Qan yaddaşımız olan Xocalı soyqırımından artıq 31 il ötür

Bakı:

19 °C

94 %

2 m/s

Əlaqə

AZ RU EN

Ana səhifə / YAP xəbərləri / Qan yaddaşımız olan Xocalı soyqırımından artıq 31 il ötür

Qan yaddaşımız olan Xocalı soyqırımından artıq 31 il ötür

24.02.2023 [10:35]

YAP Ağdam rayon təşkilatının sədri

Mansur Quliyev

Ermənilər tarix boyu xalqımıza qarşı etnik təmizləmə, soyqırım siyasətini həyata keçirməklə öz mənfur istəklərinə nail olmağa çalışmışlar. Hayların millətimizə qarşı etnik təmizləmə siyasəti 1918-ci ildən başlayaraq daha geniş formada həyata keçirildi. Lakin bu soyqırım aktlarının ən dəhşətlisi 1992-ci ilin fevral ayının 25-dən 26-na keçən gecə erməni daşnakları tərəfindən törədilən Xocalı qətliamı oldu.

Qan yaddaşımız olan Xocalı soyqırımından artıq 31 il ötür. Xankəndidə yerləşən 366-cı alayının iştirakı ilə Xocalı şəhərində törədilmiş soyqırım zamanı 106 qadın, 63 uşaq və 70 yaşlı insan olmaqla 613 nəfər qətlə yetirildi. 1275 nəfər sakin girov götürülmüş, 150 nəfərin taleyi isə bu günədək naməlum qalıb. Şəhər yerlə-yeksan edildi. Həmin faciəvi gecə zamanı 487 nəfər Xocalı sakini şikəst edildi və onlardan 76 nəfəri uşaqlardan ibarət idi. 8 ailə tamamilə məhv edilmiş və 25 uşaq hər iki valideynini, 130 uşaq isə bir valideynini itirdi. Qətlə yetirilən insanlardan 56 nəfəri xüsusi qəddarlıqla – diri-diri yandırılaraq, başının dərisi soyularaq, boynu vurularaq, gözləri çıxarılaraq, hamilə qadınların isə qarın boşluğuna süngü ilə vurularaq öldürüldü.

Ulu Öndər Heydər Əliyevin 25 fevral 1997-ci il tarixli Sərəncamı ilə Xocalı soyqırımı qurbanlarının xatirəsini yad etmək məqsədilə hər il 26 fevral saat 17:00-da Azərbaycan Respublikası ərazisində Xocalı soyqırımı qurbanlarının xatirəsinə ehtiram əlaməti olaraq sükut dəqiqəsi elan edilmişdir. Hər il Xocalı soyqırımının ildönümü ilə əlaqədar minlərlə insanın iştirakı ilə “Ana harayı” abidəsi önündə anım mərasimi keçirilir.

Xocalı soyqırımı barədə dünya ictimaiyyətinin məlumatlandırılması, Azərbaycan həqiqətlərinin dünyaya çatdırılması xarici siyasətimizin əsas istiqamətlərindən biridir. Qeyd edək ki, 2008-ci ildən Heydər Əliyev Fondunun vitse-prezidenti Leyla xanım Əliyevanın təşəbbüsü ilə "Xocalıya ədalət" beynəlxalq təbliğat-təşviqat kampaniyası uğurla davam etdirilərək Xocalı faciəsinin dünyaya çatdırılması, bu həqiqətlərin beynəlxalq aləmdə yayılması, qətliama obyektiv qiymət verilməsi istiqamətində mühüm addımlar atılmışdır.

Prezident cənab İlham Əliyevin göstərişi ilə Xocalı soyqırımı qurbanlarına ucaldılmış abidə kompleksi dövlətimizin şəhid soydaşlarımızın xatirəsinə dərin ehtiramının əyani təcəssümüdür.

44 günlük Vətən müharibəsində Ali Baş Komandan cənab İlham Əliyevin qətiyyətli siyasəti, şanlı Azərbaycan Ordusunun rəşadəti sayəsində işğal altında olan torpaqlarımız azadlığa qovuşdu, Xocalıda soyqırımına məruz qalanların qisası döyüş meydanında alındı.

Allah bütün şəhidlərimizə rəhmət eləsin!

Paylaş:

Baxılıb: 445 dəfə