"Seçki" keçirmək cəhdi qondarma Dağlıq Qarabağ rejiminin iflasına gətirib çıxarır

Bakı:

26 °C

70 %

10 m/s

Əlaqə

AZ RU EN

Ana səhifə / YAP xəbərləri / "Seçki" keçirmək cəhdi qondarma Dağlıq Qarabağ rejiminin iflasına gətirib çıxarır

"Seçki" keçirmək cəhdi qondarma Dağlıq Qarabağ rejiminin iflasına gətirib çıxarır

26.05.2010 [10:53]

Əli Əhmədov: Münaqişənin bu günə qədər həll olunmaması, Azərbaycanın işğal altında olan torpaqlarının azad edilməməsi bu cür qondarma “seçkilərin” keçirilməsinə imkanlar yaradır
“Separatçı Dağlıq Qarabağ rejiminin özlərini tanıtmağa cəhd göstərmək məqsədilə keçirdikləri qondarma “seçki”, əslində, onların iflasına gətirib çıxarır. çünki dünyanın aparıcı dövlətləri, beynəlxalq təşkilatlar, o cümlədən, ATƏT-in Minsk qrupunun həmsədrləri qondarma Dağlıq Qarabağ rejimini tanımadıqlarını bəyan etməklə yanaşı, eyni zamanda keçirilən “seçkilərin” heç bir hüquqi əsasının olmadığını növbəti dəfə bəyan etdilər”. Bu sözləri YAP Sədrinin müavini-İcra katibi, millət vəkili Əli Əhmədov Milli Məclisin dünən keçirilən iclasında çıxış edərkən deyib. Əli Əhmədov bildirib ki, bu “seçkini” keçirmək cəhdi bir daha ermənilərin qondarma rejiminin əleyhinə çevrilmiş oldu və dünyada onların heç kim tərəfindən tanınmadığının təsdiq olunması faktı ortaya qoyuldu. Sözügedən faktı təqdirəlayiq hal kimi dəyərləndirən Əli Əhmədov bununla belə hesab edir ki, münaqişənin bu günə qədər həll olunmaması, Azərbaycanın işğal altında olan torpaqlarının azad edilməməsi, bu cür qondarma “seçkilərin” keçirilməsinə imkanlar yaradır. Nə qədər ki, münaqişə həll olunmayıb, torpaqlarımız işğaldan azad edilməyib, belə hallara gələcəkdə də rast gəlinəcək.
“Ona görə də, hesab edirəm ki, Azərbaycan ictimaiyyəti ölkə Prezidentinin rəhbərliyi altında bu istiqamətdə öz səylərini daha da artırmalıdır ki, münaqişənin nizamlanması üçün yaradılmış beynəlxalq qurumlar daha səmərəli şəkildə fəaliyyət göstərsinlər. Bunu ona görə deyirəm ki, “seçki” ərəfəsində Azərbaycan ictimaiyyətinin və müvafiq qurumların beynəlxalq təşkilatlara müraciətləri bir daha həmin qurumun və onun keçirdiyi “seçkinin” tanınmaması haqqında bəyanatların verilməsi üçün əsas yaratdı. Digər tərəfdən, beynəlxalq hüquq reallıqda qəbul olunmalı və fəaliyyət göstərməlidir. Əgər beynəlxalq hüquq və onun müəyyənləşdirdiyi normalar həyata keçirilməyəcəksə, erməni separatçıları və onların havadarları bu normalara məhəl qoymayacaqsa, onda beynəlxalq hüquq normaları hüquqi normadan adi əxlaq normasına, tövsiyələr kodeksinə çevrilir. Ona görə də, Azərbaycan parlamenti, deputatlar beynəlxalq hüquq normalarının yerinə yetirilməsinə beynəlxalq qurumları dəvət etmək üçün səylərini artırmalıdır”, - deyə YAP Sədrinin müavini vurğulayıb.
N.BAYRAMLI

Paylaş:

Baxılıb: 1351 dəfə