YAP Laçın rayon təşkilatında "Azərbaycan qadınının müasir cəmiyyətdə rolu" mövzusunda konfrans keçirilib

Bakı:

29 °C

41 %

0 m/s

AZ RU EN

Ana səhifə / YAP xəbərləri / YAP Laçın rayon təşkilatında "Azərbaycan qadınının müasir cəmiyyətdə rolu" mövzusunda konfrans keçirilib

YAP Laçın rayon təşkilatında "Azərbaycan qadınının müasir cəmiyyətdə rolu" mövzusunda konfrans keçirilib

07.03.2023 [12:23]

YAP Laçın rayon təşkilatında "Azərbaycan qadınının müasir cəmiyyətdə rolu" mövzusunda konfrans keçirilib.

Konfransda YAP Laçın rayon təşkilatının sədri İlqar İlyasov və YAP fəalları iştirak edib.

YAP Laçın rayon təşkilatının sədri İlqar İlyasov ilk olaraq xanımları 8 Mart "Beynəlxalq Qadınlar Günü" münasibətilə təbrik edib. Sonra çıxış edərək qeyd etmişdir ki, Azərbaycanda qadınların hüquqlarının qorunması, onların ictimai fəallığının təşkili məsələsi Ulu Öndər Heydər Əliyev tərəfindən hər zaman diqqət mərkəzində saxlanılıb. Ümummilli Liderimizin hələ 1969-cu ildə hakimiyyətə gəldiyi dövrə nəzər salsaq, dövlət strukturlarına, məsuliyyətli ictimai işlərə qadınların irəli çəkildiyini görə bilərik. Bu mənada 1993-cü ildən sonrakı dövrdə də ölkəmizdə qadınlarımızın aktiv fəaliyyəti hər zaman diqqət mərkəzində olub. Azərbaycan qadınına ən yüksək qiyməti Heydər Əliyev verib. Ölkəmizdə dövlət qadın siyasətinin əsas prinsiplərinin müəyyən edilməsinin və dövlət səviyyəsinə qaldırılmasının məhz Ulu Öndərin adı ilə bağlı olması danılmaz bir tarixi faktdır. O, qadınların idarəetmə, qərarqəbuletmə və sosial həyatın bütün sahələrində irəli çəkilməsini vacib sayırdı. Ümummilli Liderin qadınlarla bağlı məsələlərin həlli üçün imzaladığı mühüm fərman və sərəncamlar qadınların hüquqlarının təminatı istiqamətində irəliyə doğru atılmış tarixi addımlar idi. Heydər Əliyev hər zaman vurğulayırdı ki, dövlət quruculuğunun bütün mərhələlərində xüsusi xidmətləri olan Azərbaycan qadınları ölkəmizdə ictimai-siyasi sabitliyin və əmin-amanlığın qorunması, milli dövlətçiliyimizin daha da möhkəmləndirilməsi üçün bu gün də var-qüvvələrini sərf edirlər.

Digər çıxışçılar qeyd ediblər ki, Azərbaycanda lider qadınlar, sahibkar qadınlar yetişir. İqtisadiyyatda, siyasətdə, elmdə, təhsildə, bir sözlə, bunu hər sahədə görmək olar. Hökumətdə, nazirliklərdə, Milli Məclisdə qadınlarımızın fəallığı artmaqda davam edir. Bu kimi müsbət nəticələrin əldə olunmasında Heydər Əliyevin hakimiyyətdə olduğu illərdə qadın hüquqlarının qorunması üçün bir çox qanunlar qəbul etməsi, fərman və sərəncamlar imzalaması, beynəlxalq təşkilatlara üzv olaraq mühüm sənədlərin ölkəmizdə tətbiq olmasını reallaşdırması tarixi gerçəkliklərdir. Azərbaycan qadınları cəmiyyətin dinamik inkişafı istiqamətində həyata keçirilən irimiqyaslı layihələrdə öz fəallığı ilə seçilirlər.

Konfransda çıxış edənlər həmçinin, Azərbaycan Respublikasının birinci vitse-prezidenti, Yeni Azərbaycan Partiyası sədrinin birinci müavini Mehriban xanım Əliyevanın timsalında Azərbaycan qadınlarını 8 Mart "Beynəlxalq Qadınlar Günü" münasibətilə təbrik ediblər.

Sonda rayonun ictimai-siyasi həyatında fəal iştirakına görə bir qrup partiya fəalı fəxri fərmanla təltif edilib.

Paylaş:

Baxılıb: 613 dəfə