YAP Tərtər rayon təşkilatı 12 noyabr - Konstitusiya Günü ilə bağlı geniş tədbir keçirib

Bakı:

25 °C

64 %

8 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatı 12 noyabr - Konstitusiya Günü ilə bağlı geniş tədbir keçirib

YAP Tərtər rayon təşkilatı 12 noyabr - Konstitusiya Günü ilə bağlı geniş tədbir keçirib

12.11.2022 [12:22]

Yeni Azərbaycan Partiyası (YAP) Tərtər rayon təşkilatı 12 noyabr - Konstitusiya Günü ilə bağlı geniş tədbir keçirib.

12 noyabr 2022-ci il tarixdə keçirilmiş tədbirdə əvvəlcə Ulu Öndər Heydər Əliyevin və torpaqlarımızın ərazi bütövlüyü uğrunda şəhid olan soydaşlarımızın əziz xatirəsi bir dəqiqəlik sükutla yad edilmişdir.

Tədbiri giriş sözü ilə açan YAP Tərtər rayon təşkilatının sədri Eldar Əsədov bildirmişdir ki, yaradıcısı ulu öndərimiz Heydər Əliyev olan müstəqil Azərbaycan dövləti artıq 27 ildir ki, noyabrın 12-ni Konstitusiya günü kimi qeyd edir. Vurğulanmışdır ki, ümumilli liderimiz hər bir sahədə olduğu kimi hazırda dünyanın ən demokratik ölkələrinin Əsas Qanunları ilə eyni səviyyədə dayanan Konstitusiyamızın hazırlanmasında da əvəzsiz xidmətləri olmuşdur. Heydər Əliyevin sədrliyi ilə yaradılmış Konstitusiya Komissiyasının ilk iclasından başlayaraq 12 noyabr 1995-ci ildə keçirilmiş referendumadək milli liderimiz respublikamızın Əsas Qanununun hazırlanmasına, onun bütün maddələrinin geniş ictimaiyyət tərəfindən müzakirəsinə şəxsən rəhbərlik etmişdir. 1995-ci il noyabrın 12-də ümumxalq səsverməsi yolu ilə qəbul edilən Azərbaycan Konstitusiyası fundamental bir sənəd kimi demokratik inkişaf, hüquqi dövlətçilik və insan hüquqları sahəsində mütərəqqi dünya təcrübəsinin başlıca nailiyyətlərini özündə əks etdirir.

Tədbirdə çıxış edənlərdən Tərtər şəhər 5 saylı körpələr evi-uşaq bağçasının tərbiyəçisi - Könül Qurbanova, Səhləbad Ərazi Partiya Təşkilatının sədri Xəyal Aslanov, Tərtər rayon Mərkəzi Xəstəxanasının əməkdaşı- Bəsirə Həsənzadə , Tərtər rayon Heydər Əliyev Mərkəzinin əməkdaşı - Nəcmiyyə Zeynalova, Hacıqərvənd kənd körpələr evi-uşaq bağçasında tərbiyəçi – Güldanə Alışova, Tərtər rayon Su Kanal idarəsinin əməkdaşı- Rais Abbasov və Telekom Ərazi Partiya Təşkilatının sədri Adil Hüseynov Konstitusiyanın tarixi mahiyyətindən, bu Konstitusiyanın müstəqil Azərbaycanın ilk, ümumilikdə isə respublikanın dördüncü Konstitusiyası olmasından, ölkə başçısı cənab İlham Əliyevin müdrik daxili və xarici siyasəti sayəsində müstəqil dövlətimizin inkişafında əldə edilən tarixi nailiyyətlərdən söz açıblar. Onlar Konstitusiyamızda dövlət tərəfindən insanların hüquq və azadlıqlarının qorunduğunu, əhalinin sosial təminatına xüsusi diqqət verildiyini, hər kəsin azad yaşamasının təmin edildiyini, Konstitusiya Qanununu bilmək, bu Qanunda nəzərdə tutulan müddəalara əməl etmək, hörmətlə yanaşmaq hər birimizin vətəndaşlıq borcumuzdur deyə bildirdilər.

Tədbir iştirakçıların yüksək ictimai-siyasi fəallığı şəraitində keçib.

Tədbir YAP Tərtər rayon təşkilatının sədri Eldar Əsədov yekunlaşdırdı.

Paylaş:

Baxılıb: 654 dəfə