Müasir Azərbaycan Heydər Əliyevin həyat amalının təntənəsidir

Bakı:

24 °C

72 %

15 m/s

Əlaqə

AZ RU EN

Ana səhifə / YAP xəbərləri / Müasir Azərbaycan Heydər Əliyevin həyat amalının təntənəsidir

Müasir Azərbaycan Heydər Əliyevin həyat amalının təntənəsidir

19.04.2023 [16:14]

Heydər Əliyev İli” ilə əlaqədar Yeni Azərbaycan Partiyasının (YAP) Mərkəzi Aparatı tərəfindən hazırlanan və İdarə Heyətinin qərarı ilə təsdiq edilən Tədbirlər Planı çərçivəsində aprelin 19-da YAP Astara rayon təşkilatı tərəfindən tədbir keçirilib.

Əvvəlcə Dövlət Himni səsləndirilib, ulu öndər Heydər Əliyevin və torpaqlarımızın işğaldan azad edilməsi uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad olunub.

Tədbiri giriş sözü ilə açan YAP Astara rayon təşkilatının sədri Həbib Cəfərov bildirib ki, müasir müstəqil Azərbaycan dövlətinin qurucusu, cəmiyyətin avanqard qüvvəsi olan Yeni Azərbaycan Partiyasının yaradıcısı, ulu öndər Heydər Əliyevin anadan olmasının 100 illiyi ölkəmizdə dövlət səviyyəsində böyük təntənə ilə qeyd edilir. Prezident İlham Əliyevin Sərəncamı ilə 2023-cü ilin ölkəmizdə “Heydər Əliyev İli” elan edilməsi dahi şəxsiyyətin çoxşaxəli fəaliyyətinin ayrı-ayrı istiqamətlərinin geniş təhlil edilərək yeni nəslə çatdırılması baxımından mühüm əhəmiyyətə malikdir: “Ümummilli Lider öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz ulu öndər Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir”.

YAP İdarə Heyətinin üzvü, Milli Məclisin deputatı Rəşad Mahmudov deyib ki, Azərbaycana rəhbərliyinin birinci dövründə ulu öndər Heydər Əliyevin qeyri-adi idarəçilik bacarığı, polad iradəsi və yüksək vətənpərvərliyi sayəsində, uzaqgörən və məqsədyönlü qərarları ilə çox qısa müddətdə respublikamızda sosial-iqtisadi, elmi-texniki və mədəni sahələrin inkişafında böyük sıçrayışa nail olunub. Zamanın hökmü ilə ötən əsrin 90-cı illərində dövlət müstəqilliyini bərpa edən Azərbaycan Ermənistanın təcavüzü, xarici təzyiqlər və daxili çəkişmələr üzündən dünyanın siyasi xəritəsindən silinmək və müstəqilliyini itirmək təhlükəsi ilə qarşılaşmışdı. Taleyimizin həll olunduğu ağır bir zamanda xalqın təkidli tələbinə səs verərək yenidən hakimiyyətə qayıdan Ümummilli Lider doğma Vətənin xilası naminə misilsiz fədakarlıq nümayiş etdirmiş, ölkəmizi anarxiyanın məngənəsindən qurtarmış, dövlətin dayanıqlı inkişaf yolunu müəyyən etmişdir”.

YAP Veteranlar Şurasının üzvü Nazim İsmayılov söyləyib edib ki, ümummilli lider Heydər Əliyev düşünülmüş və cəsarətli qərarları ilə təkcə müstəqillik deyil, bütün dövrlərdə Azərbaycan xalqını ciddi düşündürən məsələləri uğurla həll etmişdir. Bu gün müstəqil Azərbaycan Heydər Əliyev ideyaları əsasında inkişaf edir, tarixi uğurlara imza ataraq öz qüdrətini artırır.

Astara Rayon İcra Hakimiyyətinin başçısı Qəzənfər Ağayev bildirib ki, Ulu Öndər milli inkişaf strategiyasında ictimai, siyasi, sosial, iqtisadi, mədəni və digər sahələrdə qarşıda duran vəzifələri düzgün müəyyənləşdirmiş və məharətlə həyata keçirmişdir. Heydər Əliyevin neft strategiyasının uğurla reallaşdırılması nəticəsində xalqımız öz təbii sərvətlərinin tam sahibinə çevrildi və qısa müddətdə ölkəmizin inkişafına güclü təkan verildi. Hazırda Azərbaycan dahi şəxsiyyətin müəllifi olduğu neft strategiyasının uğurlarını yaşayır. Azərbaycanın hər bir bölgəsi dayanıqlı inkişafı ilə diqqətdədir.

Tədbirin sonunda rayonun ictimai-siyasi həyatında fəal iştirak edən partiya üzvlərinə fəxri fərman, partiya sıralarına qəbul olunmuş bir qrup şəxsə üzvlük vəsiqələri təqdim edilib.

Paylaş:

Baxılıb: 537 dəfə