Heydər Əliyev
yeni azerbaycan logo

Ana səhifə / YAP xəbərləri / Şəhid Rüfət Mustafayevin anım günü qeyd olunub

Şəhid Rüfət Mustafayevin anım günü qeyd olunub

14.10.2021 [16:59]

Qubadlı rayon İcra Hakimiyyətinin və Yeni Azərbaycan Partiyasının Qubadlı rayon təşkilatının birgə təşkilatçılığı ilə Vətən müharibəsində şəhid olmuş Mustafayev Rüfət Zöhrab oğlunun anım günü qeyd olunub. Tədbirdə Qubadlı rayon İcra Hakimiyyətinin başçısı Malik İsaqov, Sumqayıt Şəhər İcra Hakimiyyəti başçısının 1-ci müavini Teymur Səmədov, eləcə də ictimaiyyət nümayəndələri iştirak ediblər. Öncə Şəhidlər Xiyabanı ziyarət olunub, R.Mustafayevin məzarı üzərinə əklil və gül dəstələri qoyulub, ruhuna dualar oxunub. Eyni zamanda vətənpərvərlik mövzusunda və şəhidlərimizə həsr olunmuş şeirlər səsləndirilib.

Tədbirdə çıxış edən Qubadlı rayon İcra Hakimiyyətinin başçısı Malik İsaqov Vətənin azadlığı uğrunda canından keçən qəhrəmanların əziz xatirəsinin hər zaman uca tutulduğunu deyib. Bildirib ki, Prezident İlham Əliyevin rəhbərliyi ilə 44 gün ərzində torpaqlarımızı düşməndən azad edən müzəffər ordumuzun hər bir əsgəri öz şücaəti ilə tarix yazıb. M.İsaqov onu da əlavə edib ki, şəhid ailələri, qazilər hər zaman dövlətin diqqətindədir, onların problemlərinin həlli istiqamətində addımlar atılır.

Şəhid atası Zöhrab Mustafayev göstərilən diqqət və qayğıya görə Ali Baş Komandan, Prezident İlham Əliyevə, Birinci vitse-prezident Mehriban xanım Əliyevaya minnətdarlığını bildirib.

Paylaş
Baxılıb: 129 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30