Azərbaycan Ordusu günü-gündən güclənir, qüdrətlənir

Bakı:

26 °C

61 %

9 m/s

Əlaqə

AZ RU EN

Ana səhifə / YAP xəbərləri / Azərbaycan Ordusu günü-gündən güclənir, qüdrətlənir

Azərbaycan Ordusu günü-gündən güclənir, qüdrətlənir

30.06.2010 [10:17]

Şirvan şəhər İcra Hakimiyyəti, Yeni Azərbaycan Partiyası Şirvan şəhər təşkilatı və Şirvan şəhəri Gənclər və İdman İdarəsinin təşkilatçılığı ilə “N” saylı hərbi hissədə əsgərlərlə görüş keçirilib
26 İyun-Azərbaycan Respublikasının Silahlı Qüvvələri Günü münasibətilə Şirvan şəhər İcra Hakimiyyəti, Yeni Azərbaycan Partiyası (YAP) Şirvan şəhər təşkilatı və Şirvan şəhəri Gənclər və İdman İdarəsinin təşkilatçılığı ilə “N” saylı hərbi hissədə əsgərlərlə görüş keçirilib. Tədbirdə çıxış edən hərbi hissənin tərbiyəvi işlər üzrə komandir müavini, mayor Ramin Əliyev Azərbaycan Silahlı Qüvvələri Günü münasibətilə əsgər və zabit heyətini təbrik edib. Azərbaycan Ordusunun yaranma tarixindən bəhs edən komandir müavini 1993-cü ildə ümummilli liderimiz Heydər Əliyevin xalqın təkidli tələbi ilə hakimiyyətə qayıdışından sonra milli ordumuzun mütəşəkkil vəziyyət aldığını, müasirləşdiyini və gücləndiyini deyib. Mayor R.Əliyev bildirib ki, Azərbaycan Prezidenti, Silahlı Qüvvələrin Ali Baş Komandanı cənab İlham Əliyevin ordu quruculuğuna xüsusi diqqəti sayəsində bu gün Azərbaycanın dövlət büdcəsindən orduya ayrılan xərclər Ermənistanın dövlət büdcəsinə bərabərdir.
Tədbirdə çıxış edən Yeni Azərbaycan Partiyası Şirvan şəhər təşkilatının sədri Əbülhəsən İbrahimov bütün əsgərləri bayram münasibətilə təbrik edib. YAP Şirvan şəhər təşkilatının ənənəvi olaraq əsgərlərlə görüşdüyünü deyən Ə.İbrahimov Azərbaycan ordusunun son illərdə çox gücləndiyini xüsusi vurğulayıb: “Əsası Ulu öndərimiz Heydər Əliyev tərəfindən qoyulan ordu quruculuğu siyasəti bu gün möhtərəm Prezidentimiz, Silahlı Qüvvələrin Ali Baş Komandanı İlham Əliyev tərəfindən uğurla həyata keçirilir. İstər maddi təchizatına, istər silahlarının müasirliyinə, istərsə də canlı qüvvə potensialına görə, bu gün Azərbaycan ordusu Cənubi Qafqazın ən güclü ordusudur. Möhtərəm Prezidentimiz hər zaman vurğulayır ki, Azərbaycan ordusu, Vətən oğulları öz torpaqlarını işğaldan azad etməyə qadirdir. Bu fikrin arxasında illərlə əziyyət hesabına yaradılan Azərbaycan ordusunun potensialı dayanır. Bəli, bütün Azərbaycan vətəndaşları bir nəfər kimi inanır ki, Azərbaycan öz torpaqlarını işğaldan azad edəcək. Bir neçə gün öncə hörmətli Prezidentimiz Silahlı Qüvvələrin təlimlərini izlədi. Azərbaycan ordusunun nəyə qadir olduğu o təlimlərdə özünü göstərdi. Mən bir daha bütün şəxsi heyətin bayramını təbrik edir, onlara xidmətdə ayıq-sayıq olmağı arzulayıram”.
