Gəncədə Regional Gənclər Konfransı keçirilib

Bakı:

27 °C

65 %

17 m/s

Əlaqə

AZ RU EN

Ana səhifə / YAP xəbərləri / Gəncədə Regional Gənclər Konfransı keçirilib

Gəncədə Regional Gənclər Konfransı keçirilib

01.02.2023 [16:36]

Fevralın 1-də YAP Gəncə şəhər təşkilatının təşkilatçılığı ilə 2 fevral – Azərbaycan Gəncləri Gününə həsr olunmuş Regional Gənclər Konfransı keçirilib.

Əvvəlcə tədbir iştirakçıları Ümummilli Lider Heydər Əliyevin abidəsini ziyarət edib, abidənin önünə tər güllər düzərək Ulu Öndərin əziz xatirəsini dərin hörmət və ehtiramla yad ediblər.

YAP Gəncə şəhər təşkilatının akt zalında keçirilən Regional Gənclər Konfransında Dövlət Himni səsləndirilib, Ümummilli Lider Heydər Əliyevin və torpaqlarımızın azadlığı uğrunda şəhidlik zirvəsinə ucalan Vətən oğullarının əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Gəncə şəhər təşkilatı sədrinin müavini Nurəddin İbrahimov 2 fevral – Azərbaycan Gəncləri Günü münasibətilə gəncləri təbrik edib. Azərbaycanın ictimai-siyasi həyatının əlamətdar hadisələrindən biri olan Gənclər Gününün Ulu Öndər Heydər Əliyev tərəfindən təsis olunduğunu və bunun Azərbaycan gəncliyinə olan böyük etimadın və diqqətin nümunəsi olduğunu bildirib. Nurəddin İbrahimov onu da qeyd edib ki, ölkə gənclərinin böyük əksəriyyətinin gələcək taleyini Ulu Öndər Heydər Əliyevin yaradıcısı olduğu, hazırda Prezident İlham Əliyevin uğurla rəhbərlik etdiyi Yeni Azərbaycan Partiyasına bağlayaraq öz potensiallarını nümayiş etdirmək üçün bu təşkilatda geniş meydan görmələri təqdirəlayiq haldır. Yeni Azərbaycan Partiyasının 800 minə yaxın üzvünün böyük əksəriyyətini, təxminən 40 faizini gənclər təşkil edir. Onlar ölkə həyatının bütün sferalarında fəallıq nümayiş etdirir, müəyyənləşdirilən yeni-yeni hədəflərin reallığa çevrilməsinə öz töhfələrini verməyə çalışırlar. Azərbaycan gənci dövlət başçısı, Müzəffər Ali Baş Komandan İlham Əliyevin ətrafında sıx birləşərək 44 günlük Vətən müharibəsində torpaq sevgisinin böyüklüyünü dünyaya nümayiş etdirdilər.

Tədbirdə iştirak edən Azərbaycan Milli Elmlər Akademiyası (AMEA) Gəncə bölməsinin gənc tədqiqatçı-alimi Elnur Həsənov, kinorejissor Ramil Ağasıyev, “Gəncə İş Adamlar” İctimai Birliyin sədri Zəfər Məmmədov, Cavadxan ASM-şöbə müdiri Nurlana Zeynalova, Olimpiya çempionu Toğrul Əsgərov və 44 günlük Vətən Müharibəsi Qazisi Mətin Abdinov gəncləri maraqlandıran mövzular üzrə çıxışlar edib, onların suallarını cavablandırıblar.

AMEA Gəncə bölməsinin gənc tədqiqatçı-alimi Elnur Həsənov gənclərin millətin inkişafının təməl daşı, müstəqilliyimizin qorunub-saxlanılmasında gələcəyimizin qarantı olduğunu bildirib, Azərbaycanda gəncliyin inkişafı istiqamətində mühüm tədbirlərin həyata keçirilməsinin ölkə siyasətinin prioritetlərindən olduğunu önə çəkib.

Kinorejissor Ramil Ağasıyev bildirib ki, gənclər siyasəti gənc nəslin ictimai-siyasi həyatda rolunun artmasına, ölkənin aparıcı qüvvəsinə çevrilməsinə, bütövlükdə müasir gəncliyin formalaşmasına şərait yaradıb. Dövlətin gənclərə dəstək və diqqət göstərməsinin nəticəsində Azərbaycan gəncliyində özünə, öz gücünə, istedadına inam hissi artıb.

“Gəncə İş Adamlar” İctimai Birliyin sədri Zəfər Məmmədov gənclərə yeni dövrün tələblərini yüksək səviyyədə cavablandırmaq üçün daha fəal olmalarını, öz potensial imkanlarından maksimum istifadə etmələrini tövsiyə edib.

Cavadxan ASM-şöbə müdiri Nurlana Zeynalova çıxış edərək, gənclərin inkişafı üçün yaradılan şəraitdən bəhs edib. Bildirib ki, Ulu Öndər Heydər Əliyevin siyasi kursunu bütün sahələrdə uğurla davam etdirən Prezident İlham Əliyev bu gün gənclərin ən böyük hamisidir.

Vətən müharibəsi Qazisi Mətin Abdinov dövlətin gənclərə diqqət və qayğısından bəhs edərək bildirib ki, bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Prezident cənab İlham Əliyevin gənclərin potensialının gerçəkləşməsinə, onların vətənpərvər, savadlı kadr kimi yetişmələrinə, gənc ailələrin sosial təminatına yönələn tədbirləri dövlətin uzaqgörən siyasətinin göstəricisi kimi qiymətləndirilməlidir.

Olimpiya çempionu Toğrul Əsgərov gənclərə dövlətin qayğısından bəhs edərək XXI əsrdə Azərbaycanın firavan gələcəyinin təmin olunmasında gənclərimizin üzərinə böyük vəzifələrin düşdüyünü bildirib.

Sonra konfrans iştirakçıları adından Prezidentə müraciət qəbul edilib.

Tədbirdə ictimai-siyasi həyatda fəal iştiraklarına görə bir qrup gəncə YAP Gəncə şəhər təşkilatının fəxri fərmanı təqdim olunub.

Tədbir bədii hissə ilə davam edib və xatirə şəkli çəkdirilib.

Paylaş:

Baxılıb: 551 dəfə