Heydər Əliyevin anadan olmasının 99-cu ildönümü münasibətilə Naftalanda silsilə tədbirlər davam etdirilir

Bakı:

24 °C

54 %

6 m/s

AZ RU EN

Ana səhifə / YAP xəbərləri / Heydər Əliyevin anadan olmasının 99-cu ildönümü münasibətilə Naftalanda silsilə tədbirlər davam etdirilir

Heydər Əliyevin anadan olmasının 99-cu ildönümü münasibətilə Naftalanda silsilə tədbirlər davam etdirilir

07.05.2022 [17:28]

Yeni Azərbaycan Partiyası Naftalan şəhər təşkilatının təşkilatçılığı ilə Ulu Öndər Heydər Əliyevin anadan olmasının 99-cu ildönümü münasibətilə Naftalan Reabilitasiya Mərkəzi ərazi partiya təşkilatında tədbir keçirilib.

Tədbirdə YAP Naftalan şəhər təşkilatının sədri Rövlan Heydərov, Naftalan Reabilitasiya Mərkəzinin kollektivi, Mərkəzdə stasionar müalicə alan əlilliyi olan şəxslər və qazilər iştirak ediblər.

Əvvəlcə Ulu Öndər Heydər Əliyevin və Vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Naftalan şəhər təşkilatının sədri Rövlan Heydərov qeyd edib ki, Ümummilli Lider Heydər Əliyev müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsinə, müasir Azərbaycan dövlətinin qurulmasına və xalqımızın müstəqillik arzusuna çatmasına nail olub.

YAP Naftalan şəhər təşkilatının sədri vurğuladı ki, Ulu Öndərimizin varisçilik ənənələrinə daim sadiq olan ölkə Prezidentimiz möhtərəm cənab İlham Əliyev onun arzu və ideyalarını müvəffəqiyyətlə həyata keçirir. 44 günlük Vətən müharibəsi dövründə də ölkə başçımız bütün siyasi təzyiqlərə və təhdidlərə baxmayaraq prinsipial, yenilməz iradə nümayiş etdirərək Azərbaycan xalqının milli maraqlarını qətiyyətlə müdafiə etdi, məqsədyönlü, ardıcıl siyasət apardı və bütün bunların nəticəsi olaraq Azərbaycan tarixi Qələbə qazandı.

Sonra Naftalan Reabilitasiya Mərkəzinin təlimatçısı Aytən Əliyeva çıxış edərək bildirib ki, Ulu Öndər Heydər Əliyev Azərbaycanı dünyaya tanıtdırdı, xalqımızın xoşbəxt, firavan gələcəyi üçün etibarlı bünövrə yaradaraq, dövlət idarəçilik mexanizmini formalaşdırdı. Təcrübəli dövlət xadimi olan Heydər Əliyev zamanın ən çətin və mürəkkəb sınaqlarından məharətlə keçərək Böyük Xilaskar rolunu oynamış, bizim üçün bugünkü Müstəqil Azərbaycanımızı yaratmışdır. Aytən Əliyeva Ulu Öndər Heydər Əliyevin əməllərinin və amallarının xalqın gündəlik fəaliyyətində və düşüncəsində yaşadığını bildirərək, bu amalların xalqımızı tərəqqi zirvəsinə doğru inamla aparan, dahi rəhbərimizin siyasi kursunun layiqli davamçısı cənab Prezident İlham Əliyev tərəfindən uğurla gerçəkləşdirildiyini vurğulayıb.

Tədbirin sonunda Ulu Öndər Heydər Əliyevə həsr edilmiş film nümayiş etdirilib.

Paylaş:

Baxılıb: 701 dəfə