Azərbaycan türk dünyasının sıx birləşməsinə töhfəsini əsirgəmir

Bakı:

24 °C

62 %

1 m/s

Əlaqə

AZ RU EN

Ana səhifə / YAP xəbərləri / Azərbaycan türk dünyasının sıx birləşməsinə töhfəsini əsirgəmir

Azərbaycan türk dünyasının sıx birləşməsinə töhfəsini əsirgəmir

28.03.2023 [11:51]

Nurəddin İbrahimov,

YAP Gəncə şəhər təşkilatının sədr müavini

Çoxəsrlik köklərə əsaslanan türk xalqlarının birliyi bu gün ən yüksək zirvəyə çatıb. Müstəqil Azərbaycan həmişə böyük bir ailə olduğunu təsdiq edən türk dünyasının sıx birləşməsinə öz töhfəsini əsirgəmir.

Mart ayının 16-da Türkiyənin paytaxtı Ankara şəhərində Türk Dövlətləri Təşkilatının Dövlət Başçılarının Fövqəladə Zirvə görüşü milli ortaq dəyərlərimizlə, mədəniyyətimizlə, dilimizin, dinimizin eyniliyi ilə sıx bağlı olduğumuz Türk dövlətlərinin birlik və həmrəylik ideyalarına sadiqliyinin dünyaya bir daha nümayişi oldu. Fövqəladə Zirvə görüşü mədəniyyətimizin paytaxtı Şuşada keçirilməsi nəzərdə tutulsa da ölkə Prezidentimiz cənab İlham Əliyevin təşəbbüsü ilə Ankarada keçirilməsi qərarlaşdırıldı.Türkiyidə baş vermiş dəhşətli zəlzələ ilə əlaqədar qardaş ölkəyə dəstək məqsədi ilə irəli sürülən bu təklif türk dövlətlərinin bir-birinin milli maraqlarına hörmətlə yanaşdıqlarının, qarşılıqlı dəstək və həmrəylik nümayiş etdirdiklərinin bariz nümunəsidir.

“Fəlakət – Fövqəladə halların idarə edilməsi və humanitar yardım” mövzusunda Fövqəladə Zirvə görüşünün keçirilməsi təşəbbüsünə görə Türkiyə Respublikasının Prezidenti Rəcəb Tayyib Ərdoğan dövlət başçımıza minnətdarlığını ifadə edərək, Zirvə görüşünün keçirilməsi çağırışı ilə çıxış edən Can Azərbaycanın Prezidenti cənab İlham Əliyevə şəxsən öz adından və milləti adından təşəkkürlərimi bildirdi.

Qardaş ölkədə fevralın 6-da baş vermiş dəhşətli zəlzələ türk dövlətlərini yumuruq kimi birləşdirdi, dünyaya örnək davranışlar sərgilədi. 10 minlərlə insan tələfatına səbəb olan zəlzələ Türkiyə ilə bərabər Azərbaycana da eyni acını yaşatdı.

Adı Azərbaycan tarixinə xilaskar Müzəffər Ali Baş Komandan kimi yazılan cənab İlham Əliyev Fövqəladə Zirvə görüşündə 44 günlük Vətən müharibəsinin otuzillik işğal son qoyduğunu, lakin onun ağır fəsadlarının hələ də qaldığını diqqətə çatdırıb:”30 illik işğal dövründə yüzlərlə şəhər və kəndimiz, tarixi və dini abidələr, qəbiristanlıqlar Ermənistan tərəfindən məqsədli şəkildə dağıdılmışdır. Yerlə-yeksan edilən Ağdam şəhərini xarici ekspertlər “Qafqazın Hirosiması” adlandırırlar. Qarabağ və Şərqi Zəngəzurda 67 məsciddən 65-i ermənilər tərəfindən dağıdılıb, qalan ikisindən isə donuz və inək tövləsi kimi istifadə edilib.Təbii sərvətlərimiz talanıb, ətraf mühitə ciddi zərər vurulub”.

İşğal zamanı Azərbaycan dünyada mina ilə ən çox çirkləndirilmiş ölkələr arasında olduğunu Zirvə görüşü iştirakçılarının diqqətinə çatdıran cənab İlham Əliyev İkinci Qarabağ müharibəsindən sonra, yəni 2020-ci ilin noyabr ayından bəri 300-ə yaxın azərbaycanlının mina partlayışı nəticəsində həlak olduğunu və ya ağır yaralandığını qeyd edib.

2020-ci il noyabrın 10-da imzalanmış Bəyanatı kobudcasına pozan Ermənistan həm də Zəngəzur dəhlizinin açılması öhdəliyindən də yayındığını vurğulayan dövlət başçısı qəti şəkildə bir daha bildirib ki, biz Azərbaycan dövləti olaraq Qarabağda yaşayan erməni sakinlərin fərdi hüquq və təhlükəsizliyini təmin edəcəyimiz kimi, Ermənistan da qarşılılıq prinsipi əsasında Qərbi azərbaycanlıların hüquq və təhlükəsizliyini təmin etməlidir.

Türk dövlətlərinin Qarabağda və Şərqi Zəngəzurda, işğaldan azad edilən torpaqlarımızda yaratdığı möhtəşəm layihələr barədə də məlumat verən cənab İlham Əliyev fürsətdən istifadə edərək, işğaldan azad edilmiş Füzuli rayonunda Özbəkistan tərəfindən tikilən məktəbə və Qazaxıstan tərəfindən inşa olunan yaradıcılıq mərkəzinə görə Özbəkistan Prezidenti Şavkat Mirziyoyevə və Qazaxıstan Prezidenti Kasım-Jomart Tokayevə minnətdarlığını da bildirib.

Fövqəladə Zirvə görüşü eyni zamanda Türkiyədə baş verən zəlzələ nəticəsində yaranan aktual məsələlərin müzakirə edildiyi plarforma oldu. Türk Dövlətləri Təşkilatının Dövlət Başçılarının Fövqəladə Zirvə görüşündə Ankara Bəyannaməsi qəbul olunmuş mühüm sənəd kimi yadda qaldı.

Onu da qeyd edək ki, sevincli və kədərli günlərdə bir-birinə dəstək olan Türkiyə və Azərbaycan başda olmaqla digər Türk dövlətlərinin daha da güclənməsi bütövlükdə Avrasiya regionunun iqtisadi inkişafına böyük töhfə verəcək.

Paylaş:

Baxılıb: 544 dəfə