YAP Gəncə şəhər təşkilatında Milli Qurtuluş Gününə həsr olunan dəyirmi masa keçirilib

Bakı:

24 °C

55 %

3 m/s

Əlaqə

AZ RU EN

Ana səhifə / YAP xəbərləri / YAP Gəncə şəhər təşkilatında Milli Qurtuluş Gününə həsr olunan dəyirmi masa keçirilib

YAP Gəncə şəhər təşkilatında Milli Qurtuluş Gününə həsr olunan dəyirmi masa keçirilib

14.06.2022 [11:42]

YAP Gəncə şəhər təşkilatı və Gəncə şəhər Ağsaqqallar Şurasının birgə təşkilatçılığı ilə 15 İyun – Qurtuluş Gününə həsr olunmuş “Heydər Əliyev dühası” mövzusunda dəyirmi masa keçirilib.

Şəhər ağsaqqallarının, partiya fəallarının və gənclərin iştirak etdiyi tədbirdə əvvəlcə xalqımızın Ümummilli Lideri Heydər Əliyevin və ölkəmizin ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.

Şəhər Ağsaqqallar Şurasının sədri, professor Nurəddin Məmmədovun moderatorluğu ilə keşən tədbirdə YAP Gəncə şəhər təşkilatının sədr müavini Nurəddin İbrahimov çıxış edərək, dövlətçilik ənənələrimizin bərpasında Ümummilli Lider Heydər Əliyevin əvəzsiz xidmətlərindən, ölkəmizdə hərc-mərclik, xaos və anarxiyanın baş verdiyi bir dövrdə Ulu Öndər Heydər Əliyevin hakimiyyətə qayıdışından sonra müstəqilliyimizin əbədi və sarsılmaz xarakter almasından, dahi şəxsiyyətin zəngin siyasi və dövlətçilik təcrübəsi sayəsində hazırda respublikamızın dünyanın aparıcı dövlətləri sırasında layiqli yer tutmasından danışıb.

Gəncə şəhər Baş Polis İdarəsinin rəis müavini Füzuli Şıxıyev, Əməkdar müəllim, tarix elmləri doktoru, professor Həsənbala Sadıqov, ADAU-nun dosenti, fəlsəfə doktoru Ceyhun Hüseynov, Azərbaycan Texnologiya Universitetinin dosenti Hüseyn Budaqov, xalq artisti Məmmədəli Balayev, şəhər Ağsaqqallar Şurasının üzvü Siyasət Məmmədov və digər tədbir iştirakçıları çıxış edərək Ulu Öndər Heydər Əliyevin 1993-ci ildə hakimiyyətə qayıdışından və bu tarixi günün xalqımızın yaddaşına Milli Qurtuluş Günü kimi həkk olunmasından danışıblar. Natiqlər bildiriblər ki, Ümummilli Lider Heydər Əliyev müstəqil Azərbaycan dövlətçiliyinin siyasi, iqtisadi əsaslarını yaradıb, xalqın müstəqil və güclü dövlətə sahib olmaq arzusunu reallığa çevirmiş fenomen şəxsiyyət kimi çağdaş tariximizdə əbədiyaşarlıq qazanıb.

Dəyirmi masada vurğulanıb ki, məhz Ulu Öndərin yürütdüyü müdrik daxili və xarici siyasət nəticəsində müstəqilliyimiz dönməz xarakter alıb. Bu gün Ümummilli Lider Heydər Əliyevin ideyalarını uğurla davam etdirən Müzəffər Ali Baş Komandan, Prezident cənab İlham Əliyevin həyata keçirdiyi siyasət nəticəsində müstəqil Azərbaycan güclü, bütün məsələlərlə bağlı öz prinsipial mövqeyi olan, müstəqil siyasi iradə nümayiş etdirən ölkə kimi tanınır.

Tədbirdə şəhər Ağsaqqallar Şurasının yeni yaradılmış rəsmi “facebook” və Instagram səhifələri işirakçılara təqdim edilib.

Tədbirdə o da qeyd edilib ki, yaradıcısı Ümummilli Lider olan Yeni Azərbaycan Partiyasının fəaliyyətində Heydər Əliyevin ideya və arzuları yaşayır. Ulu Öndər ideyaları ətrafında partiya sıralarına böyük həvəslə qoşulanların sayı günbəgün artır.

Sonda YAP sıralarına yeni qəbul olunanlara partiyanın üzvlük vəsiqəsi təqdim olunub və onlara gələcək fəaliyyətlərində uğurlar arzulanıb.

Paylaş:

Baxılıb: 590 dəfə