YAP-ın hədəfləri xalqa xidmət etməkdir

Bakı:

21 °C

54 %

2 m/s

Əlaqə

AZ RU EN

Ana səhifə / YAP xəbərləri / YAP-ın hədəfləri xalqa xidmət etməkdir

YAP-ın hədəfləri xalqa xidmət etməkdir

14.03.2022 [14:36]

Yeni Azərbaycan Partiyasının VII qurultayinin keçirilməsi torpaqlarımızın işğaldan azad olunması,eyni zamanda əvvəlki qurultaydan ötən müddət ərzində Möhtərəm Prezidentimiz cənab İlham Əliyevin rəhbərliyi ilə əldə olunmuş tarixi nailiyyətlərin qiymətləndirilməsi baxımından çox böyük əhəmiyyət kəsb edir.Fərəhləndirici haldır ki, bu müddət ərzində ölkəmizin həyatında baş verən hadisələr arasında Vətən müharibəsində parlaq qələbəmizin əldə olunması və tarixi ədalətin bərpa olunmasıdır.

Yeni Azərbaycan Partiyasının yaradılması Ulu Öndərimiz Heydər Əliyevin adı ilə bağlıdır.90-cı illərin əvvəlində yenicə müstəqillik əldə edən Azərbaycan böyük bir fəlakətlə üz-üzə qalmışdır.Ölkədə idarəetmə iflic vəziyyətinə düşmüşdür.Ölkə daxilində siyasi çəkişmələr,hakimiyyət uğrunda mübarizə gedirdi. O dövrdə hakimiyyəti idarə edənlərə qarşı xalqıın inamı itmişdir..Belə ağır vəziyyətdə xalqımızın milli düşüncəli,vətənpərvər ziyalıları yeganə çıxış yolunu Ulu Öndərin yenidən hakimiyyətə gəlişində gördükləri üçün məhşur 91 nəfər ziyalı ona müraciət edərək Yeni Azərbaycan Partiyasının yaradılmasını tarixi zərurət hesab etdilər.

Təbii ki, Ulu Öndər Heydər Əliyev respublikamızın ağır vəziyyətə düşdüyü bir vaxtda ziyalıların bu müraciətinə biganə qala bilmədi və buna razılıq verdi.Az bir müddətdə Yeni Azərbaycan Partiyası yaradıldı.

Ulu öndərin siyasi təcrübəsi,dərin zəkası,böyük uzaqgörənliyi xalq qarşısındakı misilsiz xidmətləri millətə və torpağına bağlılığı böyük Azərbaycanlı olması mütərəqqi insanların onun ətrafında birləşdirdi və Yeni Azərbaycan Partiyası təşkilatlanaraq güclü bir siyasi qüvvəyə çevrilməyə başladı.

1992-ci ilin noyabrında Yeni Azərbaycan Partiyasının yaradılması gənc müstəqil ölkəmizin siyasi həyatında yeni bir dövr açdı və heç bir il keçməmiş partiyamızın yaradıcısı Heydər Əliyev 1993-cü ilin oktyabrında xalqımızın böyük dəstəyi ilə Prezident seçildi.Bununlada ölkənin böhrandan çıxış prosesi başlandı.

Ulu Öndər Heydərn Əliyevin hakimiyyətdə olduğu 1993-2003-cü illərdə dövlətçilik əsasları quruldu.Siyasi islahatlara start verilməsinə çox partiyalı sistem formalaşdırıldı.Bu illər ərziondə Ulun Öndərin rəhbərliyi ilə Azərbaycan Beynəlxalq təcriddən çıxdı. “Əsrin Müqaviləsi ”bağlandı, cəbhədə atəşkəs əldə edildi,ümumiyyətlə zor gücünə devirmək istəyən qüvvələr zərərsizləşdirildi.

