Ümummilli Lideri Heydər Əliyevin anadan olmasının 99-cu ildönümü Şamaxıda qeyd olunub

Bakı:

20 °C

58 %

2 m/s

Əlaqə

AZ RU EN

Ana səhifə / YAP xəbərləri / Ümummilli Lideri Heydər Əliyevin anadan olmasının 99-cu ildönümü Şamaxıda qeyd olunub

Ümummilli Lideri Heydər Əliyevin anadan olmasının 99-cu ildönümü Şamaxıda qeyd olunub

10.05.2022 [15:04]

Azərbaycan xalqının Ümummilli Lideri Heydər Əliyevin anadan olmasının 99-cu ildönümü Şamaxı rayonunda qeyd olunub. Tədbirdə rayon İcra Hakimiyyətinin başçısı Tahir Məmmədov, Milli Məclisin deputatı Tamam Cəfərova, rayonun hüquq-mühafizə orqanları, idarə müəssisə rəhbərləri və kollektivləri, rayon ictimaiyyətinin nümayəndələri iştirak ediblər. Tədbir iştirakçıları öncə Ulu Öndər Heydər Əliyevin abidəsini ziyarət ediblər, abidənin önünə gül dəstələri düzülüb. Ümummilli Liderin əziz xatirəsi ehtiramla yad edilib.

Rayon Mədəniyyət Mərkəzində keçiriln tədbirdə Ulu Öndər Heydər Əliyevin həyat və fəaliyyətinə həsr edilmiş film nümayiş olunub. Tədbirdə çıxış edən Milli Məclisin deputatı Tamam Cəfərova dahi şəxsiyyət Heydər Əliyevin irsinin davamlı olaraq öyrənilməsinin vacibliyini vurğulayıb. Onun sözlərinə görə, 1993-cü ildə xalqın təkidli tələbi ilə yenidən hakimiyyətə qayıtmaqla Ulu Öndər Heydər Əliyev Azərbaycanın xilaskarı kimi ölkəmizi, xalqımızı, dövlətçiliyimizi, müstəqilliyimizi qorudu: «Ulu öndərin bu tarixi qayıdışı ilə Azərbaycanın müasir, qüdrətli dövlətçilik ənənəsi formalaşdı. Bu gün gənc nəslin inkişafı, tərəqqisi, Ümummilli Lider Heydər Əliyevin əsasını qoyduğu uğurlu siyasətinin nəticəsidir. Bu siyasət, bu uğur Prezident İlham Əliyev tərəfindən davam etdirilir».

Çıxış edən Yeni Azərbaycan Partiyası Şamaxı rayon təşkilatının sədri Tural Qasımli müstəqilliyin ilk illərində ölkədə baş verən siyasi prosseslərdən danışıb. Ulu Öndərin rəhbərliyi ilə YAP-ın həmin dövrdə tarixi zərurətdən yarandığını diqqətə çatdıran T.Qasımlı vurğulayıb ki, məhz həmin dövrdə respublikanın parlaq simalarının, ziyalıların və böyük nüfuz sahibi olan insanların Heydər Əliyevin ətrafında birləşməsi və Yeni Azərbaycan Partiyasının yaradılması ölkəmizin siyasi həyatında yeni bir mərhələnin başlanğıcını qoydu.

Tədbirdə çıxış edən Şamaxı Rayon İcra Hakimiyyətinin başçısı Tahir Məmmədov rHeydər Əliyevin anadan olmasının 99-cu ildönümü münasibətilə Şamaxı rayonunda silsilə tədbirlərin keçirildiyini və dahi şəxsiyyətin ömür yolunun hər bir azərbaycanlıya örnək olduğunu bildirib. T.Məmmədov qeyd edib ki, Ulu Öndər Heydər Əliev Azərbaycan xalqının yaddaşında hər zaman xilaskar dövlət xadimi, həmçinin xalqın məhəbbətini qazanan Ümimmilli Lider kimi daim yaşayacaq.

Paylaş:

Baxılıb: 655 dəfə