YAP Göygöl rayon təşkilatı Gənclər Birliyinin fəalları və könüllüləri ilə görüş keçirilib

Bakı:

27 °C

39 %

7 m/s

Əlaqə

AZ RU EN

Ana səhifə / YAP xəbərləri / YAP Göygöl rayon təşkilatı Gənclər Birliyinin fəalları və könüllüləri ilə görüş keçirilib

YAP Göygöl rayon təşkilatı Gənclər Birliyinin fəalları və könüllüləri ilə görüş keçirilib

18.09.2020 [23:41]

Yeni Azərbaycan Partiyası (YAP) Göygöl rayon təşkilatı Gənclər Birliyinin fəalları və könüllüləri ilə görüş keçirilib. Görüşdə YAP Göygöl rayon təşkilatının sədri, rayon İcra Hakimiyyəti başçısının birinci müavini Turani Əliyev və Milli Məclisin deputatı Elşad Mirbəşiroğlu iştirak ediblər.

Görüşdə çıxış edən rayon təşkilatının sədri T.Əliyev Yeni Azərbaycan Partiyasının yaranmasından, keçdiyi şərəfli yoldan, Ulu Öndər Heydər Əliyevin siyasi kursundan və bu kursu uğurla davam etdirən Azərbaycan Prezidenti İlham Əliyevin ölkəmiz üçün müstəsna xidmətlərindən bəhs edib. Onun sözlərinə görə, dövlət başçısının son 17 ildə həyata keçirdiyi islahatlar son illərdə yeni mərhələyə daxil olub. Ölkəmizidə əldə olunan nailiyyətlərdə və qazanılmış uğurlarda YAP və Azərbaycan gəncliyinin özünəməxsus yeri olduğunu vurğulayan T.Əliyev bütün sahələrdə gənclərə üstünlük verildiyini bildirib: “Prezident İlham Əliyevin məqsədyönlü siyasətinin nəticəsidir ki, bu gün ölkəmizdə yüksək intellektual səviyyəyə, vətənpərvərlik hissinə, milli düşüncəyə malik gənclər formalaşıb. Azərbaycan gəncləri gündən-günə ölkənin ictimai-siyasi həyatında daha böyük rol oynayırlar”.

Tədbirdə çıxış edən Milli Məclisin deputatı Elşad Mirbəşiroğlu isə son zamanlar ölkəmizdə baş verən ictimai-siyasi proseslərə toxunub, koronavirus pandemiyasının ölkəmizdə geniş yayılmasının qarşısının alınması istiqamətində dövlət başçısı tərəfindən bütün zəruri tədbirlərin görüldüyünü qeyd edərək bildirib ki, gənclərimiz bu işdə aktiv olmalıdırlar.

İyul ayında düşmənin Tovuz rayonu istiqamətində əl atdığı təxribatdan da danışan E.Mirbəşiroğlu döyüş zamanı Azərbaycan Ordusunun göstərdiyi şücaətdən söz açaraq xalqımızın öz ordusu ilə hər zaman fəxr etdiyini deyib.

Daha sonra YAP Göygöl rayon təşkilatı Gənclər Birliyinin sədr müavini Vüqar Hüseynov və digər gənclər çıxış edərək, dövlət tərəfindən onlara göstərilən diqqət və qayğıdan bəhs ediblər. Bildirilib ki, ölkə gəncləri bundan sonra da öz məsuliyyətlərini dərindən dərk edəcək, qarşıya qoyulmuş vəzifə və tapşırıqların öhdəsindən layiqincə gələcəklər.

Tədbirin sonunda YAP Göygöl rayon təşkilatının Gənclər Birliyinin fəal gəncləri və könüllüləri Fəxri fərman və sertifikatlarla təltif olunublar.

Paylaş:

Baxılıb: 621 dəfə