YAP Laçın rayon təşkilatı partiyanın yaranmasının 29-cu ildönümü ilə bağlı tədbirlər keçirib

Bakı:

20 °C

58 %

1 m/s

AZ RU EN

Ana səhifə / YAP xəbərləri / YAP Laçın rayon təşkilatı partiyanın yaranmasının 29-cu ildönümü ilə bağlı tədbirlər keçirib

YAP Laçın rayon təşkilatı partiyanın yaranmasının 29-cu ildönümü ilə bağlı tədbirlər keçirib

19.11.2021 [17:51]

19 noyabr 2021-ci ildə Yeni Azərbaycan Partiyası (YAP) Laçın rayon təşkilatıYeni Azərbaycan Partiyasının təsis edilməsinin 29-cuildönümünə həsr olunmuşsilsilə tədbirlər keçirib. Laçın Rayon İcra Hakimiyyətinin (RİH) başçısı Aqil Nəzərli,YAP Laçın rayon təşkilatının sədrininsəlahiyyətlərini icra edən İlqar İlyasov, ilk patiya təşkilat sədrləri və partiya fəalları Laçın Rayon İcra Hakimiyyəti qarşısında ucaldılmış Ulu Öndər Heydər Əliyevin abidəsini ziyarət ediblər, abidə önünə tər güllər düzmüşlər. Sonra isə tədbir iştirakçıları Ulu Öndər Heydər Əliyevin adını daşıyan parkda ağacəkmə aksiyası həyata keçirmişlər.

Daha sonara “Yeni Azərbaycan Partiyası dünənin, bugünün və gələcəyin partiyasıdır” mövzusunda videokonfrans keçirilib. Videokonfransda Laçın RİH-in başçısı Aqil Nəzərli, Milli Məclisin deputatı Mahir Abbaszadə, ərazi ilk partiya təşkilat sədrləri və sədrin müavinləri, YAP Laçın rayon təşkilatının fəalları, rayon ziyalıları, gənclər iştirak etmişlər. Konfrans işinə başlamazdan öncə Yeni Azərbaycan Partiyasının qurucusu Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi 1 dəqiqəlik sükutla yad edilib.

Konfrası giriş sözü ilə açan YAP Laçın rayon təşkilatının sədri səlahiyyətlərini icra edən İlqar İlyasov partiyanın yaranma tarixi barədə iştirakçılara ətraflı məlumat verərək, Ulu Öndər Heydər Əliyevin rəhbərliyi ilə yaranan Yeni Azərbaycan Partiyasının keçdiyi şərəfli yola diqqət çəkib, Azərbaycan Respublikasının Prezidenti cənab İlham Əliyevin rəhbərliyi ilə partiyanın regionun ən mütəşəkkil təşkilatına çevrildiyini bildirib.

Milli Məclisin deputatı Mahir Abbaszadə çıxışında zəmanəmizin ən mütəşəkkil siyasi təşkilatlarından biri olan Yeni Azərbaycan PartiyasınınAzərbaycan tarixinin son dərəcə ağır və ölkəmizin ciddi sınaqlara məruz qaldığı bir dövrdə yarandığını qeyd edib: “Yenicə bərpa edilmiş dövlət müstəqilliyimizi itirilmə təhlükəsi ilə üzləşdiyi bir vaxtda ölkəni böhrandan çıxara biləcək yeni bir partiya yaratmaq təşəbbüsünün Ulu Öndər Heydər Əliyev tərəfindən müsbət qarşılanması Yeni Azərbaycan Partiyasının əsasının qoyulması ilə nəticələndi”.

Konfransda çıxış edən Laçın Rayon İcra Hakimiyyətinin başçısı Aqil Nəzərli bildirilmişdir ki, cəmiyyətimizin aparıcı siyasi qüvvəsi olan Yeni Azərbaycan Partiyası qısa zamanda inkişaf edərək, Ulu Öndər Heydər Əliyevin qeyd etdiyi kimi “dünənin, bu günün və sabahın partiyası” səviyyəsinə yüksəldi:“2003-cü ildən isə bu inkişaf möhtərəm Prezidentimiz cənab İlham Əliyevin Sədrliyi ilə Yeni Azərbaycan Partiyası regionun ən böyük siyasi partiyasına çevrilib”.

Laçın Rayon İcra Hakimiyyətinin başçısı Aqil Nəzərli çıxışında xalqımızın Yeni Azərbaycan Partiyasının sədri, Müzəffər Ali Baş Komandanınrəhbərliyi ilə 44 günlük Vətən müharibəsində erməni işğalçıları üzərində əldə edilən Zəfərin birinci ildönümünü sevinc və iftixar hissi ilə qeyd etdiyini bildirərək, qürurlu anlar yaşatdığına görə bütün laçınlılar adından Möhtərəm Prezidentimiz cənab İlham Əliyevə dərin minnətdarlığını çatdırıb.

Sonda konfrans iştirakçıları təsis edilməsinin 29-cu ildönümü münasibətilə Yeni Azərbaycan Partiyasının Sədri cənab İlham Əliyevə və Yeni Azərbaycan Partiyası Sədrinin birinci müavini Mehriban xanım Əliyevaya təbrik ünvanlayblar.

Paylaş:

Baxılıb: 925 dəfə