Göygöldə Heydər Əliyevin anım gününə həsr olunmuş konfrans keçirilıb

Bakı:

25 °C

57 %

7 m/s

Əlaqə

AZ RU EN

Ana səhifə / YAP xəbərləri / Göygöldə Heydər Əliyevin anım gününə həsr olunmuş konfrans keçirilıb

Göygöldə Heydər Əliyevin anım gününə həsr olunmuş konfrans keçirilıb

09.12.2022 [19:57]

09 dekabr 2022-ci il tarixdə YAP Göygöl rayon təşkilatının inzibati binasında Ümummilli Liderin anım gününə həsr edilmiş “Heydər Əliyev irsi əbədi davam edəcək və Müstəqil Azərbaycana daim zəfərlər bəxş edəcək” mövzusunda konfrans keçirilmişdir. Konfransda Yap Göygöl rayon təşkilatının sədri Vüqar İsayev, Göygöl Rayon İcra Hakimiyyəti başçısının müavini Kəmalə İbrahimova, QƏQİB Göygöl rayon şöbəsinin sədri Araz Abbasov, Ərazi partiya təşkilat sədrləri və partiya fəalları iştirak etmişdir.

İlk olaraq tədbir iştirakçıları Ulu Öndər Heydər Əliyevin abidəsi önünə gül dəstələri düzərək əziz xatirəsini ehtiramla yad etdilər.

Azərbaycan Respublikasının dövlət himninin səsləndirilməsi ilə başlanan tədbirdə Ümummilli Liderimiz Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizinəziz xatirəsi bir dəqiqəlik sükutla yad edildi.

Tədbiri giriş sözü ilə açan YAP Göygöl rayon təşkilatının sədri Vüqar İsayev çıxış edərək bildirmişdir ki, hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətləri ilə mənsub olduqları xalqı arxasınca aparıb, ən taleyüklü məqamlarda qalib rolu oynamışlar. Azərbaycan xalqının Ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. Heydər Əliyevin həyat yolu yüksək insani-əxlaqi keyfiyyətləri özündə təcəssüm etdirən nümunəvi məktəbdir. Onun ölkəmizə rəhbərlik etdiyi illər tariximizə intibah, milli tərəqqi, milli oyanış, nəhayət müstəqil dövlət quruculuğu dövrü kimi daxil olub. Ona görə də hər birimiz dünənimiz və bu günümüz üçün Ulu Öndər Heydər Əliyevə borcluyuq, eyni zamanda bu günümüz və xoşbəxt gələcəyimiz üçün Müzəffər Ali Baş Komandanımız, Prezident İlham Əliyevə və qəlbi daim Azərbaycan xalqı ilə döyünən Mehriban xanım Əliyevaya minnətdarıq.

YAP Göygöl rayon təşkilatı üzrə Göygöl rayon İcra Hakimiyyəti ərazi partiya təşkilatının sədri Sərdar Balayev “Heydər Əliyev irsi əbədi davam edəcək və Müstəqil Azərbaycana daim zəfərlər bəxş edəcək”mövzusunda geniş məruzə ilə çıxış etdi.

Sonra rayon təşkilatının partiya veteranı Salman Balakişiyev, Şəmkir Regional Mədəniyyət idarəsinin Göygöl rayon nümayəndəliyi ərazi partiya təşkilatının üzvü Əminə Rəhimova çıxış edərək, Müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin həyat fəaliyyətindən danışmış, xalqımızın yaddaşına əbədi həkk olunmuş dahi şəxsiyyət, hələ sağlığında ikən canlı əfsanəyə çevrilmiş Heydər Əliyev sadəliyi, səmimiyyəti, vətənpərvərliyi və yüksək insani keyfiyyətləri ilə hər bir azərbaycanlının qəlbində unudulmaz izlər buraxdığını vurgulamışlar. Çıxışlarda qeyd olunmuşdur ki, dahi şəxsiyyətin adı Azərbaycan xalqının rəmzinə, əməlləri isə hünər timsalına çevrilib. Həyatı və fəaliyyəti doğma xalqına və torpağa məhəbbət, sədaqət meyarı olub.Heydər Əliyevin sarsılmaz polad iradəsi və qətiyyəti, xalqın tərəqqisi yolunda yorulmaq bilmədən çalışması, fədakar əməyi sayəsində müasir Azərbaycanın bünövrəsi qoyulub. Heydər Əliyev möhtəşəm quruculuq siyasəti ilə Azərbaycanın ən yeni tarixini yazmış fenomen şəxsiyyətdir. Bu siyasəti inamla davam etdirən dövlət başçısı İlham Əliyev isə ulu öndərin yaratdığı şanlı tarixi yaşatmaqla birlikdə, həm də artıq yeni dövlətçilik məktəbinin banisinə çevrilmiş, fəaliyyəti ilə yeni bir tarixi epoxanın əsasını qoymuşdur.

Sonda dövlət himni səsləndirilərək konfrans bağlı elan olunub.

Paylaş:

Baxılıb: 556 dəfə