Ölkəyə böyük miqyasda investisiyalar cəlb edildi,beynəlxalq lahiyələr icra edildi,nizami ordu yaradıldı,iqtisadi islahatlar aparıldı,infrastruktur lahiyələr icra edildi,Azərbaycanın beynəlxalq aləmdə nüfuzu yüksəldi.

Yeni Azərbaycan Partiyası yarandığı dövrdən bugünədək tarixi bir yol keçib.Azərbaycanda milli qarşıdurma yarananda, dövlət müstəqilliyinin itirilməsi təhlükəsini aradan qaldırılmasında,,ölkədə ictimai-siyasi sabitliyin qorunmasında, xidmətləri danılmazdır.

Yeni Azərbaycan Partiyasının fəaliyyəti dövründə daim xalqa xidmət etmiş,bu gündə davam etdirilir.

44 günlük Vətən müharibəsi ərzində bunun şahidi olduq.Həmin günlərdə ictimaiyyətin Müzəfər Ali Baş Komandanın ətrafında sıx birləşməsi ,Azərbaycan Ordusunun Zəfər qazanmasında mühüm amillərdən biri oldu.Məhz bu baxımdan Yeni Azərbaycan Partiyasının sədri cənab İlham Əliyev partiyanın VII qurultayında onun fəaliyyətinin başlıca istiqamətlərini müəyyənləşdirdi.Bu istiqamətlərin ən başlıcası işğaldan azad olunmuş ərazilərə qayıdışın təmin edilməsidir.Odur ki, dövlətimizin başçısı Qayıdış Proqramının yerinə yetirilməsi üçün YAP üzvlərini , gəncləri daha fəal olmağa çağırdı.

Yeni Azərbaycan Partiyasının VII Qurultayında qəbul olunmuş qərarlar partiya strukturlarının yenidən formalaşdırılmasına təkan verdi.Bütövlükdə bu qərarlar partiya həyatında daha çevik və effektiv idarəetmə mexanizminin formalaşdırılması baxımında böyük əhəmiyyət kəsb edir.Xüsusilə qeyd etmək lazımdır ki, Mehriban xanım Əliyevanın YAP –ın sədrinin birinci müavini kimi fəaliyyəti partiyanın nüfuzunun və gücünün ,partiyaya ictimai dəstəyin daha da artmasına təkan vermişdir.

Ölkəmizdə etimad və inkişaf mühiti olan yeni siyasi konfiqurasiya şəraitində dialoq prosesi,siyasi sistemin inkişafını və milli birliyin güclənməsini təmin edir.Bu gün siyasi partiyalar müttəfiqlik tariximizdə heç vaxt olmadığı kimi birlik-həmrəylik nümayiş etdirir, milli məsələlərdə vahid yanaşma və prinsipial mövqe ortaya qoyurlar.Mövcud olan siyasi həmrəylik Vətən müharibəsində və postmüharibə ərəfəsində daha qabarıq sürətdə nəzərə çarpdı, yeni siyasi qüvvələrin birliyi daha da möhkəmləndi.YAP və onunla həmrəylik nümayiş etdirən siyasi partiyaların ölkəmizin ərazi bütövlüyünün təmin olunması məsələsində Müzəffər Ali Baş Komandamızın qətiyyətli siyasətinə birmənalı dəstək göstərmələri Milli Həmrəyliyin bariz nümunəsi oldu.Azərbaycan Prezidenti Yeni Azərbaycan Partiyasının sədri cənab İlham Əliyevin Qurultayda qeyd etdiyi kimi: “Yeni Azərbaycan Partiyası nəinki Azərbaycanın,Cənubi Qafqazın böyük siyasi partiyasıdır .Yeni Azərbaycan Partiyası bundan sonrada bütün ölkəmizdə gedən proseslərin mərkəzində olacaq.”

Yeni Azərbaycan Partiyası Goranboy rayon təşkilatının sədri Elçin İsmayılov

Paylaş:

Baxılıb: 822 dəfə