Azərbaycanın beynəlxalq müstəvidə xüsusi yeri və rolu vardır

Bakı:

23 °C

94 %

2 m/s

Əlaqə

AZ RU EN

Ana səhifə / YAP xəbərləri / Azərbaycanın beynəlxalq müstəvidə xüsusi yeri və rolu vardır

Azərbaycanın beynəlxalq müstəvidə xüsusi yeri və rolu vardır

21.09.2022 [11:50]

Azərbaycan Prezidenti cənab İlham Əliyevin məqsədyönlü siyasətinin nəticəsidir ki,ölkəmiz dünya ölkələri və nüfuzlu beynəlxalq təşkilatlarla hərtərəfli əlaqələr qurur.Respublikamız dünyada sözü ilə əməli bir olan, haqqın, ədalətin, bərabərliyin, mehriban qonşuluğun tərəfdarı olan ölkə imici qazanmışdır.

Ölkəmizin hərtərəfli əməkdaşlıq etmək istədiyi qurumlardan biri də Şanxay Əməkdaşlıq Təşkilatıdır.

Son dövrlərdə dünyada nüfuzu artan, həm təhlükəsizlik, həm də iqtisadi inkişaf sahələrində vacib rol oynamağa başlayan Şanxay Əməkdaşlıq Təşkilatı diqqəti daha çox cəlb etməyə başlayıb. 2001-ci ildə 6 dövlət tərəfindən təsis olunan bu qurumun artıq 9 üzvü vardır.Dövlətlər arasında qarşılıqlı etimad və qonşuluq münasibətlərinin gücləndirilməsi, siyasət, ticarət və iqtisadiyyat, elm və texnologiya, mədəniyyət, o cümlədən təhsil, enerji, nəqliyyat, turizim, ətraf mühitin qorunması və digər sahələrdə effektiv əməkdaşlığın inkişaf etdirilməsi, regionda sülh, təhlükəsizlik və sabitliyin əldə edilməsi üçün birgə səylərin göstərilməsi, yeni siyasi və iqtisadi münasibətlərin yaradılması kimi amillər daxildir.

Azərbaycan bu təşkilatla əməkdaşlığı daha da artırmağa böyük önəm verir.Məhz bu səbəbdən ölkəmizlə ŞƏT arasında əməkdaşlıq sahələrini əks etdirən memorandum imzalanıb. Azərbaycanın Avrasiya məkanında tranzit qovşağına çevrilməsi, Şimal-Cənub, Şərq-Qərb dəhlizlərinin qovşağında yerləşməsi, geniş nəqliyyat strukturuna malik olması bu qurum üçün cəlbedicidir.

Sentyabrın 16-da Səmərqənddə Şanxay Əməkdaşlıq Təşkilatına üzv ölkələrin Sammitində çıxışı zamanı Prezidentimiz bir çox mühüm məsələlərə toxundu. Prezidentimiz çıxışı zamanı bildirib ki, 2020-ci ilin sonunda Qarabağ münaqişəsinin həlli regionumuzda nəqliyyat-kommunikasiya layihələrinin inkişafı üçün yeni imkanlar yaradıb. Zəngəzur dəhlizi açıldıqdan sonra bu, region ölkələrinin nəqliyyat imkanlarını daha da artıracaq və marşrut boyu yerləşən bütün ölkələr üçün faydalı olacaqdır.Azərbaycanın Ermənistanla bir birinin suverenliyinin və ərazi bütövlüyünün qarşılıqlı tanınmasına əsaslanan sülh müqaviləsi üçün beş əsas prinsip təqdim edildiyini bildirən ölkə başçımız təəssüflə qeyd etmişdir ki, bu il sentyabrın 13-də Ermənistan Azərbaycanla dövlət sərhədində genişmiqyaslı hərbi təxribat törətmişdir. Azərbaycan silahlı qüvvələri bu təxribatın qarşısını qətiyyətlə almışdır. Ermənistanın bu təxribatı iki ölkə arasında normallaşdırma prosesinə böyük bir zərbədir.Dövlət sərhəddində törədilən bu təxribata görə bütün məsuliyyət Ermənistanın hərbi-siyasi rəhbərliyinin üzərinə düşür.

Bəzi aparıcı beynəlxalq təşkilatların səmərəsizliyi narahatlıq doğurduğunu deyən cənab İlham Əliyev 27 il ərzində ildə BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən çıxarılmasını tələb edən dörd qətnaməsinin yerinə yetirilmədiyini bildirib. Azərbaycan Qarabağ münaqişəsini özü hərbi-siyasi yolla həll edib və Təhlükəsizlik Şurasının qətnamələrinin icrasını təmin edib.

Beynəlxalq müstəvidə xüsusi çəkisi və yeri olan Azərbaycan hər zaman beynəlxalq hüququn və tarixi ədalətin bərpasına çalışır.İstəyir ki,dünya dövlətləri mehriban qonşuluq, dostluq, əminamanlıq şəraitində yaşasınlar.Beynəlxalq hüququn norma və prinsiplərinə, dövlətlərin suverenliyinə və ərazi bütövlüyünə hörmətlə yanaşılsın.

Vüsal Hüseynov

YAP Qazax rayon təşkilatı “Gənclər Evi”ərazi partiya təşkilatının sədri

Paylaş:

Baxılıb: 604 dəfə