Naftalan şəhərində Ümummilli Lider Heydər Əliyevin anım günü ilə əlaqədar videokonfrans keçirilib

Bakı:

24 °C

55 %

6 m/s

AZ RU EN

Ana səhifə / YAP xəbərləri / Naftalan şəhərində Ümummilli Lider Heydər Əliyevin anım günü ilə əlaqədar videokonfrans keçirilib

Naftalan şəhərində Ümummilli Lider Heydər Əliyevin anım günü ilə əlaqədar videokonfrans keçirilib

12.12.2020 [19:45]

12 dekabr 2020-ci il tarixdə Naftalan şəhər İcra Hakimiyyəti və Yeni Azərbaycan Partiyası Naftalan şəhər təşkilatının təşkilatçılığı ilə Ümummilli Lider Heydər Əliyevin anım günü ilə əlaqədar videokonfrans keçirilib. Tədbirdə Naftalan şəhər İcra Hakimiyyətinin başçısı cənab Vüqar Novruzov, Yeni Azərbaycan Partiyası Naftalan şəhər təşkilatının sədri Hatəm Qocayev, YAP Naftalan şəhər təşkilatı ərazi ilk partiya təşkilatının sədrləri, fəal gənclər iştirak ediblər.

Tədbir iştirakçıları əvvəlcə Ulu Öndər Heydər Əliyevin abidəsi önünə gül dəstələri düzərək Ulu Öndərin xatirəsini ehtiramla yad ediblər.Videokonfrans formatında davam etdirilən tədbirdə əvvəlcə xalqımızın Ümummilli Lideri Heydər Əliyevin əziz xatirələsi bir dəqiqəlik sükutla yad edilib.Naftalan şəhər İcra Hakimiyyətinin başçısı cənab Vüqar Novruzov videokonfransda çıxış edərək, müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın Ümummilli Lideri Heydər Əliyevin vəfatından on yeddi il keçdiyini xatırladaraq, qeyri-adi şəxsiyyəti, zəngin dövlətçilik təcrübəsi, böyük istedadı ilə fərqlənən xarizmatik liderin hələ sağlığında canlı əfsanəyə çevrildiyini və öz şah əsəri olan müstəqil Azərbaycanı bütün dünyada şərəf və ləyaqətlə təmsil etdiyini bildirib.

Sonra YAP Naftalan şəhər təşkilatının sədri Hatəm Qocayev Ulu Öndər Heydər Əliyevin siyasi hakimiyyətdə olduğu illərdə həyata keçirilən quruculuq, abadlıq işlərindən, müstəqil Azərbaycanın qurulması sahəsində göstərdiyi xidmətlərdən danışıb.Ümummilli lider Heydər Əliyevin müdrik siyasətə, dönməz əqidəyə və tarixi uzaqgörənliyə malik şəxsiyyət kimi müasir Azərbaycan dövlətinin qurulması istiqamətində atdığı addımlardan bəhs edib.

Sonda YAP Naftalan şəhər təşkilatı Qadınlar şurasının üzvü Kəmalə Hüseynova “Ulu Öndər Heydər Əliyev və Azərbaycan qadını” mövzusunda çıxış edib. Qeyd edib ki, Ulu Öndər Heydər Əliyevin qətiyyətli addımları nəticəsində 1993-cü ildən qadınların ictimai-siyasi həyata transformasiyası, onların dövlət idarəçiliyində təmsilçiliyi, bütün sahələrdə kişilərlə bərabər hüquqlara malik olması dövlət idarəçiliyi kursunun prioritet istiqamətlərindən birinə çevrilmişdir. Ümummilli Lider Heydər Əliyev cəmiyyətdə qadının rolunun yüksəldilməsi məsələsini həmişə diqqət mərkəzində saxlamaqla qadınların dövlət strukturlarında, parlamentdə, siyasi və ictimai təşkilatlarda geniş təmsil olunmasına çalışmışdır

Paylaş:

Baxılıb: 800 dəfə