YAP Neftçala rayon təşkilatında Şəhid ailələri və qazilərlə görüş keçirilib

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / YAP Neftçala rayon təşkilatında Şəhid ailələri və qazilərlə görüş keçirilib

YAP Neftçala rayon təşkilatında Şəhid ailələri və qazilərlə görüş keçirilib

06.10.2022 [14:11]

Cəbrayıl rayonunun işğaldan azad olunmasının 2-ci ildönümü münasibətilə keçirilən görüşdə YAP Neftçala rayon təşkilatının sədri Ülvi Fərzəliyev, Neftçala Rayon İcra Hakimiyyəti Başçısı Aparatının "Vətən Müharibəsi İştirakçıları və Şəhid Ailələri ilə iş şöbəsi"nin müdiri İlqar Həsənov, "Cəbrayılın azad olunmasına görə " medalı ilə təltif olunmuş şəhidlərin ailə üzvləri və qazilər iştirak etmişdir.
Tədbiri giriş sözü ilə açan YAP Neftçala rayon təşkilatının sədri Ülvi Fərzəliyev tədbir iştirakçılarını salamladıqdan sonra Ümummilli Lider Heydər Əliyevin və Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olanların ruhu bir dəqiqəlik sükutla yad olunub. Ülvi Fərzəliyev çıxış edərək Cəbrayılın 27 illik işğaldan sonra Ali Baş Komandanın rəhbərliyi ilə Rəşadətli Azərbaycan Ordusu tərəfindən düşməndən azad edilən ilk şəhər olduğunu tədbir iştirakçılarının diqqətinə çatdırdı. Cəbrayıl rayonunun Cocuq Mərcanlı kəndinin ilk dəfə Ümummilli Lider Heydər Əliyevin rəhbərliyi ilə Azərbaycan Silahlı Qüvvələrinin 1994-cü il yanvarın 5-dən 6-na keçən gecə həyata keçirdiyi uğurlu əməliyyat nəticəsində işğaldan azad edildiyini, lakin ətrafdakı yüksəkliklərdə düşmən qüvvələri olduğu üçün kənddə yaşayış mümkün olmadığını qeyd etdi. 2016-cı il Aprel döyüşlərində Azərbaycan Ordusunun əks-hücumu nəticəsində Lələtəpə yüksəkliyinin düşməndən təmizləndikdən sonra Cocuq Mərcanlı kəndinin ordumuzun nəzarətinə keçdiyini, Aprel zəfərindən sonra dövlətimizin Cocuq Mərcanlıda yenidənqurma işlərinə start verdiyini və həmin kənddə yaşayışın yenidən bərpa olunduğunu bildirdi. Nəhayət, Vətən Müharibəsinin başlanmasından 8 gün sonra, 2020-ci ilin 4 oktyabr tarixində Müzəffər Ali Baş Komandanın Azərbaycan Ordusunun Cəbrayıl şəhərini və rayonun bir neçə kəndini işğaldan azad etməsi barədə xalqa müraciətinin hər bir azərbaycanlı tərəfindən böyük səbirsizliklə gözlənildiyi xüsusi vurğulandı.
Daha sonra Cəbrayıl rayonunun işğaldan azad olunması uğrunda gedən döyüşlərdə iştirak edən və həmin döyüşlərdə şəhidlik zirvəsinə ucalan zabit və əsgərlərimizin ailə üzvləri onların keçdiyi döyüş yolundan danışmış, göstərdikləri şücaətlər barədə tədbir iştirakçılarına məlumat vermişdilər. Cəbrayıl rayonunun işğaldan azad olunmasında iştirak edən, yaralanaraq öz sağlamlığını itirən qazilər də həmin döyüşlər barədə xatirələrini bölüşmüş, şəhid olmuş hərbçi yoldaşlarına Allahdan rəhmət diləmişdilər.
Sonda Şəhidlərimizin ailə üzvləri və qazilər dövlət tərəfindən göstərilən diqqət və qayğıya görə Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirmişdilər.

Paylaş:

Baxılıb: 557 dəfə