Güllü Əhmədova: İnsanların sağlamlığının qorunması ölkəmiz üçün əsas prioritetdir

Bakı:

23 °C

94 %

2 m/s

Əlaqə

AZ RU EN

Ana səhifə / YAP xəbərləri / Güllü Əhmədova: İnsanların sağlamlığının qorunması ölkəmiz üçün əsas prioritetdir

Güllü Əhmədova: İnsanların sağlamlığının qorunması ölkəmiz üçün əsas prioritetdir

17.09.2020 [09:33]

“Qısa müddətdə dünyanın bütün ölkələrinə yayılan yeni növ koronavirus (COVID-19) infeksiyası ölkəmizədə də qeydə alınıb və qarşımıza bir sıra çətinliklər çıxarıb. Ancaq Azərbaycan dövlətinin həyata keçirdiyi siyasət, pandemiyaya qarşı səmərəli mübarizə tədbirlərinin görülməsi bu sınaqdan az itkilərlə çıxmağımıza səbəb olub. Dövlətimiz pandemiya dövründə də öz ənənəsinə sadiq qalaraq ölkə vətəndaşlarının həyatını, sağlamlığını qorumaq, onların sosial müdafiəsini təmin etmək üçün mümkün olan hər şeyi edir. Prezident İlham Əliyev son vaxtlarda keçirilən müxtəlif tədbirlərdə dəfələrlə bəyan edib ki, insanların sağlamlığının qorunması ölkəmiz üçün əsas prioritetdir. Bu məqsədlə respublikamızda virusa ilk yoluxma faktı qeydə alınandan etibarən güclü səhiyyə tədbirləri görülür. Belə ki, pandemiya dövründə respublika üzrə səhiyyə infrastrukturunun möhkəmləndirilməsi, çarpayı fondunun artırılması, yeni müasir laboratoriyaların yaradılması, testlərin keçirilməsi diqqət mərkəzində saxlanılır”.
Bu fikirləri qəzetimizə açıqlamasında Yeni Azərbaycan Partiyası (YAP) Qax rayon təşkilatı Qadınlar Şurasının sədr müavini Güllü Əhmədova deyib.
O bildirib ki, indiki dövrdə Azərbaycan dövlətinin gündəliyində duran digər bir vacib məsələ pandemiyanın insanların sosial vəziyyətinə mənfi təsirini azaltmaqdan ibarətdir. “Respublikamızda pandemiya dövründə Prezident İlham Əliyevin siyasi iradəsi əsasında genişmiqyaslı məşğulluğa və sosial rifaha dəstək tədbirləri həyata keçirilir. Əmək və Əhalinin Sosial Müdafiəsi Nazirliyinin məlumatına görə, cari ilin birinci yarısında respublikamızda pensiyaların, sosial müavinətlərin ödənilməsinə rekord həcmdə maliyyə vəsaiti yönəldilib. Bütövlükdə, ölkəmizdə pandemiya şəraitində reallaşdırılan geniş sosial dəstək proqramlarından təxminən 5 milyon insan faydalanır”, - deyə G.Əhmədova qeyd edib.
Güllü Əhmədova əlavə edib ki, indiki çətin dövrdə dövlətin pandemiyaya qarşı mübarizə çərçivəsində gördüyü tədbirlər cəmiyyətimizdə yüksək vətəndaş məmnunluğunu təmin edib. Bunu Prezident İlham Əliyevin ünvanına gələn minnətdarlıq məktubları da təsdiqləyir.
“Bütün bunları qeyd etməklə yanaşı onu da bildirməyi özümə borc bilirəm ki, karantin qaydalarını pozan vətəndaşlar cəmiyyətdə ictimai qınağa tuş olmalıdırlar. Qanun hər bir insan üçün eynidir. Vətəndaşların gigiyena qaydalarını gözləmələri, tibbi maskadan istifadə etmələri və sosial məsafə saxlamaları vacibdir. Ölkəmizi, xalqımızı qorumaq hər birimizin vətəndaşlıq borcudur”, - deyə YAP Qax rayon təşkilatının rəsmisi vurğulayıb.

Paylaş:

Baxılıb: 934 dəfə