Azərbaycan Ermənistan üzərində daha bir diplomatik qələbə qazandı

Bakı:

28 °C

45 %

8 m/s

Əlaqə

AZ RU EN

Ana səhifə / YAP xəbərləri / Azərbaycan Ermənistan üzərində daha bir diplomatik qələbə qazandı

Azərbaycan Ermənistan üzərində daha bir diplomatik qələbə qazandı

03.11.2022 [12:01]

Oktyabrın 31-də Rusiyanın Soçi şəhərində Rusiya Prezidenti Vladimir Putinin dəvəti əsasında Azərbaycan Prezidenti İlham Əliyev və Ermənistanın baş naziri Nikol Paşinyanın iştirakı ilə növbəti üçtərəfli görüş keçirilib. Əvvəlcə Rusiya Prezidenti Paşinyanla görüşüb. Daha sonra isə İlham Əliyevlə keçirilən görüş 2 saat davam edib.

Prezidentlər İlham Əliyev, Vladimir Putin və baş nazir Nikol Paşinyan arasında üçtərəfli görüş zamanı bir sıra zəruri məsələlərlə yanaşı, cənab Prezident İlham Əliyevin bu görüşdə irəli sürdüyü fikirlər Azərbaycanın suveren hüquqları, Zəngəzur dəhlizi və digər kommunikasiyaların açılması, eləcə də sərhədlərin delimitasiyası və Rusiya sülhməramlılarının müvəqqəti müşahidəsi altında olan Azərbaycan ərazilərində yaşayan ermənilərlə bağlı mövqeyinin dəyişməyəcəyini bir daha təsdiq etdi. Prezident İlham Əliyev görüşdən öncədə Azərbaycan ilə Ermənistan arasında münasibətlərin normallaşmasının əsasında dayanmalı olan 5 əsas prinsipi irəli sürmüşdür. Dövlətlərin bir- birlərinin suverenliyi, ərazi bütövlüyü, beynəlxalq sərhədlərinin toxunulmazlığı və siyasi müstəqilliyini qarşılıqlı şəkildə tanıması, dövlətlərin bir-birlərinə qarşı ərazi iddialarının olmamasının qarşılıqlı təsdiqi və gələcəkdə belə bir iddianın qaldırılmayacağına dair hüquqi öhdəliyin götürülməsi, dövlətlərarası münasibətlərdə bir - birlərinin təhlükəsizliyinə hədə törətməkdən, siyasi müstəqillik və ərazi bütövlüyünə qarşı hədə və gücdən istifadə etməkdən, habelə BMT Nizamnaməsinin məqsədlərinə uyğun olmayan digər hallardan çəkinmək, dövlət sərhədinin delimitasiyası və demarkasiyası, diplomatik münasibətlərin qurulması, nəqliyyat və kommunikasiyaların açılışı, digər müvafiq kommunikasiyaların qurulması və qarşılıqlı maraq doğuran digər sahələrdə əməkdaşlığın qurulması bu prinsiplərin əsasını təşkil etdi.

Prezident İlham Əliyev əvvəllər olduğu kimi təmkinlilik nümayiş etdirərək qalib kimi görünürdü. Nikol Paşinyan isə içində faciəvi emosiyaları gizlədən biri kimi danışırdı.

Üçtərəfli görüşdən sonra isə bəyanat imzalandı. Bəyanatda önəmli məqamlardan biri ondan ibrətdir ki, bəyanatda Dağlıq Qarabağa hər hansı statusun verilməsindən söhbət getmir və Azərbaycanın ərazi bütövlüyü tam təmin olunur. Bu Azərbaycanın tam qələbəsinin əyani sübutudur. 8 noyabr 2020-ci il Müzəffər Ali Baş Komandan və şanlı Azərbaycan ordusunun yazdığı tarixi qələbə, 28 illik həsrəti 44 gün kimi qısa müddətdə son qoydu. Bu müddət ərzində millətimiz daim vətən həsrəti, sevgisini ürəyində daşıdı, cənab İlham Əliyevə arxalandı və qələbə qazandı. Bu zəfər asan başa gəlmədi. Daim danışıqlara üstünlük verən dövlətimiz, öz hünərini döyüş meydanında da göstərdi. Bu müddət ərzində digər dövlətlər təzyiq göstərməyə, bəzi sanksiyalar tətbiq etməyə çalışsalar da Azərbaycanımızın üstünlüyünü qəbul etməyə məcbur oldular. Dövlətimizin başçısı regiondakı dəyişən geosiyasi reallıqların ritminə uyğun olaraq pozucu davranışlar nümayiş etdirməyə çalışan bəzi dairələrin məkrli istəklərinin Azərbaycan xalqının iradəsi və maraqları qarşısında heç bir dəyərə malik olmadığını bir daha göstərdi.

Varis Rüstəmov,

YAP Sabiarabad rayon təşkilatının sədri

Paylaş:

Baxılıb: 678 dəfə