Fidan Hacıyeva: Biz Ali Baş Komandanımıza və qüdrətli Azərbaycan Ordusuna güvənirik

Bakı:

20 °C

52 %

2 m/s

Əlaqə

AZ RU EN

Ana səhifə / YAP xəbərləri / Fidan Hacıyeva: Biz Ali Baş Komandanımıza və qüdrətli Azərbaycan Ordusuna güvənirik

Fidan Hacıyeva: Biz Ali Baş Komandanımıza və qüdrətli Azərbaycan Ordusuna güvənirik

23.07.2020 [09:18]

“Vətənpərvərlik hissi elə bir hissdir ki, valideynlər bu hissi övladlarına uşaqlıqdan aşılamalıdır. Bu gün fəxrlə deyə bilərik ki, xalq olaraq biz çox vətənpərvər xalqıq. Bunun ən bariz nümunəsini biz 2016- cı ilin Aprel döyüşlərində, eləcə də bir neçə gün öncə Tovuz istiqamətində gedən döyüşlərdə çox aydın şəkildə gördük”.
Bu fikirləri Yeni Azərbaycan Partiyası (YAP) Səbail rayon təşkilatının baş məsləhətçisi, fəal gənc Fidan Hacıyeva deyib.
F.Hacıyeva bildirib ki, son günlər Tovuz rayonu istiqamətində baş verən hadisələr, hərbçilərimizin şəhid olması bir vətəndaş olaraq onu kədərləndirib, eyni zamanda şanlı ordumuzun düşmənə tutarlı cavab verməsi bir gənc olaraq onda çox böyük ruh yüksəkliyi yaradıb: “İyulun 12- dən etibarən Ermənistan ordusunun ölkəmizə qarşı həyata keçirdiyi təxribatların qarşısı qətiyyətlə alındı və mənfur düşmənlər artıq iflasa uğradıqlarını özləri də dərk etdi. Ordumuzun gücü Ermənistanı vahiməyə saldı. Döyüş zamanı sosial şəbəkələr vasitəsilə erməni əsgərlərinin döyüşdən yayınması və qaçmasının şahidi olduq, amma bunun tam əksi olaraq Azərbaycan əsgəri mərd-mərdanə cəbhədə mənfur düşmənlərə qarşı sarsıdıcı zərbələr endirirdi. Baxın budur fərqimiz, budur üstünlüyümüz!”.
“Bu gün biz xalq olaraq bir yumruq kimi cənab Prezident, Ali Baş Komandan İlham Əliyevin ətrafında sıx birləşmişik. Məhz ölkə başçısının həyata keçirdiyi düşünülmüş siyasət nəticəsində bu gün Azərbaycan Cənubi Qafqazın ən güclü və müasir ordusuna sahibdir. Ali Baş Komandan hər zaman təmas xəttində, səngərlərdə olur, əsgərlərlə görüşür, onları təltif edir, onlarla birgə əsgər yeməyi yeyir. Cənab Prezidentin əsgərlər içərisində olması orduda böyük ruh yüksəkliyi yaradır. Bu gün hər bir gənc ölkə başçısının çağırışına qoşularaq könüllü hərbi xidmətə yazılır. Mən həm bir xanım kimi, həm Vətənimizə igid əsgərlər yetişdirən iki övlad anası kimi hər zaman torpaqlarımızı işğaldan azad olunması üçün döyüşə hazıram. Eyni zamanda şəxsən özümün təmsil etdiyim Yeni Azərbaycan Partiyası Səbail rayon təşkilatının Gənclər Birliyinin bütün üzvləri də hər zaman torpaqlarımızı işğaldan azad olunması üçün döyüşə hazırdır. Bunun üçün müvafiq qurumlara hərbi xidmətə getmək üçün müraciətlər edirik. Yeri gəlsə mənfur düşmənlərin önündə sipər olub qətiyyətli mübarizə aparacağıq. Bunun üçün isə Ali Baş Komandanın əmrini göszləyirik! Biz gənclərın hər biri Ali Baş Komandanın əsgərləriyik”, - deyə F.Hacıyeva qeyd edib.

Paylaş:

Baxılıb: 649 dəfə