Məleykə Ağayeva: Ermənistan ordusunda fərarilik adi hala çevrilib

Bakı:

10 °C

93 %

7 m/s

Əlaqə

AZ RU EN

Ana səhifə / YAP xəbərləri / Məleykə Ağayeva: Ermənistan ordusunda fərarilik adi hala çevrilib

Məleykə Ağayeva: Ermənistan ordusunda fərarilik adi hala çevrilib

05.09.2020 [09:06]

“Ermənistanın siyasi rəhbərliyi ciddi avantürist qərarları ilə özünü gülüş obyektinə çevirir. İşğalçı ölkənin “Müdafiə haqqında”qanuna dəyişiklikləri ictimai müzakirəyə çıxarması isə bir daha təsdiq etdi ki, istər 2016-cı ilin şanlı Aprel döyüşləri, istərsə də 2020-ci ilin iyul ayında erməni hərbi birləşmələrinin Tovuz rayonu istiqamətindəki təxribatlarına cavab olaraq Azərbaycan Ordusunun sərt qarşılıq verməsi erməniləri həm məğlub duruma salıb, həm də onların öz ordularına olan inamlarını heçə endirib”.
Bu fikirləri Yeni Azərbaycan Partiyası (YAP) Sabirabad rayon təşkilatının sədri Məleykə Ağayeva deyib.
M.Ağayeva bildirib ki, Ermənistanın mərkəzi hakimiyyəti orduya nəzarət etmək iqtidarında deyil, elə bu səbəbdən da ona etibar etmir. Məhz bu amillər də Paşinyanı məcbur edir ki, öz hakimiyyətini qoruyub saxlamaq üçün əlavə güc formalaşdırsın. Hazırda isə yaradılan dəstələrə xaricdən muzdluların cəlb olunacağı gözlənilir. Sadalanan bu faktlar bir daha sübut edir ki, Ermənistan ordusu zəifdir və buna görə də könüllülərin imkanlarından istifadə edilməsi məsələsi zərurəti yaranıb.
Onun sözlərinə görə, işğalçı ölkədə xalqın hakimiyyətə və orduya inamsızlığının nəticəsidir ki, heç kim hərbi xidmətə getmək istəmir. Buna görə də Ermənistan silahlı qüvvələrində hərbi xidmətə çağırışçı çatışmazlığı səbəbindən xarici ölkələrdən gətirilən muzdluların istifadə edilməsi praktikası geniş tətbiq olunur. Bu bir reallıqdır ki, terroru dövlət siyasəti səviyyəsində dəstəkləyən işğalçı Ermənistandan fərqli olaraq Azərbaycan Silahlı Qüvvələri daim güclənir və müasirləşir. Bu gün ordumuzda peşəkar və vətənpərvər hərbi qulluqçular xidmət edir. Bundan başqa, Azərbaycan Ordusu arsenalına ən müasir silah-sursat, hərbi texnika daxil edən güclü bir hərbi qüvvədir.
“Ermənistan ordusunda məcburiyyət qarşısında xidmət edən əsgərlərin mütəmadi olaraq fərarilik etməsi, bir-birini vurması orduda intizamın olmamasının məntiqi nəticəsidir. Bununla yanaşı, gənclərin orduya getməməsi üçün müxtəlif yollarla xarici ölkələrə qaçması Ermənistanın son illər qarşılaşdığı növbəti problemlərdən birinə çevrilib. Bu məqsədlə də mövcud qanunvericiliyə dəyişikliklər etməklə Paşinyan orduda islahatlar aparmaq adı ilə bir tərəfdən hakimiyyətini qorumaq üçün vaxt qazanmağa çalışır, digər tərəfdən isə ordunu siyasi oyunlarının qurbanı etmək və rəqiblərinə qarşı yönəltmək fikrindədir”, - deyə, təşkilat sədri vurğulayıb.

Paylaş:

Baxılıb: 543 dəfə