlanan erməni eksterimistləri torpaqları işğal edir, rayonları viran qoyurdular. Bu zaman xalq nicat yolunu yalnız və yalnız Heydər Əliyev dühasında gördü. Xalqın təkitli tələbi ilə Bakıya gələn Ümummilli lideri xalq böyük izdihamla qarşıladı. Bakıya qayıtdıqdan sonra 15 iyun 1993-cü ildə Heydər Əliyev Azərbaycan Milli Məclisinə sədr seçildi. Yaranmış gərgin vəziyyətlə yerində tanış olmaq üçün Ümummilli lider gah cəbhəyanı rayonlara, gah da vətəndaş müharibəsi astanasında olan Gəncə şəhərinə səfərlər edir, yerindəcə qərarlar qəbul edirdi. Bu səfərlərin hər biri tarixi anlar idi.
İlk öncə Gəncə qiyamını sakitləşdirən Ulu Öndər erməni separatçıları tərəfindən didərgin salınmış bir milyondan artıq məcburi köçkünün problemləri ilə məşğul olurdu. Onların yerləşdirilməsi, ərzaqla təmin olunması üçün ardıcıl tədbirlər görməyə başladı. Daha sonra yüksək idarəetmə bacarığına malik olan Heydər Əliyev 1993-cü ilin oktyabr ayında Prezident seçkilərində iştirak edərək yüksək səs çoxluğu ilə Prezident seçildi. Bununla da milli dövlətçilik ənənələrinin qoyulması başlandı. Hərbi, iqtisadi, siyasi və digər sahələr üzrə davamlı inkişaf konsepsiyaları hazırlandı və həyata keçirildi.
Ümumiyyətlə 1993-cü ilin 15 iyun tarixi Azərbaycan tarixinə qurtuluş günü kimi qızıl hərflərlə yazıldı. Azərbaycanın xəritədən silinmək təhlükəsi tarixin yaddaşına köçdü.

Azərbaycanın bugünki inkişafının və tərəqqisinin təməl prinsipində Ulu Öndər Heydər Əliyev siyasi kursu dayanır. 1993-cu ilin iyununda Ulu Öndər Heydər Əliyevin hakimiyyətə qayıtması ilə bütün sahələrdə müsbət dəyişikliklərin əsası qoyuldu.

Xalqın böyük sevgisini qazanan, Azərbaycanın xilaskarına çevrilən Ulu Öndər Heydər Əliyev xalqımızın yaddaşında qurucu və xilaskar dövlət xadimi kimi əbədi yaşayacaqdır.
Bundan sonra Ümummilli lider Heydər Əliyevin ideyaları ilə günbəgün çiçəklənən Azərbaycan dövləti bu gün cənab Prezident İlham Əliyev tərəfindən bir çox uğurlu nəticələrə imza atmışdır.

Bu gün Azərbaycanın əldə etdiyi hər bir uğurun əsasını Heydər Əliyev və İlham Əliyev siyasəti təşkil edir. Azərbaycan dünyada, regionda böyük siyasi, iqtisadi potensiala malik olan dövlət kimi xüsusi çəkiyə və nüfuza sahibdir.

Paylaş:

Baxılıb: 564 dəfə