Hatəm Qocayev: Aprel döyüşləri Azərbaycanın hərb tarixinə qızıl hərflərlə yazılan şanlı qələbədir

Bakı:

27 °C

41 %

4 m/s

AZ RU EN

Ana səhifə / YAP xəbərləri / Hatəm Qocayev: Aprel döyüşləri Azərbaycanın hərb tarixinə qızıl hərflərlə yazılan şanlı qələbədir

Hatəm Qocayev: Aprel döyüşləri Azərbaycanın hərb tarixinə qızıl hərflərlə yazılan şanlı qələbədir

07.04.2021 [09:10]

“2016-cı ilin Aprel döyüşləri bizim qalibiyyətimiz, zəfər salnaməmizdir. Azərbaycanın hərb tarixinə “4 günlük müharibə” və ya “Aprel döyüşləri” kimi yazılan şanlı tarixi qələbəmizdən 5 il ötsə də, həmin tarixi qələbəni bizlərə bəxş edənlər unudulmur, daim qəlblərdə yaşayırlar”. Bunu Yeni Azərbaycan Partiyası (YAP) Naftalan şəhər təşkilatının sədri Hatəm Qocayev deyib.
Rayon təşkilatının sədri bildirib ki, 2016-cı ilin Aprel döyüşləri 1994-cü ildə atəşkəs haqqında saziş imzalandıqdan sonra ən şiddətli döyüşlər olub və Azərbaycan Silahlı Qüvvələrinin qələbəsi ilə nəticələnib. Belə ki, Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan, Tərtər rayonunun Qazaxlar kəndi və Tərtər rayonunun Suqovuşan qəsəbəsi istiqamətində yollar düşməndən azad olunub.
“Həmin vaxt Azərbaycanın təmas xəttinə yaxın yaşayış məntəqələrinin bombalanması nəticəsində aralarında iki uşaq olmaqla, altı mülki şəxs həlak olub, 26 şəxs ağır yaralanıb. Döyüşlərdə ermənilərə məxsus 30 tank, 15-dək artilleriya qurğusu, möhkəmləndirilmiş mühəndis qurğuları və düşmənin 320 hərbçisi məhv edilib, 500-dən artıq hərbçisi isə yaralanıb. Dördgünlük döyüşlərdən sonra aprelin 5-də hər iki tərəfin razılığı və beynəlxalq qurumların müşahidəsi ilə yenidən atəşkəs müqaviləsi imzalanıb. Döyüşlərin yekunu olaraq Silahlı Qüvvələrimiz tərəfindən 2000 hektardan artıq ərazi erməni işğalından azad edilib və daha çox ərazi əməliyyat baxımından nəzarətimiz altına keçib”, - deyə, Hatəm Qocayev əlavə edib.
“Aprel döyüşləri bizi Qarabağda böyük qələbəmizə aparan şanlı yolun başlanğıcı oldu. O yolu qət edən igid oğullarımızla hər kəs fəxr”, - deyən YAP Naftalan şəhər təşkilatının sədri qeyd edib ki, 2016-cı il aprelin 19-da Azərbaycan Prezidenti, Ali Baş Komandan İlham Əliyevin müvafiq sərəncamları ilə Azərbaycan Silahlı Qüvvələrinin üç üzvü “Azərbaycanın Milli Qəhrəmanı”, yeddi üzvü “Azərbaycan Bayrağı” ordeni, bir üzvü 2-ci dərəcəli və dörd üzvü 3-cü dərəcəli “Vətənə xidmətə görə” ordeni, 19 üzvü “Vətən uğrunda” medalı, 43 üzvü “İgidliyə görə” medalı, 45 üzvü “Hərbi xidmətlərə görə” medalı, iki üzvü “general-mayor” ali hərbi rütbəsi ilə təltif olunub.

Paylaş:

Baxılıb: 778 dəfə