Azərbaycan enerji təhlükəsizliyi baxımından BƏƏ üçün böyük əhəmiyyət kəsb edən strateji tərəfdaşdır

Bakı:

23 °C

71 %

12 m/s

AZ RU EN

Ana səhifə / YAP xəbərləri / Azərbaycan enerji təhlükəsizliyi baxımından BƏƏ üçün böyük əhəmiyyət kəsb edən strateji tərəfdaşdır

Azərbaycan enerji təhlükəsizliyi baxımından BƏƏ üçün böyük əhəmiyyət kəsb edən strateji tərəfdaşdır

23.01.2023 [10:30]

YAP Ağdam rayon təşkilatının sədri

Mansur Quliyev

Prezident İlham Əliyevin 15 yanvar tarixində Birləşmiş Ərəb Əmirliklərinə səfəri mühüm iqtisadi və siyasi əhəmiyyət kəsb edir.

Azərbaycan son dövrlər ərəb ölkələri ilə əlaqələrin daha da inkişaf etdirilməsi istiqamətində ciddi addımlar atır və burada BƏƏ ilə münasibətlər də xüsusi əhəmiyyət kəsb edir.

Qeyd edək ki, bu gün Azərbaycanla Birləşmiş Ərəb Əmirlikləri arasında əməkdaşlıq bütün sahələrdə ən yüksək səviyyədədir. İki ölkənin dövlət qurumları arasında 30-a yaxın sənəd imzalanıb. Beynəlxalq platformalarda da hər iki dövlət bir-birinə hər zaman yüksək dəstək nümayiş etdirib. Eyni zamanda xüsusilə vurğulamaq lazımdır ki, Birləşmiş Ərəb Əmirlikləri hər zaman Azərbaycanın haqlı mövqeyini dəstəkləyib.

Azərbaycan enerji təhlükəsizliyi baxımından Birləşmiş Ərəb Əmirlikləri üçün böyük əhəmiyyət kəsb edən strateji tərəfdaşdır. Çünki Azərbaycan özünün enerji təhlükəsizliyini təmin edib. Ona görə də, Azərbaycan öz enerji tələbatını təmin etməklə yanaşı neft, neft məhsullarını, təbii qazı, neft-kimya məhsullarını və elektrik enerjisini ixrac edir.

Azərbaycanın bu istiqamətdə özünün yol xəritəsi var. Bu yol xəritəsinin məntiqi nəticəsi kimi “Masdar” şirkəti ilə əməkdaşlıq Azərbaycanı yaşıl enerjinin çox mühüm ixrac mənbəyinə çevrilməsində mühüm töhfə olacaq.

Bu günün reallıqları ondan ibarətdir ki, Azərbaycan müstəqil bir dövlət kimi regionda və bölgədə etbarlı strateji tərəfdaşdır. Eyni zamanda ölkəmiz bütün dövlətlərlə əməkdaşlıq münasibətlərini inkişaf etdirməyə yönəlmiş xarici siyasət kursu həyata keçirir. Dünyanın bir sıra nöqtələrində baş verən müharibələr dünya iqtisadiyyatına da ciddi zərər vurmaqdadır və belə bir şəraitdə enerji böhranının yaranması qaçılmazdır. Rusiya-Ukrayna müharibəsi nəticəsində təbii qaz məsələsi dünya ölkələri üçün ən aktual və prioritet məsələlərdən biridir.

Azərbaycanın enerji strategiyasının önəmli mərhələsinin nəhəng qaz yataqlarının istismarı ilə bağlı olduğunu xüsusi olaraq qeyd etmək lazımdır.Artıq bu gün Azərbaycan bölgədə neft-qaz ixracatçısı kimi və lider dövlət olaraq etibarlı strateji tərəfdaş mövqeyini nümayiş etdirir.Azərbaycanın gündən günə artan qüdrəti müstəqil dövlətimizin parlaq gələcəyinə və ölkəmizin çiçəklənməsinə çox böyük zəmin yaradır. Azərbaycan qaz ehtiyatları baxımından münasib regionlardan biri sayılır. Bu gün Dünyanın enerji təhlükəsizliyinin təmin olunmasında Azərbaycanın rolu ildən-ilə artır.Azərbaycanın siyasi və iqtisadi potensialı artıb, ölkəmiz regionda söz sahibi olan dövlətə çevrilib. Xüsusi ilə qeyd etmək lazımdır ki, həyata keçirilən siyasət ölkəmizin müstəqil, dünyəvi və demokratik dövlət quruculuğu yolu ilə inamla irəliləməsinə, regionda həlledici söz sahibi olmasına, bərabərhüquqlu və qarşılıqlı faydalı tərəfdaşlıq əlaqələrinin qurulmasına əlverişli zəmin yaradıb.

Azərbaycan qüdrətli ölkədir və eyni zamanda etibarlı tərəfdaşlıq prinsiplərinə sadiq dövlətdir.

Paylaş:

Baxılıb: 511 dəfə