Azərbaycan qaz ixracatını sürətlə artırır

Bakı:

28 °C

57 %

2 m/s

Əlaqə

AZ RU EN

Ana səhifə / YAP xəbərləri / Azərbaycan qaz ixracatını sürətlə artırır

Azərbaycan qaz ixracatını sürətlə artırır

10.02.2023 [11:36]

YAP Ağdam rayon təşkilatının sədri

Mansur Quliyev

Bu gün Prezident cənab İlham Əliyevin apardığı uğurlu və düşünülmüş xarici siyasət nəticəsində Azərbaycanla dostluq, tərəfdaşlıq münasibətləri quran dövlətlərin sayı gündən günə artmaqdadır. Avropa ölkələri Azərbaycanı etibarlı tərəfdaş kimi qəbul edirlər. Eyni zamanda qeyd etmək lazımdır ki, Azərbaycan qaz ixracatını sürətlə artırır. Ötən il Bakıda Avropa İttifaqı ilə Azərbaycan arasında imzalanmış təbii qaz üzrə Strateji Tərəfdaşlıq Memorandumu qeyd olunan artımın bariz göstəricisidir.

3 fevral 2023-cü il tarixdə Bakı şəhərində Cənub Qaz Dəhlizi Məşvərət Şurası çərçivəsində nazirlərin 9-cu, Yaşıl Enerji Məşvərət Şurası çərçivəsində 1-ci iclası keçirildi. Qeyd edək ki, Cənub Qaz Dəhlizi layihəsininin əsas məqsədi Avropaya qaz tədarükünün təhlükəsizliyinin təmin edilməsi və artırılmasıdır.

Ölkəmizin ev sahibliyi etdiyi beynəlxalq əhəmiyyətli tədbirdə çıxış edən Prezident cənab İlham Əliyev bildirib ki, Cənub Qaz Dəhlizi Məşvərət Şurasının səkkizinci toplantısından sonra dünyada çoxlu dəyişikliklər baş verib, enerji təhlükəsizliyi milli təhlükəsizlik məsələsinə çevrilib. Cənab Prezidentin sözlərinə görə, Cənub Qaz Dəhlizi iki ildən bir az çox vaxt əvvəl açılıb. Biz artıq TANAP-ın 16 milyard kubmetrdən 30 milyard kubmetrə qədər genişləndirilməsini nəzərdən keçiririk və TAP-ın 10 milyard kubmetrdən 20 milyard kubmetrə genişləndirilməsi haqqında danışırıq. Alternativ enerji mənbəyinə böyük ehtiyac duyulduğunu göstərir. Enerji təchizatının davamlı şaxələndirilməsinin zəruriliyini nümayiş etdirir.Cənub Qaz Dəhlizi fəaliyyətə başladığı gündən bu günə qədər layihəyə qoşulmaq istəyən dövlətlərin sayıda artmışdır. Azərbaycan tərəfindən həyata keçirilən Cənubi Qaz Dəhlizi layihəsinin qlobal siyasi əhəmiyyətini, iqtisadi səmərəliliyini və cazibədarlığını bir daha sübut edir. Əminliklə deyə bilərik ki, Cənub Qaz Dəhlizi Məşvərət Şurası Avropaya yeni mənbədən nəhəng bir dəhlizlə təbii qazın tədarükü ilə bağlı missiyasının öhdəsindən uğurla gəlir. Cənub Qaz Dəhlizi sabit enerji təchizatının unikal elementidir.

Xüsusilə qeyd etmək lazımdır ki, Azərbaycan ilə Avropa İttifaqı arasında enerji sahəsində əməkdaşlıq əlaqələrinin mövcudluğu böyük əhəmiyyətə malikdir və bu da Azərbaycanın dünya arenasında artan iqtisadi qüdrətindən xəbər verir. Azərbaycanın təbii qazına tələbat Avropa ölkələri üçün ən aktual və prioritet məsələlərdən biridir.

Azərbaycan dünya miqyasında digər sahələrdə olduğu kimi enerji təhlükəsizliyi sahəsində də etibarlı tərəfdaş kimi tanınır və ölkəmiz tərəfindən böyük enerji layihələri uğurla icra olunur. Həmçinin ölkəmiz enerji təhlükəsizliyi baxımından Avropa ölkələri üçün böyük əhəmiyyət kəsb edən strateji tərəfdaşdır.

Paylaş:

Baxılıb: 506 dəfə