Qazaxda YAP sıralarına qəbul olunmuş gənclərə partiya vəsiqələri təqdim edilib

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Qazaxda YAP sıralarına qəbul olunmuş gənclərə partiya vəsiqələri təqdim edilib

Qazaxda YAP sıralarına qəbul olunmuş gənclərə partiya vəsiqələri təqdim edilib

08.06.2022 [11:53]

15 iyun Milli Qurtuluş Günü ərəfəsində, 8 iyun 2022-ci il tarixdə Yeni Azərbaycan Partiyası Qazax rayon təşkilatı Qazax Müalicə Diaqnostika Mərkəzi ərazi partiya təşkilatında geniş bayram tədbiri keçirilib.

Tədbir iştirakçıları əvvəlcə Ulu Öndər Heydər Əliyevin və müqəddəs şəhidlərimizin əziz xatirəsini bir dəqiqəlik sükutla yad edərək öz dərin hörmət və ehtiramlarını bildirdilər.

Yeni Azərbaycan Partiyası Qazax rayon təşkilatının sədri Anar Nəbiyev tədbir iştirakçılarını salamlayaraq bildirdi ki, bugünkü tədbirimiz xalqımız üçün çox əlamətdar, yadda qalan, tarixi bir günə - 15 iyun Milli Qurtuluş Gününə təsadüf edir. Odur ki, bu bayram münasibətilə hər birinizi təbrik edir və ən xoş arzularımı çatdırıram. Burada əyləşənlərin böyük əksəriyyəti 1993-cü ilin iyun günlərini yaxşı xatırlayırlar. Həmin dövr yenicə müstəqillik qazanmış Azərbaycanın həyatında çox çətin, məsuliyyətli bir dövr idi. Belə ki, respublikamız məhv olmaq, parçalanmaq, tarixin səhnəsindən silinmək təhlükəsilə üz – üzə qalmışdı. Həmin dövrdə ölkə rəhbərliyində olan şəxslərin səriştəsizliyi, təcrübəsizliyi, yarıtmazlığı ucbatından respublikamızın hər yerində xaos, anarxiya, özbaşnalıq hökm sürürdü, demək olar ki, ölkə faktiki olaraq idarə olunmurdu. Xalq belə bir məqamda Böyük Xilaskar, Dahi Rəhbər, Ulu Öndər, Müdrik Şəxsiyyət Heydər Əliyevə müraciət etdi. Doğma Azərbaycanı canından əziz sevən Ümummilli Liderimiz xalqın bu müraciətini müsbət qarşıladı və Böyük xilaskarlıq missiyasını öz üzərinə götürdü. Qısa müddət ərzində Azərbaycanda ictimai – siyasi sabitlik əldə olundu, qanunsuz silahlı birləşmələr ləğv edildi, çətinliklə olsa da ölkədə hüquqi, demokratik, dünyəvi dövlət quruculuğu prossesi başlandı. Bir sözlə, Azərbaycan məhv olmaq təhlükəsindən xilas edildi.

Rayon təşkilatının sədri daha sonra bildirdi ki, bu gün 15 iyun - Milli Qurtuluş Günü respublikamızda böyük ruh yüksəkliyi, böyük coşqu ilə qeyd olunur. 44 günlük Vətən Müharibəsindən sonra bütün azərbaycanlılar dünyanın hər yerində bu günü Qalib Xalqın Qalib Övladları kimi alnı açıq, üzü ağ, başı uca qeyd edirlər. Mən elə bilirəm ki, Vətən Müharibəsində əldə olunmuş Möhtəşəm Zəfərin əsası məhz, 15 iyun 1993-cü ildə Ümummilli Liderimiz Heydər Əliyevin ölkə rəhbərliyinə yenidən qayıdışı ilə qoyuldu. Bu gün Ulu Öndərin siyasi kursu, onun dəsti - xətti Möhtərəm Prezident, Müzəffər Ali Baş Komandan, Yeni Azərbaycan Partiyasının sədri İlham Əliyev cənabları tərəfindən inamla, qətiyyətlə və layiqincə davam etdirilir. Ulu Öndərin bizlərə miras qoyduğu Müstəqil Azərbaycan ictimai – siyasi həyatımızın bütün sahələri üzrə inkişaf edir, çiçəklənir və beynəlxalq aləmdə Qüdrətli bir ölkəyə çevrilir. Əminik ki, müdrik xalqımızı qarşıda daha xoş, daha firavan günlər gözləyir.

Tədbirdə Qazax Müalicə Diaqnostika Mərkəzi ərazi partiya təşkilatının sədri Kamandar İbrahimov, partiya üzvlərindən Arifə Mirzəliyeva, Xatirə Əliyeva, Afiq Mustafayev çıxış etdilər .

Tədbirin sonunda Yeni Azərbaycan Partiyası sıralarına qəbul olunmuş gənclərə partiya üzvlük vəsiqələri təqdim olundu. YAP sıralarına yeni qəbul olunmuş gənclər 15 iyun – Milli Qurtuluş Günü ərəfəsində onlara üzvlük vəsiqələrinin təqdim olunmasını ikiqat bayram kimi qarşıladılar və bu vəsiqənin onlar üçün çox qiymətli, dəyərli bir sənəd olduğunu bildirdilər. Böyük sevinc hissləri keçirən gənclər YAP üzvü kimi bundan sonra da partiya sıralarında daha əzmlə, səylə, fəaliyyət göstərəcəklərinə söz verdilər.

Paylaş:

Baxılıb: 717 dəfə