YAP Pirallahı rayon təşkilatında 2 fevral - Azərbaycan Gəncləri Günü münasibətilə tədbir keçirilib

Bakı:

29 °C

45 %

7 m/s

AZ RU EN

Ana səhifə / YAP xəbərləri / YAP Pirallahı rayon təşkilatında 2 fevral - Azərbaycan Gəncləri Günü münasibətilə tədbir keçirilib

YAP Pirallahı rayon təşkilatında 2 fevral - Azərbaycan Gəncləri Günü münasibətilə tədbir keçirilib

02.02.2022 [17:26]

Yeni Azərbaycan Partiyası Pirallahı rayon təşkilatı və Pirallahı Rayon İcra Hakimiyyətinin birgə təşəbbüsü ilə 2 fevral - Azərbaycan Gəncləri Günü ilə əlaqədar tədbir keçirilib.

Tədbirdə əvvəlcə Dövlət Himni səsləndirilib, Azərbaycanın ərazi bütövlüyü və müstəqilliyi uğrunda şəhid olan qəhrəmanlarımızın əziz xatirəsi bir dəqiqəlik sükutla yad edilib.

Tədbiri giriş sözü ilə açan Pirallahı Rayon İcra Hakimiyyəti başçısının birinci müavini Vəzir Səfixanov bildirib ki, gənclər ölkəmizin ictimai-siyasi həyatında yaxından iştirak edir və fədakar fəaliyyətləri ilə Azərbaycanın inkişafına öz töhfələrini verirlər: “Əsası ulu öndər Heydər Əliyev tərəfindən qoyulan gənclər siyasətinin başlıca məqsədi yeni nəslin fiziki, mənəvi-psixoloji cəhətdən sağlam yetişməsini, istedadlı gənclərin üzə çıxarılması və onların ölkənin gələcəyinə töhfə verməsini təmin etməkdir. Prezident İlham Əliyevin rəhbərliyi ilə həyata keçirilən uğurlu gənclər siyasəti gəncliyin gələcəyə ümidlə və optimist baxmasına imkan verir. Ölkəmizdə bu sahədə qəbul olunan Dövlət proqramlarının yaratdığı imkanlardan bütün gənclərimiz bəhrələnirlər. 2007-ci ilin “Gənclər ili” elan edilməsi, 2011-ci ildə Azərbaycan Respublikasının Prezidenti yanında Gənclər Fondunun yaradılması, 2013-cü ildə “Gənclər üçün Prezident Mükafatı”nın təsisi, 2020-ci ili “Könüllülər ili” elan edilməsi ölkə başçısının gənclərə diqqət və qayğısının bariz nümunəsidir”.

YAP Pirallahı rayon təşkilatının sədri Emil Abasovun sözlərinə görə, yüksək patriotizmə və vətəndaşlıq şüuruna malik, millətin milli-mənəvi və mədəni dəyərləri ruhunda Azərbaycan gəncləri yetişdirilməkdədir. “Ulu öndər Heydər Əliyevin 1997-ci ildə imzaladığı Fərmanla fevralın 2-si ölkədə Gənclər Günü kimi təsbit olunması Ümummilli Liderin xalqı və xalqının işıqlı gələcəyi qarşısında müstəsna xidməti idi. Dəfələrlə Azərbaycan Respublikasının Prezidenti və Ali Baş Komandan İlham Əliyev xüsusi olaraq Azərbaycan gənclərinin, mərd oğullarının qəhrəmanlığını qeyd etmişdir. 44 günlük Vətən müharibəsi bir qəhrəmanlıq dəstanıdır”.

44 günlük Vətən Müharibəsinin iştirakçısı Elnur İsayev vətənə olan sevgisindən, döyüşlər zamanı silahdaşlarının göstərdiyi qəhrəmanlıqlardan söz açıb. Qeyd edib ki, Zəfər tarixinin yazılmasında gənclərimizin xüsusi payı olub. Elnur İsayev göstərilən diqqət və qayğıya görə Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlığını bildirib.

YAP Pirallahı rayon təşkilatının gənc fəalı Aysel Qəribli Prezident İlham Əliyevin rəhbərliyi altında həyata keçirilən dövlət gənclər siyasətinin Azərbaycan gəncliyinin inkişafına təkan verdiyini deyib.

Tədbirin sonunda YAP Pirallahı rayon təşkilatının ictimai-siyasi həyatında fəal iştirakına görə bir qrup partiya fəalı fəxri fərmanla mükafatlandırılıb.

Paylaş:

Baxılıb: 795 dəfə