Seçicilər dövlətimizin güclənməsini təmin edə biləcək yeganə siyasi qüvvəyə

Bakı:

24 °C

83 %

10 m/s

AZ RU EN

Ana səhifə / YAP xəbərləri / Seçicilər dövlətimizin güclənməsini təmin edə biləcək yeganə siyasi qüvvəyə - YAP-a etimad göstərir

Seçicilər dövlətimizin güclənməsini təmin edə biləcək yeganə siyasi qüvvəyə - YAP-a etimad göstərir

17.10.2010 [13:45]

YAP-ın 125 saylı Zəngilan-Qubadlı seçki dairəsindən parlament seçkilərində namizədi İmamverdi İsmayılovun səlahiyyətli nümayəndələri seçicilərlə görüşüblər
Yeni Azərbaycan Partiyasının parlament seçkilərində iştirak edən namizədlərinin seçicilərlə görüşü davam edir. Dünən bu qəbildən olan görüşlərdən biri Abşeron rayonunda baş tutub. 125 saylı Zəngilan-Qubadlı seçki dairəsindən Yeni Azərbaycan Partiyasının parlament seçkilərində namizədi İmamverdi İsmayılovun səlahiyyətli nümayəndələri Novxanı bağları yaşayış massivi ərazisindəki 2 saylı xəstəxanada məskunlaşmış Qubadlı rayonundan olan qaçqın və məcburi köçkünlərlə görüşüblər.
Tədbirdə çıxış edən deputatlığa namizədin səlahiyyətli nümayəndəsi və Yeni Azərbaycan Partiyası Qubadlı rayon təşkilatının sədri Allahverdi Haqverdiyev ölkəmizin yeni siyasi hadisə-parlament seçkiləri ərəfəsində olduğunu bildirib. Əsası Ulu öndər Heydər Əliyev tərəfindən qoyulan və indiyə qədər keçirilən seçkilərin alternativsiz lideri olan Yeni Azərbaycan Partiyasının hər zaman xalqımızdan dəstək gördüyünü deyən natiq işğal altında olan Qubadlı rayonunun ictimaiyyətinin də bu prosesdə fəal iştirakından bəhs açıb. Onun sözlərinə görə, dövlətimiz qaçqın və məcburi köçkün vətəndaşlarımızın həyat rifahının yüksəldilməsi istiqamətində davamlı işlər görür: “Yeni Azərbaycan Partiyası hər zaman dövlətçiliyimizin inkişafına xidmət göstərib. Partiyamızın 125 saylı Zəngilan-Qubadlı seçki dairəsindən irəli sürdüyü namizəd sizə çox tanışdır. İmamverdi müəllim artıq beş il sizin deputatınız olub və sizin problemlərinizin həlli istiqamətində yüksək fəaliyyəti ilə seçilib. Mən əminəm ki, Qubadlı seçiciləri bu dəfə də öz seçimini düzgün edəcək və İmamverdi İsmayılova səs verəcəklər”.
Səlahiyyətli nümayəndə bildirib ki, 1993-cü ildə öz yurd-yuvalarından didərgin düşmüş Qubadlı ictimaiyyəti məhz Ulu öndər Heydər Əliyevin qayğısı sayəsində ayaqda dura bildilər: “ümummilli liderimizin apardığı sosial siyasət nəticəsində Qubadlı camaatı yenidən özünə həyat qurdu. Bu ənənə Prezident İlham Əliyev tərəfindən uğurla davam etdirilir. Bu gün Azərbaycanın 42 rayon və şəhərində məskunlaşmış Qubadlı camaatı bir nəfər kimi dövlətimizin siyasətini dəstəkləyir. Məhz dövlətimizin qayğısı nəticəsində bu gün çadır şəhərcikləri ləğv olunub. Mən inanıram ki, Prezident İlham Əliyevin apardığı siyasət öz bəhrəsini verəcək və torpaqlarımız işğaldan azad olunacaq”.
Natiq onu da qeyd edib ki, 125 saylı Zəngilan-Qubadlı seçki dairəsindən Yeni Azərbaycan Partiyasının namizədi olan İmamverdi İsmayılov 3 dəfə bu yurdun insanları tərəfindən parlament üzvü seçilib: “Bu çox sevindirici bir haldır. İmamverdi İsmayılov öz fəaliyyəti ilə seçicilərinin rəğbətini qazanıb, vəzifəsini layiqincə və məsuliyyətlə icra edib. Digər tərəfdən, İmamverdi İsmayılov hər zaman istər Qubadlı, istərsə də Zəngilan rayonundan olan insanların sosial problemləri ilə yaxından tanış olur, onların həllində aktiv rol oynayır. Mən, millət vəkilinin səlahiyyətli nümayəndəsi olaraq əminəm ki, Qubadlı seçiciləri bu dəfə də İmamverdi İsmayılovun Azərbaycan Respublikasının qanunverici orqanı olan Milli Məclisdə onları təmsil etmələri üçün səs verəcəklər”.
Daha sonra YAP-ın seçki platforması ilə bağlı danışan A.Haqverdiyev qeyd edib ki, hakim partiya bu seçkilərə “Güclü dövlət, yüksək rifah” şüarı ilə qatılır: “Bu isə öz növbəsində insanların, ən əsası isə yurd-yuvasından qaçqın düşmüş vətəndaşların sosial həyatının yüksəldilməsi istiqamətində görülən işlərin davam etdirilməsi deməkdir. Dinamik inkişafımızın, iqtisadi qüdrətimizin, sosial təminatımızın, siyasi sabitliyimizin təminatı kompleks şəkildə ölkəmizin daha da güclənməsinə xidmət göstərəcək. YAP insanlara bunu vəd edir. Məhz bu inkişafın davamlı olması üçün YAP-ın namizədlərinə səs vermək vacibdir. Mən sizləri seçkilərdə YAP-ın namizədlərinə, o cümlədən, 125 saylı seçki dairəsindən İmamverdi İsmayılova səs verməyə çağırıram”.
Daha sonra çıxış edən seçicilər də Yeni Azərbaycan Partiyasının seçki platformasını bəyəndiklərini və dəstəklədiklərini bildiriblər. Sakinlər qeyd ediblər ki, onlar yenə də 125 saylı Zəngilan-Qubadlı seçki dairəsindən YAP-ın namizədi İmamverdi İsmayılova səs verəcəklər.
Pərviz SADAYOÄžLU

Paylaş:

Baxılıb: 1537 dəfə