çıxış edən Şirvan şəhər İcra Hakimiyyətinin şöbə müdiri Adəm Hüseynov da əsgərləri bayram münasibətilə təbrik edib. Hər bir Azərbaycan əsgərinin Vətənin uğrunda canından keçməyə hazır olduğunu vurğulayan A.Hüseynov deyib ki, milli ordumuz bugünkü səviyyəsinə çatmaq üçün çox böyük və keşməkeşli yol keçib: “90-cı illərin əvvəlində ermənilərin torpağımıza təcavüzü meydana çıxanda Azərbaycan ordusu adlı anlayış yox idi. Həmin vaxt qəhrəman oğullarımız torpaqlarımızın müdafiəsi uğrunda mübarizəyə qalxdılar. Təəssüf ki, bəzi qüvvələr bu insanlardan öz şəxsi mənafeləri üçün istifadə etməyə çalışdı. Həmin vaxt hakimiyyətdə olanların iddiaları, maraqlarını Vətən mübarizəsindən üstün tutmaları son nəticədə torpaqlarımızın ermənilər tərəfindən işğalına gətirib çıxardı. 1993-cü ildə ümummilli liderimiz Heydər Əliyevin xalqın təkidli tələbi ilə Azərbaycanın siyasi hakimiyyətinə qayıdışı mərkəzləşdirilmiş ordu quruculuğunun əsasını qoydu. Bütün qeyri-qanuni silahlı dəstələr ləğv edildi və bütün silahlı qüvvələr bir komandanlıq altında birləşdirildi. Ardından isə ordunun gücləndirilməsi istiqamətində işlər aparıldı. Azərbaycan 90-cı illərin ortasında keçid dövrünü yaşasa da, ordunun gücləndirilməsinə dövlət tərəfindən xüsusi diqqət ayrıldı. Möhtərəm Prezidentimiz İlham Əliyevin də vurğuladığı kimi hələ müharibə qurtarmayıb, torpaqlarımız işğaldan azad edilməyib. Düzdür, Azərbaycan Dağlıq Qarabağın işğaldan azad olunması istiqamətində aparılan sülh prosesinə sadiqdir və biz münaqişənin danışıqlar yolu ilə tənzimlənməsinə tərəfdarıq. Amma son anda digər yollar da istisna edilmir. Bu baxımdan, mən inanıram ki, Azərbaycan əsgəri öz torpaqlarının bir qarışını da düşmənə güzəştə getməyəcək, son damla qanına qədər vuruşacaq. Bu gün əsgərlərimizin üzündə sevinc görürəm. Bu mənə bir Azərbaycan vətəndaşı kimi qürur verir. Əsgərlərimiz bilir ki, onların arxasında güclü dövlət, praqmatik siyasət yürüdən Prezident dayanıb. Bu, bizim ordumuza əlavə güc verir”.
Şirvan şəhər gənclər və idman idarəsinin rəhbəri Azər Quliyev də çıxışında müasir Azərbaycan ordusunun düşmənə cavab vermək iqtidarında olduğunu qeyd edib: “Mən inanıram ki, gənclərimiz bir yumruq kimi Prezidentimizin ətrafında birləşib. Doğma Vətənin azadlığı üçün gənclər hər an Ali Baş Komandanımızın əmrinə hazırdır. Bir zamanlar, 1990-92-ci illərdə hakimiyyətə yiyələnmiş insanlar gənclərin vətənpərvərlik ruhunun yüksəldilməsi, orduda peşəkarlıq səviyyəsinin artırılması istiqamətində heç bir tədbir görmürdü. Bu gün isə ordumuzun peşəkarlıq səviyyəsi göz qabağındadır. Silahlı Qüvvələrin belə gücləndirilməsi isə dövlətin bu sahəyə ayırdığı diqqətdən irəli gəlir. Mən inanıram ki, bu gün hər bir azərbaycanlı gənc əyninə hərbi forma geyinməkdən şərəf hissi keçirir”.
Daha sonra hərbi hissənin təlimlərində və hazırlığında fərqlənən zabitlər Fəxri Fərmanlarla təltif olunublar. Şirvan şəhər mədəniyyət evinin yaradıcı kollektivi əsgərlər qarşısında geniş konsert proqramı ilə çıxış edib. Vətənpərvərlik ruhunda oxunan mahnılar əsgərlərimiz tərəfindən alqışla qarşılanıb. Daha sonra isə Yeni Azərbaycan Partiyası Şirvan şəhər təşkilatının əsgərlər üçün hazırladığı hədiyyələr təqdim olunub.
Pərviz SADAYOÄžLU

Paylaş:

Baxılıb: 1626 dəfə